மனைவிக்கு காய்ச்சல் வந்தால்...

மனைவிக்கு காய்ச்சல். டாக்டரிடம் இதைச் சொல்லி, இவர்கள் எப்படி மருந்து கேட்கிறார்கள், பாருங்கள்!

நாடக நடிகர்

"டாக்டர்.. என் மனைவி கமலி 101 டிகிரி ஜுரத்தாலே துடிக்கறா. அவ இல்லாம என் னால ஒரு நிமிஷம்கூட உயிர் வாழ முடியாது டாக்டர்! டாக் டர்... உங்களுக்கு ஒண்ணு தெரி யுமா... கமலி சின்ன வயசிலே என் மேல உயிரையே வச்சு, வீட் டுக்குக்கூட சொல்லாம என் னோடு ஊரைவிட்டே ஓடி வந் துட்டா டாக்டர்... ஓடி வந்துட்டா! அவ உயிரை நீங்க காப்பாத்த லேனா, நான் உயிரோடு வாழற திலே அர்த்தமே இருக்காது டாக்டர்..!"

சினிமா வசனகர்த்தா

"டாக்டர்.. காய்ச்சல் வந்தவர்களெல்லாம் 'ஜூ'வுக்குப் போவதில்லை; ஆனா, நேத்து 'ஜூ'வுக் குப் போய்த் திரும்பிய என் மனைவிக்கு இன்னிக்கு காய்ச்சல். ஏன் தெரியுமா? பஞ்சணையில் படுத்துத் தூங்குபவனைப் பார்த்து, 'டேய்... உனக்கு இன்னிக்கு பஞ்சணை கிடையாது... நீ பாயில்தான் படுக்கணும்' சொன்னா அவனுக்கு உடனே காய்ச்சல் வந்துடும். அது போலத்தான் டாக்டர் என் மனைவிக்கும். தர்மம், நியாயம், நீதி, நேர்மை இவை எல்லாவற்றுக் கும் அப்பாற்பட்டவ டாக்டர் என் மனைவி. அந்தப் புண்ணியவ தியை நீங்கதான் டாக்டர் காப்பாத்தணும்..!"

சிறுகதை எழுத்தாளர்

"டாக்டர்! இன்று காலை நான் படுக்கையைவிட்டு எழுந்தி ருக்கிறேன். பக்கத்து வீட்டில் பேப்பர் போடும் சப்தம். எதிர் வீட்டுக் கூரை மேல் ஒரே ஒரு காக்கை தலையை ஒரு மாதிரி சாய்த்துப் பார்க்கிறது. பிளாட்பாரத்தின் ஓரமாக ஓர் பெருச்சாளி 'கிடுகிடு'வென்று ஓடி, சாக் கடையில் இறங்கி மறைகிறது. எங்கோ, ஓட்டல் 'ஷட்டர்'களைப் 'படபட'வென்று திறக்கும் ஓசை. என் மனைவி சித்ரா இன்னும் தூங்கிக்கொண்டு இருக்கிறாள். அருகே செல்கிறேன். லேசான முனகல் சப்தம். என்றுமே விடியற் காலை ஐந்து மணிக்கெல்லாம் எழுந்துவிடும் சித்ரா, இன்று ஏன் இன்னும் தூங்கிக்கொண்டிருக் கிறாள்? ஒருவேளை..? சீ..! இந்தப் பாழாய்ப்போன மனம் எதை எதையோ கற்பனை செய்து கொண்டு வேதனைப்படுகிறது. என் கை விரல்கள் பூப் போன்ற அவள் கழுத்தை வருடி விடுகின் றன. இப்போதுதான் எனக்குப் புரிகிறது... சித்ராவுக்குக் கடுமையான காய்ச்சல்! இதோ, நான் உங்கள் முன் மருந்துக்காக ஏங்கி நின்றுகொண்டு இருக்கிறேன் டாக்டர்..!"

அரசியல்வாதி

"மதிப்பிற்குரிய டாக்டர் அவர்களே! என் அன்புக்குரிய மனைவி, பாசத்துக்குரிய பர்வதம் இன்று கடும் காய்ச்சலால் அவதிப்பட்டுக் கொண்டு இருக்கிறாள். நீங்கள் எங்கள் பேட்டையின் டாக்டர்... மண்ணின் மைந்தர்! உங்கள் பொன்னான சிகிச்சையை உடனே மேற்கொண்டு மருந்து, மாத்திரை, மிக்சர் என்ற மூன்றின் வழி நடந்து, என் மனைவியின் காய்ச்சலைப் போக்குமாறு இரு கரம் கூப்பிக் கேட்டுக்கொள்கிறேன்!"