அமைச்சர் செந்தில் பாலாஜி கைது

First topic message reminder :

அமைச்சர் செந்தில் பாலாஜி கைது – நேற்று இரவு முதல் இப்போதுவரை நடந்தது என்ன?

தமிழ்நாடு மின்சாரத் துறை அமைச்சர் செந்தில் பாலாஜி மீதான ஊழல் வழக்குகளை விசாரித்துவந்த அமலாக்கத்துறை இப்போது அவரைக் கைது செய்திருக்கிறது. இவ்விஷயத்தில் நேற்று இரவிலிருந்து பரபரப்பான பல காட்சிகள் அரங்கேறின. அவை இங்கே தொகுத்தளிக்கப்படுகின்றன.

ஜூன் 13, செவ்வாய்க்கிழமை காலை: சென்னை மற்றும் கரூரில் உள்ள அமைச்சர் செந்தில் பாலாஜியின் வீடுகளில் காலை முதலே அமலாக்கத்துறை அதிகாரிகள் சோதனை நடத்தினர். தலைமைச் செயலகத்தில் உள்ள அவரது அலுவலகத்திலும் சோதனை நடத்தப்பட்டது.

ஜூன் 14, புதன்கிழமை அதிகாலை: விசாரணைக்காக நுங்கம்பாக்கத்தில் உள்ள அலுவலகத்துக்கு அமலாக்கத்துறை அதிகாரிகள் செந்தில் பாலாஜியை அழைத்து செல்ல இருந்த நிலையில் காரில் இருந்த செந்தில் பாலாஜி நெஞ்சு வலிப்பதாகக் கூறி, கதறி அழுது துடித்ததால், ஓமந்தூரார் அரசு மருத்துவமனைக்கு அழைத்துச் செல்லப்பட்டார்.

ஜூன் 14, புதன்கிழமை அதிகாலை: காரின் இருக்கையில் படுத்தபடி செந்தில் பாலாஜி துடிக்கும் காட்சிகளை ஏஎன்ஐ செய்தி நிறுவனம் வெளியிட்டது. இது பெரும் பரபரப்பை ஏற்படுத்தியது.

ஜூன் 14, புதன்கிழமை அதிகாலை: திமுக நிர்வாகிகள், அமைச்சர்கள் ஓமந்தூரார் அரசு மருத்துவமனைக்குச் சென்றனர்.
இதைத்தொடர்ந்து, ஏஎன்ஐ செய்தி முகமையிடம் பேசிய சட்டத்துறை அமைச்சர் ரகுபதி, செந்தில் பாலாஜியிடம் தொடர்ந்து 24 மணி நேரம் விசாரணை நடத்தப்பட்டதாகவும் இது மனித உரிமைகளுக்கு எதிரானது என்றும் தெரிவித்தார்.

ஜூன் 14, புதன்கிழமை காலை: மருத்துவமனையில் அனுமதிக்கப்பட்ட அமைச்சர் செந்தில் பாலாஜியை தமிழ்நாடு முதலமைச்சர் மு.க. ஸ்டாலின் நேரில் சென்று பார்த்தார். இதன்பிறகு, ஸ்டாலின் தனது டிவிட்டர் பக்கத்தில் இவ்வாறு பதிவிட்டார்: “விசாரணைக்கு முழு ஒத்துழைப்பு தருகிறேன் என்று சொன்ன பிறகும் அமைச்சர் செந்தில் பாலாஜிக்கு நெஞ்சு வலி ஏற்படும் வகையில் சித்ரவதை கொடுத்த அமலாக்கத்துறையின் நோக்கம் என்ன? … சட்ட நடைமுறைகளை மீறி மனிதநேயமற்ற முறையில் அமலாக்கத்துறை அதிகாரிகள் நடந்து கொண்டிருப்பது தேவையா? பா.ஜ.க.வின் இந்த மிரட்டல்களுக்கு எல்லாம் தி.மு.க. அஞ்சாது. 2024 தேர்தலில் மக்கள் தக்க பாடம் புகட்டுவார்கள்.”

ஜூன் 14, புதன்கிழமை காலை: சிகிச்சை பெற்றுவரும் அமைச்சர் செந்தில் பாலாஜிக்கு இதய ரத்தநாளப் பரிசோதனை செய்யப்பட்டதாகவும், அவருக்கு மூன்று ரத்தக்குழாய்களில் அடைப்பு உள்ளதாகவும் ஒரு அறிக்கையை ஓமந்தூரார் அரசு மருத்துவமனை வெளியிட்டது. மேலும் அவருக்கு இதய பைபாஸ் அறுவை சிகிச்சை செய்யப் பரிந்துரைத்தது.

ஜூன் 14, புதன்கிழமை மதியம்: மதச்சார்பற்ற முற்போக்கு கூட்டணிக் கட்சித் தலைவர்கள் அளித்த அறிக்கையில் “இது விசாரணை அல்ல; பழிவாங்கும் நடவடிக்கை,” என்று கூறினர்.

ஜூன் 14, புதன்கிழமை மதியம்: செந்தில் பாலாஜி சிகிச்சை பெற்றுவரும் ஓமந்தூரார் அரசு மருத்துவமனைக்கு சென்னை முதன்மை அமர்வு நீதிபதி அல்லி வந்து விசாரணை நடத்தினார்.

ஜூன் 14, புதன்கிழமை மாலை: அமலாகத்துறை விசாரணையில் இருந்த அமைச்சர் செந்தில் பாலாஜி, கைது செய்யப்பட்டிருப்பதாக அதிகாரப்பூர்வ அறிவிப்பு வெளியிடப்பட்டது. ஜூன் 28ம் தேதி வரை நீதிமன்றக் காவலில் வைக்கப்படுவதாக அறிவிப்பு வெளியானது.

ஜூன் 14, புதன்கிழமை மாலை: ஜாமீன் கேட்டு செந்தில் பாலாஜி தாக்கல் செய்திருந்த மனு, காவலில் எடுத்து விசாரிக்க அனுமதி கோரிய அமலாக்கத்துறையின் மனு, காவேரி மருத்துவமனையில் சிகிச்சையளிக்க அனுமதிக்க கோரிய செந்தில் பாலாஜி தரப்பிலான மனு உட்பட, மூன்று மனுக்களின் மீதான விசாரணை சென்னை முதன்மை அமர்வு நீதிமன்றத்தில் முடிவுக்கு வந்தது. இவற்றின்மீதான தீர்ப்பை நீதிமன்றம் நாளைக்கு (ஜூன் 15, வியாழக்கிழமை) ஒத்திவைத்தது.

குறிச்சொற்கள் #செந்தில்_பாலாஜி #திமுக. #ஸ்டாலின் #பாஜக

அரசியல்வாதிகளுக்கு இதயம் வலுவில்லை… செந்தில் பாலாஜி கைது குறித்து நடிகை கஸ்தூரி கருத்து

மின்சாரத்துறை அமைச்சர் செந்தில்பாலாஜி நேற்று நள்ளிரவு திடீரென கைது செய்யப்பட்ட நிலையில், அவர் தனக்கு நெஞ்சுவலி என்று கூறி மருத்துவமனையில் சிகிச்சை பெற்று வருவது குறித்து நடிகை கஸ்தூரி விமர்சித்துள்ளார்.

90 காலக்கட்த்தில் தமிழ் சினிமாவில் முன்னணி நடிகையாக பல வெற்றிப்படங்களை கொடுத்துள்ளவர் நடிகை கஸ்தூரி. தற்போது திரைப்படங்களில் முக்கிய கேரக்டர்களில் நடித்து வரும் இவர் அவ்வப்போது சக நடிகர்கள் குறித்து தனது சமூகவலைதளங்களில் கருத்துக்களை பதிவிட்டு வருகிறார். மேலும் சில சமயங்களில் அரசியல் தொடர்பான கருத்துக்களையும் கூறி வருகிறார்.

அந்த வகையில் தற்போது தமிழக மின்சாரத்துறை அமைச்சர் செந்தில்பாலாஜி குறித்து அவர் வெளியிட்டுள்ள ட்விட்டர் பதிவு இணையத்தில் வைரலாகி வருகிறது. தமிழகத்தில் மின்சாரத்துறை அமைச்சராக இருக்கும் செந்தில்பாலாஜி வீட்டில் அமலாக்கத்துறை சோதனை நடத்திய நிலையில், நேற்று நள்ளிரவு அமலாக்கத்துறை அதிகாரிகள் அவரை கைது செய்தனது.

ஆனால் கைது செய்யப்பட்ட அமைச்சர் செந்தில்பாலாஜி தனக்கு நெஞ்சு வலிப்பதாக தரையில் படுத்து அழுத காட்சிகள் இணையத்தில் படுவைராலாக பரவியது. இதனைத் தொடர்ந்து சென்னை பல்நோக்கு மருத்துவமனையில் அனுமதிக்கப்பட்ட அவர், தற்போது சிகிச்சை பெற்று வரும் நிலையில், செந்தில்பாலாஜி கைது செய்யப்பட்டது குறித்து திமுக அமைச்சர்கள் மற்றும் கூட்டணி கட்சியினர் கடும் கண்டனம் தெரிவித்து வருகின்றனர்.

#senthilbalaji எவ்வளவு துடிக்கிறார். ரெய்டு போகும்போது ED IT அதிகாரிகளோடு டாக்டரும் அவசியம். Indian politicians have the weakest hearts. Every prison must build cardiac care unit. Cops must be trained in CPU . Instead of police Jeep, better to use ambulance. 🫤 pic.twitter.com/01ukALO1G5 — Kasturi (@KasthuriShankar) June 13, 2023

இதனிடையே அமைச்சர் செந்தில்பாலாஜி கைது செய்யப்பட்டது குறித்து கிண்டல் செய்து பதிவிட்டுள்ள நடிகை கஸ்தூரி, ‘செந்தில் பாலாஜி எவ்வளவு துடிக்கிறார்? ரெய்டு போகும்போது அமலாக்க துறை மற்றும் வருமான துறை அதிகாரிகளோடு மருத்துவர்களும் அவசியம் செல்ல வேண்டும். இந்திய அரசியல்வாதிகள் வலுவில்லாத இதயங்களை கொண்டிருக்கிறார்கள். ஒவ்வொரு சிறைச்சாலையிலும் இதயத்திற்கு சிறப்பு சிகிச்சை அமைப்பை ஏற்படுத்த வேண்டும்.

காவலர்கள் இதயம் சம்பந்தப்பட்ட விஷயங்களில் பயிற்சி பெற வேண்டும். மேலும் போலீஸ் ஜீப்புக்கு பதிலாக கைது செய்த பின் ஆம்புலன்ஸ் பயன்படுத்தலாம் என்று பதிவிட்டு செந்தில் பாலாஜி நெஞ்சு வலியால் துடித்துக் கொண்டிருக்கும் புகைப்படத்தையும் சேர்த்து வெளியிட்டுள்ளார்.
இந்த பதிவு தற்போது வைரலாகி வரும் நிலையில், வழக்கம்போல் நெட்டிசன்கள் தங்களது கருத்துக்களை பதிவிட்டு வருகின்றனர்.

ஆ. ராசா, கனிமொழி கைதின்போது தி.மு.க இவ்வளவு அலப்பறை செய்யவில்லை: பா.ஜ.க விமர்சனம்

அமைச்சர் செந்தில்பாலாஜி கைது செய்யப்பட்டுள்ளது தமிழக அரசியலில் பரபரப்பை ஏற்படுத்தி உள்ளது.

செவ்வாய்க்கிழமை காலை முதல் இன்று அதிகாலை (புதன்கிழமை) 2 மணி வரை சுமார் 18 மணி நேரம் அமைச்சர் செந்தில்பாலாஜி வசித்து வரும் அரசு வீடு, அவரது உறவினர்கள் மற்றும் நண்பர்கள் என தமிழகத்தில் உள்ள பல்வேறு இடங்களில் அமலாக்கத் துறையினரின் சோதனை நடைபெற்றது.

