குதுப் மினாரில் பகவான் நரஸிம்ஹரும் கையில் குழந்தை ப்ரஹ்லாதன் உள்ள சிலை

குதுப் மினாரில் பகவான் நரஸிம்ஹரும் கையில் குழந்தை ப்ரஹ்லாதன் உள்ள சிலை அடையாளப் படுத்தப்பட்டுள்ளது..!

கடந்த 2 மாதங்களாக டெல்லியிலுள்ள குதுப் மினார் என்று கூறப்பட்டுக் கொண்டிருக்கும் ஸ்தூபத்தில் ஹிந்துமதம், ஜைன மதம் தொடர்பான பல்வேறு கடவுள்களின் பிரதிமைகள் இருப்பதாக செய்திகள் வந்து கொண்டிருக்கிறது.

குதுப் மினார் காம்ப்ளெக்ஸில் உள்ள “குவாத் உல் இஸ்லாம்” மசூதியில் இருக்கும் ஒரு பிரதிமையைப் பற்றியும் அதனை அடையாளம் காணவும் பல ஆண்டுகளாக முயற்சி நடந்து வருகிறது. தற்போது தரம்வீர் சர்மா என்னும் தொல்லியல்துறை வல்லுனர் அதனை நரஸிம்ஹ பகவானும் அவர் மடியில் ப்ரஹ்லாதனும் இருப்பதாக கூறியுள்ளார்.

8 அல்லது 9 ஆம் நூற்றாண்டைச் சேர்ந்த பரதிஹரா வம்சத்தைச் சேர்ந்த அனங்க்பால் 1 ஆம் அரசர் காலத்தைச் சேர்ந்தது என்றும் கூறியுள்ளார். அதோடு இந்த விக்ரஹம் மிகவும் அபூர்வமானது என்றும் குறிப்பிட்டுள்ளார் அவர்.

நாம் இதுவரைப் பார்த்தது நரஸிம்ஹ மூர்த்தி தன்னுடைய மடியில் ஹிரண்யகசுபுவை வைத்துக் கொண்டு கடுமையான கோபத்தோடு தன் கை நகங்களினால் அவன் வயிற்றைக் கிழிக்கும் உருவங்களையே பார்ததிருக்கிறோம். ஆனால் இந்த விக்ரஹத்தில் நரஸிம்ஹர்.. ஹிரண்யகசுபுவை கொன்று மிகுந்த உக்ரத்தோடு இருக்கிறார். அப்போது அந்த கோபம் தாங்காமல் பூமியே பற்றி எரிகிறது. எல்லா தேவர்களும் ப்ரஹலாதனிடம் சென்று நரஸிம்ஹரின் கோபத்தைத் தணிக்கும்படி வேண்டி கேட்டுக் கொள்கிறார்கள். ப்ரஹ்லாதனும் நரஸிம்ஹரைத் துதிக்க.. நரஸிம்ஹர் மனம் குளிர்ந்து குழந்தை ப்ரஹ்லாதனை தன் மடியில் எடுத்து வைத்துக் கொள்ளும் காட்சியே இது என்று தொல்லியல்துறை நிபுணர் சர்மா விளக்கியுள்ளார்.

நேஷனல் மானுமெண்ட் அதாரிட்டியின் சேர்மன் தருண் விஜய் இதனைப் பற்றி கூறும் போது குதுப் மினாரில் கண்டுபிடிக்கப்பட்டு அடையாளப்படுத்தப்பட்ட இந்த நரஸிம்ஹ கடவுள் ஒரு அற்புதம் என்று ஸ்லாகித்துப் பேசியுள்ளார். தொல்லியல்துறையில் நிபுணத்துவம் உடையவர்கள் அனைவருக்கும் இதன போட்டோவை அனுப்பி மேற்கொண்டு இதுபற்றி ஸ்பெஷலாக ஆராயும்படி கேட்டுக் கொண்டுள்ளதாக்க் கூறியுள்ளார்.

பாரதம் முழுவதும் நரஸிம்மர் பூஜை செய்து வழிபடுவது என்பது பல காலங்களாக இருந்து வரும் பழக்கம். தீயவைகளை அழித்து நல்லவற்றைக் காப்பாற்றுவது என்பதற்கொரு உதாரணமாகத் திகழ்வது நரஸிம்ஹர் ஸ்வாமி.

https://www.opindia.com/2022/05/idol-of-lord-narasimha-and-devotee-prahlada-identified-at-qutub-minar/