அடி உதவுவது போல் --அன்னை, தந்தையர் உதவ மாட்டார்களோ?

**T.N.Balasubramanian** · **T.N.Balasubramanian** Sat 28 Jan 2023 - 22:08

மதுரை செல்லூர் பகுதியை சேர்ந்த சங்கரபாண்டியன் - தமிழரசி என்ற தம்பதியினர் இவர்களது மகனான 4 வயதுடைய சக்தி என்ற சிறுவனை மதுரை செல்லூர் பகுதியில் உள்ள மனோகரா நடுநிலைப்பள்ளியில் புதிதாக பள்ளியில் சேர்த்தனர்

அப்போது, 4 அடி உயரமுள்ள பிரம்பு கம்பையும், பெற்றோர் உறுதிமொழி மனுவையும் தலைமை ஆசிரியரிடம் வழங்கி தனது மகன் தவறு செய்தால் இந்த பிரம்பை கொண்டு அடிக்க வேண்டும் எனவும், அப்போது தான் வாழ்க்கையில் முன்னேற முடியும் என்று உறுதிமொழி பத்திரத்தில் எழுதிகொடுத்தனர்

இதுகுறித்து அந்த பெற்றோர் பேசியபோது, ஆசிரியர்கள் கண்டிப்பில் தான் சிறந்த மாணவனை உருவாக்க முடியும் என விழிப்புணர்வு ஏற்படுத்த வேண்டும் என்ற நோக்கத்தில் இது போன்று முன்மாதிரியாக தனது மகனை பள்ளியில் சேர்த்ததாக தெரிவித்தனர்.

இந்த சம்பவத்துக்கு சமூக ஊடகங்களில் பலர் ஊக்கப்படுத்தும் விதமாக கருத்துக்களை பதிவிட்டு வரும் நிலையில் சிலர் அதற்கு மாறான கருத்துக்களை கூறி வருகின்றனர். 90 களில் பிறந்தவர்கள் மற்றும் அதற்கு முந்தைய காலகட்டங்களில் ஆசிரியர்களிடம் அடி வாங்காதவர்களே இருக்க முடியாது. அந்த காலகட்டங்களில் பள்ளிகளுக்கு வரும் பெற்றோர்கள், ''இவனை/இவளை நல்லா அடிச்சு பாடம் சொல்லி கொடுங்க'' என்று ஆசிரியர்களிடம் கூறாத பெற்றோரே இருக்க முடியாது. ஆனால், இன்று பள்ளி ஆசிரியர்கள் மற்றும் மாணவர்களின் அணுகுமுறையில் பலவித மாற்றங்கள் நிகழ்ந்துள்ளது.

மாணவனை அடித்தால் ஆசிரியர் மீது நடவடிக்கை எடுக்கப்படும் என்றும் எதற்காக என் பிள்ளையை அடித்தீர்கள் என்று பள்ளிக்கு வந்து பெற்றோர் ரகளை செய்வதுமான நிலை ஏற்பட்டுள்ளது. இதற்கு சில ஆசிரியர்களின் அத்துமீறலும் காரணம். அதேவேளையில் சில மாணவர்களும் ஆசிரியர்களின் மண்டைய உடைக்க கொலை வெறியுடன் துரத்துவதும், மாணவனுக்கு பயந்து ஒரு தலைமை ஆசிரியர் அறைக்குள் சென்று பூட்டிக்கொள்ளும் நிலை வந்துள்ளது.

குறிப்பாக கொரோனா லாக்டவுனுக்கு பிறகுதான் பல அரசு பள்ளிகளில் இந்த அவலம் ஏற்பட்டுள்ளது. இந்த நிலையில், மதுரையை சேர்ந்த தம்பதி தனது மகன் தப்பு செய்தால் அடிக்குமாறு ஆசிரியர் கையில் பிரம்பு கொடுத்ததோடு உறுதி மொழியையும் வாங்கி சென்றது வியப்பை ஏற்படுத்தியுள்ளது. இதுகுறித்து கருத்து தெரிவித்துள்ள பிரபல பாடகி சின்மயி '' இந்த பெற்றோரை யாராவது கண்டுபிடித்து அவர்களுக்கு அறிவுரை வழங்குங்கள்'' என்று கூறியுள்ளார்.

இதற்கு நெட்டிசன்கள் பலர், பிரம்பால் அடிபெற்ற குழந்தைகள் நன்றாக இருந்தது ஆனால் இன்றைய மாணவர்களின் நிலையை யோசித்த பெற்றோர் முடிவு சரியே. இப்போது இருக்கும் மாணவர் சமூகம் கெட இதுவும் காரணமாக அமைந்தது.அடித்தால் தான் பயம் வரும். ஆனால் அது அந்த அடி சமுக ஏற்றத்தாழ்வுக்காக இருக்க கூடாது என்றும் நான் படிக்கும் போது என்னையும் அடிச்சு பாடம் சொல்லி குடுங்கன்னு என் பெற்றோர் சொல்லும்போது, இப்படி கேள்வி கேக்க ஒரு தோழி இல்லாம போய்ட்டாங்களே'' என்றெல்லாம் கமெண்ட் செய்துள்ளனர்.

நன்றி சமயம்

அடி உதவுவது போல் --அன்னை, தந்தையர் உதவ மாட்டார்களோ?

அடி உதவுவது போல் --அன்னை, தந்தையர் உதவ மாட்டார்களோ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக