உலகிலேயே மிகப்பெரிய கட்சி எது தெரியுமா?

உலகிலேயே மிகப்பெரிய கட்சி பாஜக தான்!
பின்தங்கிய காங்கிரஸ்.. முன்னேறிய ஆம்ஆத்மி.. எந்த இடம் தெரியுமா?

சென்னை: தொண்டர்களின் எண்ணிக்கையின் அடிப்படையில் உலகிலேயே மிகப்பெரிய கட்சி பாஜக தான் என World Updates என்ற நிறுவனம் முக்கிய தகவலை வெளியிட்டுள்ளது. இந்த பட்டியலில் காங்கிரஸ் கட்சி பின்தங்கிய நிலையில் ஆம்ஆத்மி கட்சி அனைவருக்கும் ஆச்சரியமளிக்கும் வகையில் முன்னேற்றமடைந்துள்ள தகவலும் குறிப்பிடப்பட்டுள்ளது. 1980 ம் ஆண்டில் இந்தியாவில் பாஜக கட்சி உருவானது. சியாமா பிரசாத் முகர்ஜி 1951ல் தொடங்கிய ஜனசங்கத்தில் இருந்து 1980 ம் ஆண்டு ஏப்ரல் மாதம் 6ம் தேதி பாஜக கட்சி புதிதாக தோற்றுவிக்கப்பட்டது. ஜனசங்கத்தின் வாயிலாக ஜனதா கட்சியாக செயல்பட்டவர்கள் பாஜகவை உருவாக்கினர்.

பாஜகவின் முதல் தலைவராக மறைந்த முன்னாள் பிரதமர் அடல் பிகாரி வாஜ்பாய் பொறுப்பேற்று செயல்பட்டு வந்தார். முதல் எம்பியாக ஆந்திராவின் சந்துபட்லா ஜங்கா ரெட்டி மற்றும் குஜராத்தில் ஏகே பாட்டீல் ஆகியோர் தேர்வாகினர். அதன்பிறகு 1990ல் பாஜகவின் முதல் முதல்வராக ராஜஸ்தானில் பைரோன் சிங் ஷெகாவத் செயல்பட்டார்.
அதன்பிறகு பாஜகவின் முதல் பிரதமராக 1996ல் வாஜ்பாய் பொறுப்பேற்றார். தற்போது பாஜகவின் 2வது பிரதமராக நரேந்திர மோடி செயல்பட்டு வருகிறார். கடந்த 2014 நாடாளுமன்ற தேர்தலில் மத்தியில் பாஜக அமோக வெற்றி பெற்று நரேந்திர மோடி பிரதமாானர். அதன்பிறகு 2019 நாடாளுமன்ற தேர்தலில் பாஜக வெற்றி பெற்ற நிலையில் 2வது முறையாக மீண்டும் நரேந்திர மோடி பிரதமரானார். அடுத்த ஆண்டு இந்தியாவில் நாடாளுமன்ற தேர்தல் நடைபெற உள்ள நிலையில் அதில் வெற்றி பெற்று ஹாட்ரிக் வெற்றியை பெறும் முனைப்பில் பாஜக செயல்பட்டு வருகிறது. இந்நிலையில் தான் உலகிலேயே மிகவும் பெரிய கட்சி என்ற அந்தஸ்தை பாஜக பெற்றுள்ளது. அதாவது அதிக உறுப்பினர்கள் உள்ள கட்சி என்ற அடிப்படையில் பாஜக தான் பெரிய கட்சி என தேர்வு செய்யப்பட்டுள்ளதாக வேர்ல்டு அப்டேட் (World updates) என்ற நிறுவனம் தெரிவித்துள்ளது.
இந்த நிறுவனம் வெளியிட்டுள்ள பட்டியலில் உலகில் மிகப்பெரிய கட்சியாக பாஜக முதலிடத்தில் உள்ளது. இரண்டாவது பெரிய கட்சியாக சீனாவின் கம்யூனிஸ்ட் கட்சி (சீன அதிபர் ஜி ஜின்பிங் கட்சி) உள்ளது. இந்த பட்டியலில் 3வது இடத்தில் அமெரிக்காவில் உள்ள ஜனநாயக கட்சி பெற்றுள்ளது. தற்போதைய அமெரிக்க அதிபர் ஜோபைடன் இந்த கட்சியை சேர்ந்தவர் தான். இந்த பட்டியலில் 4வது இடத்தில் காங்கிரஸ் கட்சி உள்ளது. 5வது இடத்தில் அமெரிக்காவின் குடியரசு கட்சி உள்ளது. இந்த கட்சியில் தான் டொனால்ட் டிரம்ப் உள்ளார். 6வது இடத்தில் துருக்கியின் நீதி மற்றும் முன்னேற்ற கட்சி உள்ளது. இதில் 9 வது இடத்தில் அரவிந்த் கெஜ்ரிவாலின் ஆம்ஆத்மி கட்சி இருக்கிறது. 10 வது இடத்தில் பாகிஸ்தான் முன்னாள் பிரதமர் இம்ரான் கானின் பாகிஸ்தான் தெக்ரீக் இ இன்சாப் கட்சி உள்ளது என்பது குறிப்பிடத்தக்கது.

நன்றி தட்ஸ்தமிழ்.