எது அழகு? - கவிதை

by **ayyasamy ram** Wed Jan 18, 2023 11:46 am

காரிருளைக் கிழித்துவரும்
கதிரவன்தான் அழகா?
கருமுகிலில் குளித்துவரும்
மழைத்துளிகள் அழகா?
-
வேரிருக்க முளைத்துவரும்
விருட்சம்தான் அழகா?
வெண்ணிலவை ஒத்தவெந்தன்
கண்மணியாள் அழகா?
-
யாரிவரோ எனவியக்கும்
வானவர்தான் அழகா?
எம்பெருமான் தரையிறங்கி
ஆடுவது அழகா?
-
பாரினிலே மானுடம்தான்
பார்ப்பதற்கு அழகு!
பார்த்த பின்னர்
வேறொன்றும் இல்லையழகு!
-
-அழகப்பன் அண்ணாமலை

by **ayyasamy ram** Wed Jan 18, 2023 11:49 am

by **ayyasamy ram** Wed Jan 18, 2023 11:53 am

-
மேக்கப் போட்டு
தலைமுடியை விரித்து
இறுக்கி உடை அணிந்து
பாதையில் வலம் வரும்
பெண் அழகா ?

மஞ்சள் போட்டு குளித்து
சடைமுடி பின்னி
அழகாய் புடவை அணிந்து
நிலம் பார்த்து நடக்கும்
பெண் அழகா ?

எது அழகு !!!

அர்த்தம் புரியா பாடல் பாடி
சங்கீதம் என்ற பெயரில்
எதோ ஒன்றை இசைத்து
தலைக்கால் தெரியாமல் ஆடும்
பெண் அழகா ?

ஸ்வரங்கள் பல பாடி
இதயங்கள் குளிரும் படி
சங்கீதம் இசைத்து
நளின நடனம் ஆடும்
பெண் அழகா?

எது அழகு !!!

நாகரீகம் என்ற பெயரில்
அநாகரீகத்தை முத்திரை
குத்திக் கொண்டு தலைக்கனம்
கொண்டு நடக்கும்
பெண் அழகா ?

கலாச்சார ஒழுக்கத்தை
கச்சிதமாய் கடை பிடித்து
முன்னுதாரணமாய் நடக்கும்
பெண் அழகா ?

எது அழகு !!!
----
எழுதியவர் : fasrina
நன்றி: எழுத்து.காம்