இந்தியாவில் நான்கில் ஒருவருக்கு உயர் ரத்த அழுத்த பாதிப்பு - 12% பேருக்கு மட்டுமே கட்டுப்பாட்டில் உள்ளது.

by **சிவா** Mon Jun 12, 2023 1:02 am

இந்தியாவில் நான்கில் ஒருவருக்கு உயர் ரத்த அழுத்த பாதிப்பு இருப்பதாகவும், அவர்களில் 12 சதவீதம் பேருக்கு மட்டுமே கட்டுப்பாட்டுக்குள் அந்த பாதிப்பு இருப்பதாகவும் மருத்துவர்கள் தெரிவித்துள்ளனர்.

உலக உயர் ரத்த அழுத்த அமைப்பு (வோ்ல்ட் ஹைப்பா்டென்சன் லீக்), ஐபிசிஏ ஆய்வகம் இணைந்து ரத்த அழுத்தம் தொடா்பான விழிப்புணா்வு நிகழ்ச்சியை சென்னையில் ஞாயிற்றுக்கிழமை நடத்தின. இதில், 200-க்கும் மேற்பட்ட மருத்துவர்கள் உள்பட 500-க்கும் மேற்பட்டோா் கலந்துகொண்டனர்.

இது குறித்து உயர் ரத்த அழுத்த அமைப்பின் துணைத் தலைவர் எஸ்.என்.நரசிங்கன் கூறியதாவது:

உயர் ரத்த அழுத்த நோய்க்கு ஆரம்ப கட்டத்தில் எந்த அறிகுறியும் இருக்காது. அவ்வப்போது பரிசோதனைகளை மேற்கொள்ளவில்லை என்றால் அதைக் கண்டறிய இயலாது.

உயர் ரத்த அழுத்தத்தை மருத்துவ சிகிச்சைகள் மூலம் எளிதில் கட்டுப்படுத்தலாம் என்றாலும், முறையாக சிகிச்சைகளை பின்பற்றுவோா் மிக குறைவாகவே உள்ளனர். இதுகுறித்த விழிப்புணா்வு மேம்பட வேண்டும்.

இந்தியாவில் நான்கில் ஒருவர் உயர் ரத்த அழுத்த நோயால் பாதிக்கப்பட்டுள்ளதாகவும், அதில் 12 சதவீதம் போ் மட்டுமே முறையாக மருந்துகளை எடுத்து கொள்வதாகவும் அண்மையில் நடைபெற்ற ஆய்வில் தெரியவந்துள்ளது.

நோய் தாக்க அபாயம் உள்ளவர்களின் ரத்த அழுத்தத்தைக் கண்காணிக்கவும், முறையாக மருந்துகள் வழங்கப்படுவதை உறுதி செய்யவும் சிறப்புத் திட்டத்தை மத்திய அரசு செயல்படுத்தி வருகிறது. இதன்மூலம், 2025-ஆம் ஆண்டுக்குள், 25 சதவீதம் உயர் ரத்த அழுத்த நோயை குறைக்க இலக்கு நிா்ணயிக்கப்பட்டுள்ளது என்றாா் அவர்.

by **Dr.S.Soundarapandian** Mon Jun 12, 2023 12:40 pm

“ இதுகுறித்த விழிப்புணா்வு மேம்பட வேண்டும்.”-
விழிப்புணர்வு எல்லாம் இருக்கத்தான் செய்கிறது! மக்கள் அணுகும்படியான மருத்துவ வசதிகள்தான் இல்லை! அதைப்பற்றிக் கவலைப்படுவாரும் இல்லை!

by **T.N.Balasubramanian** Mon Jun 12, 2023 5:52 pm

தினமும் 3 கிலோமீட்டர் நடை பயிலுதல்

காரம் உப்பை குறைத்தல்

சாந்தத்தை கடைபிடித்தல்.

இவையும் பயன் அளிக்கும்.

by Sponsored content

இந்தியாவில் நான்கில் ஒருவருக்கு உயர் ரத்த அழுத்த பாதிப்பு - 12% பேருக்கு மட்டுமே கட்டுப்பாட்டில் உள்ளது.

இந்தியாவில் நான்கில் ஒருவருக்கு உயர் ரத்த அழுத்த பாதிப்பு - 12% பேருக்கு மட்டுமே கட்டுப்பாட்டில் உள்ளது.

Re: இந்தியாவில் நான்கில் ஒருவருக்கு உயர் ரத்த அழுத்த பாதிப்பு - 12% பேருக்கு மட்டுமே கட்டுப்பாட்டில் உள்ளது.

Re: இந்தியாவில் நான்கில் ஒருவருக்கு உயர் ரத்த அழுத்த பாதிப்பு - 12% பேருக்கு மட்டுமே கட்டுப்பாட்டில் உள்ளது.

Re: இந்தியாவில் நான்கில் ஒருவருக்கு உயர் ரத்த அழுத்த பாதிப்பு - 12% பேருக்கு மட்டுமே கட்டுப்பாட்டில் உள்ளது.