மதங்களை கடந்த பரப்பிரம்மம் --மகா பெரியவா

**T.N.Balasubramanian** · **T.N.Balasubramanian** Sat Feb 11, 2023 7:11 pm

ஸ்ரீ மஹா பெரியவா ஒரு முறை கரம்பக்குடியிலிருந்து பட்டுக்கோட்டைக்குப் புறப்பட்டார். வயதான ஒருவர் அவர் பின்னாலேயே ஓடி வந்தார்.

நல்ல வெயில் காய்ந்து கொண்டிருந்தது. ஸ்ரீ மஹா பெரியவா அவருக்காகவே நின்றார். அவரும் பழம், புஷ்பங்களை மஹா பெரியவா காலடியில் வைத்து தரிசனம் செய்தார்.

அவர் கரம்பக்குடியைச் சேர்ந்தவர் என்று தெரிந்ததும் ஸ்ரீ மஹா பெரியவா, "இத்தனை நாள் அங்கே தானே இருந்தேன். அங்கேயே பார்த்திருக்கலாமே! எதற்கு இப்படி கஷ்டப்பட்டுக்கொண்டு என் பின்னாலே வருகிறீர்கள்?" என்று கேட்டார்.

அதற்கு அவர், "நான் அங்கேயும் பார்த்தேன். அதனால் தான் உங்களைப் பிரிய மனமில்லாமல் ஓடி வரேன்" என்றார்.. இப்படி சொன்ன அந்தப் பெரியவர், ஓர் இஸ்லாமியர்!

மேலும் அவர், "என்னையும் மடத்தில் சேர்த்துக் கொள்ளுங்கள். எதைச் சொன்னாலும் செய்வேன். உங்கள் அருகிலேயே இருக்க ஆசைப்படுகிறேன்!" என்றார்.

சிரித்தபடியே ஸ்ரீ மஹா பெரியவா கருணை பொங்கும் விழிகளால் அவரைப் பார்த்து, " உனக்கு என்னைப் பார்த்துக் கொண்டே இருக்கணும்னு தோணித்து என்றால், நீ இருக்கும் இடத்திலேயே இருந்து என்னை நினைத்துக் கொள். உன் நினைவில் நான் வந்தால் உன்னோடு இருப்பது போலத் தானே! அதற்காக மடத்திலெல்லாம் சேர வேண்டாம்.!" என்றார்*.

வயதான அந்தப் பெரியவருக்குக் கண்ணீர் பெருகியது," *எங்கள் மதத்தில் அல்லாவுக்கு உருவம் சொல்ல வில்லை. அவர் இப்படித்தான். உங்களைப் போல் இருப்பாரென்று நினைக்கிறேன்*!" என்று கூறி வணங்கினார். ஸ்ரீ மஹா பெரியவா அவரை ஆசி வழங்கி விட்டு கிளம்பினார்...

மதங்களைக் கடந்த பரப்பிரம்மம் நம் ஸ்ரீ மஹா பெரியவா.
ஸ்ரீ மஹா பெரியவா சரணம்.

மதங்களை கடந்த பரப்பிரம்மம் --மகா பெரியவா 329143548_672314597912610_4397371158257185452_n.jpg?_nc_cat=108&ccb=1-7&_nc_sid=5cd70e&_nc_ohc=4ZusY3A8LHYAX_5IT8X&_nc_ht=scontent.fmaa2-3

மதங்களை கடந்த பரப்பிரம்மம் --மகா பெரியவா 329143548_672314597912610_4397371158257185452_n.jpg?_nc_cat=108&ccb=1-7&_nc_sid=5cd70e&_nc_ohc=4ZusY3A8LHYAX_5IT8X&_nc_ht=scontent.fmaa2-3

நன்றி முகநூல் கண்ணன் கோவிந்தன்

**சிவா** · **சிவா** Sat Feb 11, 2023 8:29 pm

ஒன்றென்றிரு தெய்வம் உண்டென்றிரு உயர் செல்வமெல்லாம்
அன்றென்றிரு பசித்தோர் முகம் பார் நல்லறமும் நட்பும்
நன்றென்றிரு நடு நீங்காமலே நமக்கு இட்டபடி
என்றென்றிரு மனமே உனக்கே உபதேச மிதே.

மதங்களை கடந்த பரப்பிரம்மம் --மகா பெரியவா

மதங்களை கடந்த பரப்பிரம்மம் --மகா பெரியவா

Re: மதங்களை கடந்த பரப்பிரம்மம் --மகா பெரியவா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக