யூடியூப் புதிய வசதி அறிமுகம் - Aloud AI

by **சிவா** Sun Jun 25, 2023 10:06 pm

யூடியூப் வீடியோக்களை இலவசமாக மற்ற மொழிகளில் டப் செய்யும் வசதி விரைவில் அறிமுகப்படுத்த உள்ளது.

யூடியூப் பிரபலமான வீடியோ ஸ்ட்ரீமிங் தளமாகும். உலக நாடுகளில் ஏராளமானோர் பயன்படுத்துகின்றனர். யூடியூப் சேனல்கள் மூலம் கிரியேட்டர்கள் பணம் சம்பாதித்து வருகின்றனர். அந்த வகையில் அவர்களுக்கு இந்த அம்சம் பெரிதும் உதவியாக இருக்கும் என்று கூறப்பட்டுள்ளது.

அதாவது புதிய அம்சத்தில் யூடியூப் வீடியோக்களை இலவசமாக மற்ற மொழிகளில் டப் செய்து கொள்ளலாம். கூகுளின் இன்-ஹவுஸ் ஏரியா 120 இன்குபேட்டரின் தயாரிப்பான Aloud ஏ.ஐ பயன்படுத்துவதாக அறிவித்தது

கடந்த ஆண்டு, கூகுள், AI-இயங்கும் டப்பிங் தயாரிப்பான Aloud ஐ அறிமுகப்படுத்தியது, இது ஒரு வீடியோவை தானாக டிரான்ஸ்கிரிப்ட் செய்து அதன் டப்பிங் பதிப்பை உருவாக்க முடியும். டப்பை உருவாக்கும் முன் டிரான்ஸ்கிரிப்ஷனை மதிப்பாய்வு செய்து திருத்துவதற்கான விருப்பத்தையும் இது வழங்குகிறது. இப்போது வரை, வெவ்வேறு மொழிகளில் வீடியோக்களை உருவாக்க விரும்பினால், உள்ளடக்கத்தை உருவாக்குபவர்கள் மூன்றாம் தரப்பு பயன்பாடுகள் அல்லது வழங்குநர்களை நம்பியிருக்க வேண்டும்.

ஆனால் இனி ஏ.ஐ Aloud மூலம் யூடியூப்பிலேயே மற்ற மொழிகளில் இலவமாக வீடியோ டப் செய்து பதிவிடலாம். Aloud தற்போது ஆங்கிலம், போர்த்துகீசியம் மற்றும் ஸ்பானிஷ் மொழிகளில் கிடைக்கிறது. விரைவில் இந்தி உள்பட பல மொழிகளை சேர்க்க திட்டமிடப்பட்டுள்ளது.

by **சிவா** Sun Jun 25, 2023 10:07 pm

இனி யூடியூப்லயே கேம் விளையாடலாம்

யூடியூப் நிறுவனம் ஆன்லைன் கேம்களை சோதனை செய்து வருவதாக தகவல் வெளியாகியுள்ளது. ஆன்லைன் கேம்களை விளையாடுவதற்கான தளத்தை யூடியூப் உள்நாட்டில் சோதித்து வருகிறது என்று வால் ஸ்ட்ரீட் ஜெர்னல் வெள்ளிக்கிழமை செய்தி வெளியிட்டுள்ளது.

யூடியூப் மிகவும் பிரபலமான வீடியோ ஸ்ட்ரீமிங் தளமாகும். அனைத்து துறை தகவல்களையும் அதில் பெற முடியும். பொழுதுபோக்கு, கல்வி, செய்தி என பல்வேறு தகவல்களை பெறலாம். வீடியோ வடிவில் மிகவும் எளிதாக பெறலாம். யூடியூப் பல்வேறு உலக மொழிகளில் செயல்படுகிறது.

இந்நிலையில் யூடியூப் தனது அடுத்த கட்ட முயற்சியாக சொந்தமாக கேமிங் தளத்தை உருவாக்கி வருகிறது. ‘பிளேஎபிள்ஸ்’ எனப்படும் புதிய யூடியூப் தயாரிப்பை சோதித்து வருகிறது. தனது தாய் நிறுவனமாக கூகுள் ஊழியர்களிடம் இதை சோதனை செய்ய அழைப்பு விடுத்துள்ளது.

இந்த கேம்களை யூடியூப் வெப் அதாவது கம்ப்யூட்டர், லேப்டாப்களில் பயன்படுத்தலாம். ஆண்ட்ராய்டு, ஆப்பிள் போன்களிலும் பயன்படுத்தலாம் என அறிக்கை கூறியுள்ளது.

யூடியூப்பின் செய்தி தொடர்பாளர் ஒருவர் கூறுகையில், “நிறுவனம் கேமிங்கில் நீண்ட காலமாக கவனம் செலுத்தி வருகிறது. புதிய அம்சங்களைப் பரிசோதித்து வருகிறது. அதனால் இப்போது அறிவிக்க எதுவும் இல்லை” என்று கூறினார். எனினும் யூடியூப் கேம்மிங் தளத்தை உருவாக்கி வருகிறது என்பது தெரியவந்துள்ளது.