கண்ணாம்மூச்சி விளையாட்டு(Hide and seek) தந்த சோகம்

ஜனவரி 17 அன்று,  ​​மலேசியாவின் போர்ட் கிளாங்கில் உள்ள ஊழியர்கள், வங்காளதேசக் கப்பலில் இருந்து கொள்கலன்களை இறக்கிக்கொண்டிருந்தபோது  அதிர்ச்சியும்  குழப்பமும் அடைந்தனர்.அதற்குக் காரணம், Fahim என அறியப்பட்ட மெலிந்த சிறுவன் ஒரு கொள்கலனில் இருந்து வெளியேறுவதைக் கண்டதுதான்.


அவன் உள்ளூர் மொழியில் பேசாததால், துறைமுக அதிகாரிகளால் அவனிடமிருந்து எந்த தகவலையும் பெற முடியவில்லை. ஆனால் அவன் மனித கடத்தல் குற்ற அமைப்பால் பாதிக்கப்பட்டிருக்கலாம் என்று அவர்கள் சந்தேகித்தனர். எனவே அவர்கள் உடனடியாக காவல்துறையை அழைத்தனர். சிறுவன் தனது சொந்த நகரமான வங்கதேசத்தின் சிட்டகாங்கில் நண்பர்களுடன் கண்ணாமூச்சி விளையாடிக் கொண்டிருந்தான் என்பதும், கப்பல் கொள்கலனை மறைவிடமாகத் தேர்ந்தெடுத்ததும் தெரியவந்தது. சிறுவன் தன்னை உள்ளே பூட்டிவிட்டு அடுத்த ஆறு நாட்களை மலேசியாவுக்கு வரும் கப்பலில் கழித்தான்.

அந்த சிறுவன் மலேசிய புலனாய்வாளர்களிடம், தனது நண்பர்களிடமிருந்து மறைந்திருந்தபோது கப்பல் கொள்கலனில்  தன்னைப் பூட்டிக் கொண்டதாகவும் பின்னர் தூங்கிவிட்டதாகவும் கூறினான். உதவிக்காக அவன் கூக்குரலிட்டாலும், யாரும் அவனைக் காப்பாற்ற வரவில்லை. அதனால் அவன் ஆறு நாட்கள் கழித்து 2,000 மைல் தொலைவில் உள்ள போர்ட் கிளாங், மலேசியாவிற்கு வந்து சேர்ந்தான்.

சிறுவனின் கதையை சந்தேகிக்க எந்த காரணமும் இல்லை என்றும், இந்த வழக்கில் மனித கடத்தலில் எந்த சந்தேகமும் இல்லை என்றும் மலேசிய அதிகாரிகளும் மலேசிய உள்துறை அமைச்சர்  Datuk Seri Saifuddin Nasution Ismail   உம் உறுதிப்படுத்தியுள்ளனர்.

ஃபாஹிமை அவரது சொந்த நாடான வங்கதேசத்திற்கு திருப்பி அனுப்புவதற்கான நடவடிக்கைகளை மலேசியா ஏற்கனவே தொடங்கியுள்ளது.

(Malay Mail)

ஐயோ பாவமே!

வீட்டிலும் யாரும் தேடவில்லையா?

6 நாட்கள் உணவின்றி ஒரு சிறுவன். அதிசயம்தான்.

மேலும் கொள்கலன் முடி கிடையாதா?

ஏற்றுமதி செய்யும் போது உள்ளே என்ன இருக்கின்றது என்று பார்க்கமாட்டார்களா?

உள்ளே போதை பொருட்கள் இருந்தால் யார் பொறுப்பு?

சிறிதும் நம்பும்படியாக இல்லை.

மன்னிக்க !

@Guest.

T.N.Balasubramanian wrote:ஐயோ பாவமே!
வீட்டிலும் யாரும் தேடவில்லையா?
6 நாட்கள் உணவின்றி ஒரு சிறுவன். அதிசயம்தான்.
மேலும் கொள்கலன் முடி கிடையாதா?
ஏற்றுமதி செய்யும் போது உள்ளே என்ன இருக்கின்றது என்று பார்க்கமாட்டார்களா?
உள்ளே போதை பொருட்கள் இருந்தால் யார் பொறுப்பு?
சிறிதும் நம்பும்படியாக இல்லை.
மன்னிக்க !
@Guest.

கேட்கப்பட்ட எந்தக் கேள்விக்கும் என்னிடம் பதில் இல்லை.வெளிநாட்டு உள்நாட்டு ஊடகங்கள் அனைத்தும் செய்திகளை மறுபிரசுரம் செய்தே வருகிறது.
படங்கள்/காணொலியை வேண்டுமானால் உண்மைத்தன்மையை பரிசோதனை செய்யலாம்.செய்த பின்னரே பதிவிட்டேன்/பதிவிடுகிறேன்.

அதனால் முதலில் படித்த 'மலாய் மெயில்' என்ற ஊடகத்துக்கு கேள்விகளை அனுப்பி உள்ளேன்.பதில் கிடைத்தால்/கொடுத்தால் பகிரப்படும்.
@Malay Mail
மலேசிய உள்துறை அமைச்சர் ஊடகங்களுக்கு கொடுத்த நேர்காணல் காணொலி இது..............