ONDC---தளம் பெறும் பெரும் வெற்றி.

**T.N.Balasubramanian** · **T.N.Balasubramanian** Thu May 11, 2023 6:29 pm

மத்திய அரசின் ONDC தளம், டிஜிட்டல் சேவை தளத்தில் பெரும் மாற்றத்தையும் தாக்கத்தையும் ஏற்படுத்தி வருகிறது. கடந்த சில நாட்களாக ஸ்விக்கி, சோமேட்டோ போன்ற தளத்தை திக்குமுக்காட வைத்து வரும் வேளையில் தற்போது அடுத்த துறையை பதம் பார்க்க துவங்கியுள்ளது. சாப்ட்பேங்க் முதலீட்டில் இயங்கும் Juspay நிறுவனம் Namma Yatri என்ற ஆன்லைன் டாக்ஸி சேவை தளத்தை மத்திய அரசு உருவாக்கிய Open Network for Digital Commerce (ONDC) தளத்தில் இணைத்து மக்களுக்கு அளித்து வரும் வேளையில் கடந்த 8 மாதத்தில் மிகப்பெரிய அளவிலான வர்த்தகத்தை பெற்றுள்ளது.

ONDC தளத்தில் இணைக்கப்பட்ட Namma Yatri தளம் கடந்த 8 மாதமாக இயங்கி வருகிறது. இந்த 8 மாதத்தில் ஒவ்வொரு மாதமும் 100 சதவீத வளர்ச்சி உடன், தற்போது ஓலா, உபர் பெற்று வரும் தனசரி சராசரி ஆட்டோ புக்கிங் எண்ணிக்கையில் சுமார் 20 சதவீதத்தை Namma Yatri பெற்று வருகிறது.

இந்தியாவில் ஆன்லைன் டாக்சி சேவை வர்த்தகத்தில் பல வருடமாக இயங்கி வரும் ஓலா, உபர் நிறுவனத்தின் ஆட்டோ பிரிவில் தினமும் 140000 மற்றும் 150000 புக்கிங்-ஐ பெறு வேளையில்.. வெறும் 8 மாதத்தில் 20 சதவீத வர்த்தகத்தை பெற்று அசத்தியுள்ளது Namma Yatri. Namma Yatri தளம் ONDC-யில் இணைக்கப்பட்டு இயங்கி வருவதால் கமிஷன், சர்ஜ் சார்ஜ் போன்ற எந்த விஷயமும் இல்லை. தற்போது பெங்களூர் மற்றும் கொச்சி ஆகிய இரு நகரங்களில் மட்டுமே இயங்கி வரும் வேளையில் விரைவில் 6 முக்கிய நகரங்களில் அறிமுகம் செய்ய உள்ளதாக தகவல் வெளியாகியுள்ளது. இந்த நிலையில் பேடிஎம் போன்ற பல நிறுவனங்கள் தற்போது ONDC தளத்தில் இருக்கும் வேளையில் பேடிஎம் - Namma Yatri சேவையை வழங்க திட்டமிட்டு வருகிறது. Namma Yatri வளர்ச்சி குறித்து அந்நிறுவனத்தின் சிஇஓ கூறுகையில் இந்த வருடத்தின் 3வது காலாண்டுக்குள் தினமும் 1 லட்சம் ஆட்டோ புக்கிங் சேவையை பெறும் என இலக்கு நிர்ணயம் செய்துள்ளதாக தெரிவித்துள்ளார்.

நன்றி தட்ஸ்தமிழ்.

ONDC---தளம் பெறும் பெரும் வெற்றி.

ONDC---தளம் பெறும் பெரும் வெற்றி.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக