எங்கே போகிறது இந்த இளைய சமுதாயம்?

by **T.N.Balasubramanian** Sat Jan 28, 2023 2:11 pm

இன்றைய தினசரியில் ஒரு செய்தி.( இந்த பேப்பர்காரர்களுக்கும்
-சமுதாயத்தை மென்பட செய்யும் செய்திகளை போடாமல்,
மனக் கிளர்ச்சி உண்டாக்கும் செய்திகளை போட்டு வியாபாரம் செய்கிறார்கள்.)

நான் படித்த செய்தி.

14 வயது பெண்ணும் 19 வயது பையனும், நேற்று ரயில் முன் விழுந்து தற்கொலை.
பெண் மரணம். பையன் உயிருக்கு போராட்டம்.இன்று பையனின் பிறந்த தினமாம்.
கடந்த ஒரு வருடமாக இருவரும் தொடர்பில் உள்ளனராம். பெண் பள்ளி மாணவி.
பையன் பி ஏ முதலாம் ஆண்டாம் .
தற்கொலைக்கு காரணம் -இந்த வயது திருமணம் சட்டப்படி செல்லாது. படிக்கும் வழியை
பாருங்கள் என்று பெற்றோர் கூறினதலால் தான். செய்தி ஆதாரம் சென்னை டைம்ஸ்.
முதல்பக்க செய்தி.

by **சிவா** Sat Jan 28, 2023 2:26 pm

இவ்வளவு முட்டாள் தனமாகவா மனிதர்கள் சிந்திப்பார்கள் என் எண்ணும் பொழுது மனதுக்கு வேதனையாகத்தான் உள்ளது.

முதலில் படி, பிறகு பார்த்துக் கொள்ளலாம் எனக் கூறியதற்கு தற்கொலையா? வினோதமாகத்தான் உள்ளது இன்றைய இளைஞர்களை நினைத்து...

மேலும் இது போன்ற சம்பவங்கள் மேலோட்டமாகப் பார்த்தால் தற்கொலை எனத் தெரியும், ஆனால் இது ஒரு ஆணவக் கொலையாகக் கூட இருக்கலாம்.

by **T.N.Balasubramanian** Sat Jan 28, 2023 6:21 pm

ஆணவ கொலை --சந்தேகப்படுவதற்கு ஆதாரம் இருப்பதாக தெரியவில்லை.

by **சிவா** Sat Jan 28, 2023 6:33 pm

T.N.Balasubramanian wrote:ஆணவ கொலை --சந்தேகப்படுவதற்கு ஆதாரம் இருப்பதாக தெரியவில்லை.

கொலையோ, தற்கொலையோ எதுவாக இருந்தாலும் இரு இளம் உயிர்கள் பலியானது வருத்தமான செய்திதான்.

குழந்தைகளுடன் பெற்றோர்கள் நடபாக இருக்கக் கற்றுக் கொள்ள வேண்டும், அவர்களுடன் மனம் விட்டு பேச வேண்டும்.

அவர்களின் பிரச்சனைகள் மீது அதிக கவனம் செலுத்தி எப்பொழுதும் உனக்கு உறுதுணையாக நான் இருக்கிறேன் என்ற எண்ணத்தை அவர்கள் மனதில் உருவாக்க வேண்டும்.

வீட்டில் அன்பு கிடைக்காத குழந்தைகளே வெளியில் அன்பைத் தேடி அலைந்து இவ்வாறான தவறான முடிவுகளை எடுத்து விடுகிறார்கள்.

by **krishnaamma** Fri Feb 03, 2023 10:02 pm

மிகவும் அதிர்ச்சியாக உள்ளது ஐயா....

இந்தக்கால குழந்தைகளுக்கு கொஞ்சம் கூட சகிப்புத்தன்மை, பொறுமை எதுவுமே இருப்பதில்லை... ஒரு குழந்தை இரு குழந்தைகள் என்று இருப்பதால் பெற்றோர் அவர்களின் எல்லாத் தேவைகளையும் பூர்த்தி செய்கிறார்கள். அவர்களுக்கு காத்திருப்பது அல்லது கஷ்டம் என்றால் என்னவென்றே தெரியாமல் வளர்கிறார்கள். எனவே, டீன் ஏஜ் என்று சொல்லப்படும் பருவத்தில் ஏற்படும் இயல்பான ஈர்ப்பை பெற்றவர்கள் கண்டிக்கும்போது அவர்களுக்கு அது புதிதாக இருக்கிறது... எனவே அதை மீற துணிகிறார்கள் . விளைவுகள் அவர்களுக்குத் தெரிவதில்லை... இதற்கு காரணம் மீடியா வில் வருபவை ... என்னஆனாலும் உதவ நண்பர்கள் (?) இருக்கிறார்கள் என்கிற வெகுளித்தனம்... பாவம் குழந்தைகள்... சரியான வழிகாட்டுதல் இல்லாமல் அவதிப்படுகிறார்கள்.....இங்கு நான் ஒன்று சொன்னால் எல்லோரும் என்னை திட்டுவார்கள்.... என்றாலும் சொல்லிவிடுகிறேன்... இதெல்லாம் வீடடை விட்டு பெண்கள் வேலைக்காக வெளியேறியதும் தான் அதிகமாகிவிட்ட்து.... குழந்தைகளுக்கு பாட்டி தாத்தாவின் அன்பும் கிடைக்கவில்லை, பெற்றோரின் அன்பும் கிடைக்கவில்லை..மாறி மாறி வீட்டுக்கு வரும் வேலைக்காரிகளிடம் வளரும் குழந்தைகளிடம் இதை விட என்ன எதிர்பார்க்க முடியும்????சொல்லுங்கள் ... அவர்களுக்கு இந்த நேரத்தில் அப்பா அம்மா வில்லனாகத்தான் தெரிவார்கள்... சின்ன வயதிலிருந்து அவர்கள் அருகில் இல்லாத ஏக்கம் இப்பொழுது வெளியில் இருந்து கிடைக்கும் பொழுது அது தான் பெரிதாகத்தெரிகிறது அவர்களுக்கு..." இத்தனை நாள் இல்லாத கரிசனம் இப்போழுது மட்டும் ஏன் ?" என்கிற கேள்விதான் அவர்கள் மனதில் முதலில் எழுகிறது... அதன் விளைவுதான் இந்த வருந்தத் தக்க நிகழ்வுகள்..... சோகம்

by Sponsored content

எங்கே போகிறது இந்த இளைய சமுதாயம்?

எங்கே போகிறது இந்த இளைய சமுதாயம்?

Re: எங்கே போகிறது இந்த இளைய சமுதாயம்?

Re: எங்கே போகிறது இந்த இளைய சமுதாயம்?

Re: எங்கே போகிறது இந்த இளைய சமுதாயம்?

Re: எங்கே போகிறது இந்த இளைய சமுதாயம்?

Re: எங்கே போகிறது இந்த இளைய சமுதாயம்?