20 மணி நேர விசாரணைக்குப் பிறகு, அமைச்சர் செந்தில் பாலாஜியை அமலாக்கத் துறை அதிகாரிகள் கைது செய்தனர். தொடர்ந்து அவரை அமலாக்கத்துறை அலுவலகத்திற்கு விசாரணைக்காக அழைத்துச் சென்றபோது அவருக்கு நெஞ்சுவலி ஏற்பட்டதாக கூறப்படுகிறது, அதனையடுத்து சென்னை ஓமந்தூரார் அரசு மருத்துவமனைக்கு அவர் அழைத்துச் செல்லப்பட்டார். அங்கு அவருக்கு தீவிர சிகிச்சை பிரிவில் அனுமதிக்கப்பட்டு சிகிச்சை அளிக்கப்பட்டு வருகிறது.

இந்த தகவல் அறிந்து அமைச்சர்கள் சேகர்பாபு, ரகுபதி, எ.வ. வேலு உள்ளிட்ட ஏராளமான திமுகவினர் மருத்துவமனைக்கு விரைந்து சென்றனர்.

முன்னெச்சரிக்கை நடவடிக்கையாக மருத்துவமனை அமைந்துள்ள பகுதிக்கு துப்பாக்கி ஏந்திய 50-க்கும் மேற்பட்ட மத்திய தொழிற்பாதுகாப்பு படையினர் பாதுகாப்பு பணியில் ஈடுபடுத்தப்பட்டனர்.

இந்நிலையில் தமிழ்நாடு பா.ஜ.க.வின் துணைத் தலைவர் நாரயணன் திருப்பதி செந்தில் பாலாஜியின் கைதையும், அமைச்சர்களின் நடவடிக்கைகளையும் சுட்டிக்காட்டி ட்விட்டரில் விமர்சித்துள்ளார்.

அதில், கைது செய்யப்படும் போது அமைச்சர் செந்தில் பாலாஜி நெஞ்சு வலிப்பதாக கதறியது தான் திராவி மாடல்.

செந்தில்பாலாஜி விவகாரத்தில் முதலமைச்சர் மு.க.ஸ்டாலின் அவர்கள் சட்டத்திற்குட்பட்டு நடந்து கொள்வது தான் நல்லது. இல்லையேல் அறிவாயத்தின் மானம் சந்தி சிரிக்கும். அ.ராசா, கனிமொழி கைதுகளின் போது கூட இவ்வளவு அலப்பறை இருக்கவில்லை.ஆனால், இப்போது திமுக நடத்தும் நாடகம் வெட்கக்கேடானது, என்று நாராயணன் திருப்பதி கடுமையாக விமர்சித்துள்ளார்

திரைக்கதை, வசனம், நடிப்பு சுமார் தான். "அய்யோ அய்யய்யோ.. கொலை பண்ணுறாங்க…" என்ற காட்சி இடம் பெற்றிருந்தால் சிறப்பாக இருந்திருக்கும். நாராயணன் திருப்பதி. — Narayanan Thirupathy (@narayanantbjp) June 14, 2023

மேலும் இதுதொடர்பாக வீடியோ ஒன்றை வெளியிட்ட நாரயணன் அதில், விசாரணைக்கு முழு ஒத்துழைப்பு கொடுக்க வேண்டியது செந்தில் பாலாஜியின் கடமை.

வெட்கமாக இல்லை.

போக்குவரத்துத் துறையில் வேலை வாங்கி தருவதாக கூறி, சாதரண மக்களிடம் லஞ்சம் வாங்கி ஏமாற்றிய ஒரு நபருக்கு இப்படிப்பட்ட ஒரு ஆதரவா?

தலைகுனிய வேண்டிய சூழ்நிலையிலே தமிழகம் இருக்கிறது. முதலமைச்சர் சட்டத்திற்குட்பட்டு, உங்களுடைய கட்சியினரை நடக்க வையுங்கள். செந்தில் பாலாஜியை உடனடியாக அமைச்சரவையில் இருந்து தூக்கி எறியுங்கள். அதுதான் திமுகவிற்கும், தமிழகத்திற்கும் நல்லது என்று, நாரயணன் திருப்பதி அந்த வீடியோவில் பேசியிருக்கிறார்.

அறிவு குறைவான முதல்வர்