வாத்தி -படத்தின் நாடோடி மன்னன் பாடல் வெளியானது

--
வாத்தி படத்தின் இரண்டாவது சிங்களான நாடோடி மன்னன்
பாடல் வெளியாகி உள்ளது.

பிரபல தெலுங்கு இயக்குநர் வெங்கி அட்லூரி இயக்கத்தில்
நடிகர் தனுஷ் நடிக்கும் திரைப்படம் வாத்தி. இந்த திரைப்
படத்தை நாகவம்சி தயாரித்துள்ளார். இப்படமானது
தெலுங்கில் சார் என்றும், தமிழ் மொழியில் வாத்தி என்றும்
தலைப்பு வைக்கப்பட்டு உள்ளது.

இத்திரைப்படத்தில் சம்யுக்தா மேனன் கதையின் நாயகியாக
நடித்துள்ளார். மேலும் ஜீ.வி பிரகாஷ் குமார் இசை
அமைத்துள்ளார். இவரது இசையில் இப்படத்திலிருந்து
சமீபத்தில் வெளியான "வா வாத்தி" பாடல் ரசிகர்கள் மத்தியில்
பெரும் வரவேற்பு பெற்றது

வாத்தி படத்தின் தமிழக வெளியீட்டு உரிமையை லலித்
குமாரின் செவன் ஸ்கிரீன் ஸ்டூடியோஸ் நிறுவனம் கைப்பற்றி
உள்ளது. இதில் சமுத்திரக்கனி, ராஜேந்திரன், சாய்குமார்,
ஆடுகளம் நரேன், தனிகெல்லா பரணி, ஹைபர் ஆதி,
தோட்டாபல்லி மது, இளவரசு, , ஹரீஷ் பேரடி, ப்ரவீனா
உள்ளிட்டோர் இதில் நடித்து உள்ளனர்.

இந்தப் படத்தில் இடம் பெற்றுள்ள 2 ஆவது சிங்கிள் டிராகான,
நாடோடி மன்னன் லிரிக் வீடியோ இன்று ( ஜனவரி 17)
வெளியாகி உள்ளது. இதனை ஆண்டேனி தாசன் பாடி உள்ளார்.
யுகபாரதி பாடலுக்கு வரி எழுதி உள்ளார்.

எம்ஜிஆர் நடிப்பில் கடந்த 1958 ஆம் ஆண்டு வெளியான படம்
நாடோடி மன்னன் என்பது குறிப்பிடத்தக்கது.
தமிழில் நாடோடி மன்னன் என்ற பாடலுக்கு தெலுங்கில்
பஞ்சாரா என்ற பெயரிலும் பாடல் வெளியாகி உள்ளது.

தற்போது வாத்தி திரைப்படத்தின் இறுதிக் கட்ட பணிகள்
வேகமாக நடந்து வருகின்றன. ஏற்கனவே 2022 ஆம் ஆண்டு
டிசம்பர் மாதம் இந்த படம் ரிலீஸ் ஆகும் என கூறப்பட்டது.
பின்னர் பிப்ரவரி 17 ஆம் தேதி திரைப்படம் வெளியாகும் எனப்
படக்குழு சார்பில் தெரிவிக்கப்பட்டது.

தனுஷின் வாத்தி படத்தின் ஓடிடி ரிலீஸ் உரிமையை நெட்பிளிஸ்
நிறுவனம் கைப்பற்றியுள்ளது.

நடிகர் தனுஷ் நடிப்பில் கடைசியாக வெளியான படம் நானே
வருவேன். இந்தப் படம் போதுமான வரவேற்பு பெறவில்லை.
அதனால் தனுஷ் அடுத்த ஹிட் கொடுக்க வேண்டிய
கட்டாயத்தில் இருக்கிறார்.

-தமிழ் இந்துஸ்தான் டைம்ஸ்