ஆண் குழந்தைக்கு பெண் பெயர் வைத்த சீமான்

**சிவா** · **சிவா** Mon Jun 12, 2023 12:17 am

கவுண்டமணி காமெடி பாணியில், நாம் தமிழர் கட்சியின் ஒருங்கிணைப்பாளர் சீமான், ஆண் குழந்தைக்கு பெண் பெயர் வைத்தது, சிரிப்பலையை ஏற்படுத்தியது.

சென்னையின், இரண்டாவது விமான நிலையம், காஞ்சிபுரம் மாவட்டம், பரந்துாரில் அமைய உள்ளது.

இதற்கு, எதிர்ப்பு தெரிவித்து, அப்பகுதி மக்கள் தொடர்ந்து, போராட்டம் நடத்தி வருகின்றனர்.

இந்நிலையில், விமான நிலையத்துக்கு எதிர்ப்பு தெரிவித்து, நாம் தமிழர் கட்சி சார்பில், பொதுக்கூட்டம் நடத்தப்பட்டது. இதில், கட்சியின் ஒருங்கிணைப்பாளர் சீமான் பேசினார்.

கூட்டம் துவங்கும் முன், கட்சியின், சோழவரம் மேற்கு ஒன்றிய, இளைஞர் பிரிவு செயலர் இன்பசேகரன் - தங்கபொண்ணு தம்பதிகளின் குழந்தைக்கு, பெயர் சூட்டுமாறு, கட்சி நிர்வாகிகள் கூறினர்.

குழந்தைக்கு, தலையில் கொண்டையிட்டு ‛பூ' வைத்திருந்ததால், பெண் குழந்தை என, நினைத்த சீமான், ‛வெண்ணிலா' எனப் பெயர் சூட்டினார்.

இதனால், பொதுக்கூட்ட மேடையில் இருந்த, கட்சியினர் மற்றும் குழந்தையின் பெற்றோர், அதிர்ச்சியடைந்தனர்.

பின், குழந்தையின் தந்தை இன்பசேகரன், சீமானின் காதில், ‛அண்ணா இது, ஆண் குழந்தை' என, கிசுகிசுத்தார்.

இதையடுத்து, சுதாரித்த சீமான், ‛எப்பா, குழந்தை பொண்ணா? பையனான்னு? முதலிலேயே சொல்ல மாட்டீங்களா,' என, சிரித்தபடியே ‛வெற்றி வேந்தன்' என, பெயர் வைத்தார்.

கவுண்டமணி காமெடி பாணியில் நடந்த, இச்சம்பவம், மேடையில் இருந்தவர்கள் மற்றும் பொதுக் கூட்டத்துக்கு வந்தவர்களிடையே, சிரிப்பலையை ஏற்படுத்தியது.

ஆண் குழந்தைக்கு பெண் பெயர் வைத்த சீமான்

ஆண் குழந்தைக்கு பெண் பெயர் வைத்த சீமான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக