ஏமன்: ரமலான் நன்கொடை பெற குவிந்த கூட்ட நெரிசலில் சிக்கி 78 பேர் உயிரிழப்பு

**சிவா** · **சிவா** Thu Apr 20, 2023 8:59 pm

இந்த சம்பவத்தில் பலர் காயமடைந்துள்ளதாகவும் 13 பேர் ஆபத்தான நிலையில் இருப்பதாகவும் சனாவில் உள்ள சுகாதார அதிகாரி ஒருவர் தெரிவித்தார்.

கூட்டத்தை கட்டுப்படுத்தும் முயற்சியில் ஹூதி போராளிகள் வானை நோக்கி சுட்டதாகவும், அப்போது, மின்கம்பியை தோட்டா தாக்கியதில் வெடிப்பு ஏற்பட்டது என்றும் இதனால் மக்கள் பீதியடைந்து அங்குமிங்கும் ஓடியதால் கூட்ட நெரிசல் ஏற்பட்டதாக சம்பவத்தை நேரில் பார்த்த இரண்டு பேர் தெரிவித்ததாக அசோசியேட்டட் பிரஸ் செய்தி நிறுவனம் குறிப்பிட்டுள்ளது.

இஸ்லாமிய மக்களின் புனித மாதமான ரமலான் மாதத்தின் இறுதி நாட்களில் இந்த நிகழ்வு நடந்துள்ளது.

2015ஆம் ஆண்டு ஏற்பட்ட மோதலால் ஏமன் பேரழிவிற்குள்ளானது. ஹௌதி போராளிகள் நாட்டின் மேற்குப் பகுதியின் பெரும் பகுதியைப் கைப்பற்றினர்.

அதிபர் மன்சூர் ஹாதி வெளிநாட்டிற்கு தப்பிச் சென்றார். சௌதி தலைமையிலான அரபு நாடுகளின் கூட்டணி இந்த விவகாரத்தில் தலையிட்டு அவரது ஆட்சியை தொடர வழி வகுத்தது. எனினும், பல ஆண்டுகளாக மோதல்கள் காரணமாக நெருக்கடியான நிலை தொடர்கிறது.

இந்த மோதலில் 1,50,000க்கும் அதிகமானோர் உயிரிழந்ததாகவும், 2 கோடியே 30 லட்சத்துக்கும் அதிகமான மக்களுக்கு (மொத்த மக்கள் தொகையில் முக்கால்வாசி பேர்) ஏதாவது வகையில் உதவிகள் தேவைப்படுவதாகவும் கூறப்படுகிறது.

கடந்த வாரம் ஏமனில், போரில் ஈடுபட்டுவரும் இரண்டு தரப்புகளுக்கும் இடையே ஒரு பெரிய கைதிகள் இடமாற்றம் தொடங்கியது. இது, பேரழிவுகரமான எட்டு ஆண்டுகால மோதலை முடிவுக்குக் கொண்டுவருவதற்கான தீவிர முயற்சிகளின் ஒரு பகுதியாக கருதப்படுகிறது.

**T.N.Balasubramanian** · **T.N.Balasubramanian** Fri Apr 21, 2023 8:27 pm

ரமலான் இலவச பரிசு கொடுத்தது யார்?

கொடுத்ததால் கிடைத்த பலன்

மரணத்தால் மடிந்ததோ????????

ஏமன்: ரமலான் நன்கொடை பெற குவிந்த கூட்ட நெரிசலில் சிக்கி 78 பேர் உயிரிழப்பு

ஏமன்: ரமலான் நன்கொடை பெற குவிந்த கூட்ட நெரிசலில் சிக்கி 78 பேர் உயிரிழப்பு

Re: ஏமன்: ரமலான் நன்கொடை பெற குவிந்த கூட்ட நெரிசலில் சிக்கி 78 பேர் உயிரிழப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக