இறைவனைத் தேடி

சரவிபி ரோசிசந்திரா · 02/06/2022

ஆராதனை அனுதினம்
செய்யவில்லை ஆலயம் அடிக்கடி செல்லவில்லை ஆனாலும், ஆன்ம ஞானம் கொடுத்துவிடு என்னுயிர் இறைவா! ஆறுகாலபூசை செய்யவில்லை ஆகமம் முறையாய் படிக்கவில்லை ஆனாலும், ஆன்மசுத்தி கொடுத்துவிடு என்னுயிர் இறைவா! ஆற்று நீரில் உனக்கு அபிசேகம் செய்யவில்லை
ஆழி நீரில் தியானம் செய்ய இயலவில்லை ஆனாலும்,
ஆரோக்கிய ஞானம்
கொடுத்துவிடு என்னுயிர் இறைவா! ஆலயம் சுற்றவில்லை
ஆலயப்பணிக்குப் பணம்
கொடுக்கவில்லை ஆனாலும்,
ஆசி கொடுத்துவிடு
என்னுயிர் இறைவா!
ஆன்றோருடன் நட்பில்லை
ஆருயிரை வருத்தி
விரதமில்லை ஆனாலும்,
ஆயுள் பலம் கொடுத்துவிடு
என்னுயிர் இறைவா!
ஆழ்ந்து மனம் உன்னை
நினைக்கவில்லை
ஆசையோடு உன்னைத்
தொழவும் இல்லை ஆனாலும்,
துவளா மனம் கொடுத்துவிடு
என்னுயிர் இறைவா! ஆலயம் சென்று அங்கபிரதட்சணம்
செய்யவில்லை ஆனந்தமாய் உன் நாமம் உச்சரிக்கவில்லை ஆனாலும், ஆரோகணம் தந்துவிடு என்னுயிர் இறைவா! நினைத்தாலும் மறந்தாலும் அழுதாலும் தொழுதாலும்
என்னை ஆட்கொள்வாய்
என்னுயிர் இறைவா!

சரவிபி ரோசிசந்திரா