உலகின் ஆற்றல் மிக்க மொழிகள்

மனிதன் தன்னை விலங்குகளிடமிருந்து வேறுபடுத்திக் காட்டவே, மொழிகளை பயன்படுத்தத் துவங்கினான். இன்று உலகில், 6,500க்கும் மேற்பட்ட மொழிகள் பேசப்படுகின்றன.

'மொழிகளின் உண்மையான துவக்கம், 50 ஆயிரம் ஆண்டுகளுக்கு முந்தைய காலமாக இருக்கலாம்...' என்கின்றனர், ஆராய்ச்சியாளர்கள்.

உலகின் தொன்மையான மொழிகள் பல இருந்தாலும், இன்று பயன்பாட்டில் இருக்கும் மொழிகளாக, லத்தீன் - ஆர்மேனியன்; கொரியாவின் - ஹீப்ரு; அரபிக், சீனம், கிரேக்கம், எகிப்து, தமிழ் மற்றும் சமஸ்கிருதம் மட்டுமே இருக்கின்றன.

இதில், தமிழ் மொழி, 5,000 ஆண்டுகளுக்கு முன் தோன்றியது. உலகிலேயே இடமிருந்து வலமாக எழுதப்படும் தொன்மையான மொழி, தமிழ் மட்டுமே. அதே வேளையில், பேசும்போது குறைந்த அளவு காற்று வெளிப்படும் ஒரே மொழியும், தமிழ் தான்.

உலகிலுள்ள பிரபலமான மொழிகளில், ஆற்றல் மிக்க மொழி எது என்பதை கண்டறிய, புவியியல், பொருளாதாரம், தகவல் தொடர்பு, பொது அறிவு மற்றும் ராஜ்ய உறவு ரீதியாக ஆதிக்கம் செலுத்தி வருவதன் அடிப்படையில் மதிப்பெண் கொடுத்து ஆய்வு செய்யப்பட்டது.

அதில், அதிக மதிப்பெண் பெற்று, முதலிடம் பிடித்தது, ஆங்கில மொழி தான். இதையடுத்து, சீன - மாண்டிரிபன், பிரெஞ்சு, ஸ்பானிஷ், அரபு, ரஷ்யன், ஜெர்மன், ஜப்பான், போர்த்துக்கீசிய மற்றும் ஹிந்தி மொழிகள் உள்ளன.

உலகின் மிகவும் மகிழ்ச்சியான மொழியாக, ஸ்பானிஷ் இருப்பதாக ஆராய்ச்சியாளர்கள் கண்டறிந்துள்ளனர். கற்பதற்கு எளிதாக உள்ள ஸ்பானிஷ் மொழியில் தான், மிக அதிகமாக நேர்மறையான, 'பாசிட்டிவ்' வார்த்தைகள் உள்ளதாம். இதையடுத்து, போர்ச்சுகல், ஆங்கிலம், இந்தோனேஷியா, பிரெஞ்ச், ஜெர்மன், அரபிக், ரஷ்யன், கொரிய மற்றும் சீன மொழிகள் உள்ளன.

உலகிலேயே மிக வேகமாக பேசக் கூடியது, ஜப்பானிய மொழி தான். இந்த மொழியில், ஒரு நிமிடத்தில், 782 வார்த்தைகள் பேச முடியும். இதையடுத்து, ஸ்பானிஷ், 780 வார்த்தைகளையும், பிரெஞ்ச், 718 வார்த்தைகளையும், ஆங்கிலத்தில், 220 வார்த்தைகளையும் பேச முடியும்.

உலகிலேயே அதிக மக்களால் பேசப்படுவது, சீனாவின் அதிகாரப்பூர்வ, மாண்டிரிபன் மொழி தான். இதை, 96 கோடிக்கும் மேற்பட்ட மக்கள் பேசுகின்றனர். இதையடுத்து, ஆங்கில மொழியை, 44.6 கோடிக்கும் மேற்பட்டோர் பேசுகின்றனர்.

ஆங்கில மொழியை பேச, இடது புற மூளை மட்டுமே வேலை செய்யும். ஆனால், சீன மொழியை பேசும்போது, வலது மற்றும் இடது புற மூளை இரண்டுமே வேலை செய்யும். ஆங்கில மொழியை அடுத்து, உலகில் அதிக மக்களால் பேசப்படுவது மற்றும் அதிக நாடுகளில் போதிக்கப்படுவது, பிரெஞ்சு மொழி தான்.

அடிப்படையில் கொரிய மொழி ஒன்று தான் என்றாலும், வட கொரியா மற்றும் தென் கொரியாவில் பேசும் கொரிய மொழிக்களுக்குள் நிறைய வித்தியாசம் உண்டு. உலகிலேயே மிகவும் குறைந்த வார்த்தைகள் கொண்ட மொழி, தென் அமெரிக்கா, சுரிநாமில் ஒரு பகுதியில் பேசப்படும், பாக்கி- டாக்கி தான். இதில், 340 வார்த்தைகள் தான் உள்ளது.

ஐ.நா., சபையின் அதிகாரப்பூர்வ மொழிகளில் ஒன்றான, அரபு மொழி தான், உலகின் செழுமையானது. உலகின் எந்த மொழியின் கலப்பு இல்லாமல் இருப்பதே இதன் தனித்தன்மை. இந்த மொழியில் அதற்கு சொந்தமான வார்த்தைகள் மட்டும், 1.23 கோடி. ஆனால், உலகின் பல்வேறு மொழிகளில், அரபு மொழி கலப்பு உள்ளது.

தமிழர்தம் நிலை உயர்ந்தால்தான் , உலகில் தமிழ் ஓங்கும்!வளரும்! மொழி மட்டும் தானாக வளராது!