திரைத் துளிகள்

by **ayyasamy ram** Wed Jan 04, 2023 5:06 pm

-
 சமந்தா கதையின் நாயகியாக நடித்துள்ள ‘சாகுந்தலம்’
திரைப்படம் எதிர்வரும் பிப்ரவரி 17ஆம் தேதி வெளியாகிறது.
கடந்த நவம்பர் மாதமே இப்படம் வெளியாக இருந்தது.
எனினும் தொழில்நுட்பப் பணிகள் முடிவடையாததால் வெளியீடு
தள்ளிப்போனது.

முப்பரிமாண தொழில்நுட்பத் தில் உருவாகி உள்ள இந்தப் படம்
தற்போது தமிழ், தெலுங்கு, கன்னடம், மலையாளம், இந்தி என
ஐந்து மொழிகளில் வெளியாகிறது. இதற்கிடையே, திரையுலகில்
பெண் கலைஞர்களின் எழுச்சி மகிழ்ச்சி அளிப்பதாக சமந்தா
தெரிவித்துள்ளார்.

நாயகியை மையப்படுத்தி உருவாகும் படங்களின் எண்ணிக்கை
அதிகரித்திருப்பதை அவர் சுட்டிக்காட்டி உள்ளார்.

by **ayyasamy ram** Wed Jan 04, 2023 5:06 pm

-
 சில ஆண்டுகளுக்கு முன்பு தமிழ் சினிமா ரசிகர்களின்
மனம் கவர்ந்த நாயகியாக இருந்தார் ஸ்ரீதிவ்யா.

‘வருத்தப்படாத வாலிபர் சங்கம்’, ‘ரெமோ’ உள்ளிட்ட வெற்றிப்
படங்களில் நடித்த அவருக்கு, அதன் பிறகு வாய்ப்புகள் சரியாக
அமையவில்லை. இதனால் பிற மொழிப் படங்களில் கவனம் செலுத்தி
வந்தார்.

இந்நிலையில், ஆறு ஆண்டுகளுக்குப் பிறகு மீண்டும் தமிழ்ப்
படங்களில் ஸ்ரீதிவ்யாவை ஒப்பந்தம் செய்துள்ளனர். ‘ரெய்டு’ என்ற
படத்தில் விக்ரம் பிரபுவுக்கு ஜோடியாக நடிக்கிறார் ஸ்ரீதிவ்யா.
--

by **ayyasamy ram** Wed Jan 04, 2023 5:07 pm

-
 ‘வாரிசு’ படம் எதிர்பார்த்ததைவிட மிகச் சிறப்பாக உருவாகி
இருப்பதாகக் கூறியுள்ளார் தெலுங்கு முன்னணி நடிகர் ராம் சரண்.

சங்கர் இயக்கத்தில் இவர் நடிக்கும் ‘ஆர்சி 15’ படத்தின்
பணிகளுக்காக சென்னை வந்திருந்த போது, அவருக்காக ‘வாரிசு’
படத்தின் சிறப்புக் காட்சி திரையிடப்பட்ட தாம். அதைப் பார்த்துவிட்டு
விஜய்யை உடனே தொடர்பு கொண்டு வாழ்த்து தெரிவித்துள்ளார்
ராம் சரண்.

by **ayyasamy ram** Wed Jan 04, 2023 5:08 pm

-
 நடிகை மாளவிகா மோகனன் இமயமலைப் பகுதியில்
முகாமிட்டுள்ளாராம். அங்கு இருந்தபடியே புத்தாண்டு
நடவடிக்கைகளைத் தொடங்கி உள்ளதாகக் கூறியுள்ளார்.
-
தமிழ்மரசு-sg

by **ayyasamy ram** Fri Jan 06, 2023 4:49 am

வாரிசு படத்தின் ரிலீஸ் தேதி அறிவிப்பு

-

திரைத் துளிகள் Main-qimg-fa87c67f008233222ef503cf47f2e4b7-pjlq

திரைத் துளிகள் Main-qimg-061769805e76b8d5375a3546023e67f8-pjlq

by **ayyasamy ram** Sat Jan 14, 2023 12:10 pm

மோகன்லால் ஜோடியாக சோனாலி குல்கர்னி
திரைத் துளிகள் Kollywood-news-16300154825060555

-
திருவனந்தபுரம்:
மலையாளத்தில் வெளியான ‘ஆமென்’, ‘அங்கமாலி டைரீஸ்’,
‘ஜல்லிக்கட்டு’ உள்பட பல படங்களை இயக்கியவர்,
லிஜோ ஜோஸ் பெல்லிசேரி. அவரது இயக்கத்தில் மம்மூட்டி,
ரம்யா பாண்டியன் நடித்துள்ள ‘நண்பகல் நேரத்து மயக்கம்’ என்ற
படம் விரைவில் திரைக்கு வருகிறது.

இந்நிலையில், தற்போது லிஜோ ஜோஸ் பெல்லிசேரி இயக்கும்
புதிய படத்தில் மோகன்லால் ஹீரோவாக நடிக்கிறார்.

இப்படத்துக்கு ‘மலைக்கோட்டை வாலிபன்’ என்று பெயரிடப்
பட்டுள்ளது. இது பிரமாண்டமான பட்ஜெட்டில் பான் இந்தியா படமாக
உருவாக்கப்படுவதால், ஒவ்வொரு மொழியில் இருந்தும் நடிகர்,
நடிகைகளை தேர்வு செய்து நடிக்க வைக்கின்றனர்.

சமீபத்தில் கன்னட காமெடி நடிகர் டேனிஷ் சேட் ஒப்பந்தம்
செய்யப்பட்டுள்ள நிலையில், ஹீரோயினாக மராத்தி நடிகை
சோனாலி குல்கர்னி ஒப்பந்தம் செய்யப்பட்டுள்ளார்.

இதை சோனாலி குல்கர்னி தனது சமூக வலைத்தளத்தில்
தெரிவித்துள்ளார். கடந்த 1994ல் வீனஸ் பாலு இயக்கிய ‘மே மாதம்’
என்ற தமிழ்ப் படத்தில் வினீத் ஜோடியாக நடித்தவர் இந்தி நடிகை
சோனாலி குல்கர்னி. அவரும் மோகன்லாலுடன் நடிப்பவரும்
வெவ்வேறு சோனாலி குல்கர்னி என்பது குறிப்பிடத்தக்கது.

-தினகரன்

by **ayyasamy ram** Sun Jan 15, 2023 12:53 am

'52 ஆம் பக்கத்தில் ஒரு மயிலிறகு'
--
திரைத் துளிகள் 1093372-cinema-01

-
சென்னை,
இயக்குனர் பார்த்திபன் இயக்கி நடித்த 'இரவின் நிழல்'
திரைப்படம் கடந்த ஆண்டு திரையரங்குகளில் வெளியாகி
பெரும் வரவேற்பை பெற்றது.

ஒரே ஷாட்டில் எடுக்கப்பட்ட இந்த திரைப்படம்,
தமிழ் சினிமா ரசிகர்களுக்கு ஒரு புதிய அனுபவமாக
அமைந்ததோடு, பல்வேறு விருதுகளையும் வென்றது.

இந்த படத்தின் வெற்றியைத் தொடர்ந்து இயக்குனர்
பார்த்திபன் தனது அடுத்த படத்திற்கான பணிகளை
தொடங்கியுள்ளார்.

இந்த படத்திற்கான தலைப்பு குறித்து பார்த்திபன் தனது
டுவிட்டர் பக்கத்தில் அறிவிப்பை வெளியிட்டுள்ளார்.
அதன்படி தனது அடுத்த படத்திற்கு, '52 ஆம் பக்கத்தில்
ஒரு மயிலிறகு' என்று பெயரிடப்பட்டுள்ளதாக பார்த்திபன்
தெரிவித்துள்ளார்.

-
தினத்தந்தி

by **ayyasamy ram** Sun Jan 15, 2023 1:02 am

கீர்த்தி சுரேஷ் நடிக்கும் 'ரிவால்வர் ரீட்டா' படத்தின் போஸ்டர் வெளியீடு
-
திரைத் துளிகள் Main-qimg-7ba0d0c677d54faedb86007cb2aa9867

-
சென்னை,
கடந்த ஆண்டு வெளியான 'சாணிக் காயிதம்'
திரைப்படத்தில், நடிகை கீர்த்தி சுரேஷ் தனது மாறுபட்ட
நடிப்பை வெளிப்படுத்தியிருந்தது ரசிகர்களிடையே
பெரும் பாராட்டைப் பெற்றது.

அதே போல் தெலுங்கில் 'சர்காரு வாரி பாட்டா',
மலையாளத்தில் 'வாஷி' உள்ளிட்ட படங்களில் கீர்த்தி
சுரேஷ் நடித்திருந்தார். இதையடுத்து தெலுங்கில்
நானியுடன் 'தசரா' படத்திலும், தமிழில் 'மாமன்னன்'
படத்தில் உதயநிதியுடனும் கீர்த்தி சுரேஷ் நடித்துள்ள
இரண்டு படங்களும் இந்த ஆண்டு திரைக்கு வர உள்ளன.

இந்நிலையில், கீர்த்தி சுரேஷ் அடுத்ததாக நடிக்கும் படம்
'ரிவால்வர் ரீட்டா' என பெயரிப்பட்டுள்ளது. இயக்குநர்
சந்துரு இயக்கும் இந்த படத்தின் ஃபர்ஸ்ட் லுக் போஸ்டர்
தற்போது வெளியாகியுள்ளது.

வித்தியாசமான முறையில் வெளியாகி இருக்கும் இந்த
போஸ்டர், ரசிகர்களின் கவனத்தை ஈர்த்துள்ளது.

-தினத்தந்தி

by **ayyasamy ram** Sun Jan 15, 2023 1:07 am

'வாத்தி' படத்தின் புதிய அப்டேட்.!
-
திரைத் துளிகள் Main-qimg-fd8cf1c70052e79564c2bb3b7b53938b

-
சென்னை,
பிரபல தெலுங்கு இயக்குனர் வெங்கி அட்லூரி
இயக்கத்தில் நடிகர் தனுஷ் நடிப்பில் உருவாகி வரும்
திரைப்படம் 'வாத்தி'.

பிரபல தயாரிப்பாளர் நாக வம்சி தயாரித்து வரும்
இப்படம், நேரடியாக தெலுங்கிலும் வெளியாகவுள்ளது.

இப்படத்திற்கு தெலுங்கில் 'சார்' என்றும், தமிழில்
'வாத்தி' என்றும் தலைப்பு வைக்கப்பட்டிருக்கிறது.

சம்யுக்தா மேனன் கதாநாயகியாக நடிக்கும்
இப்படத்திற்கு ஜி.வி.பிரகாஷ் குமார் இசையமைக்கிறார்.
சமீபத்தில் வெளியான இப்படத்தின் முதல் பாடல் ரசிகர்கள்
மத்தியில் நல்ல வரவேற்பை பெற்றது.

'வாத்தி' திரைப்படம் வருகிற பிப்ரவரி 17-ஆம் தேதி
திரையரங்குகளில் வெளியாகவுள்ளது. இந்த நிலையில்
இந்த படத்தின் நாடோடி மன்னன் பாடல் வரும் 17 ஆம்
தேதி வெளியாகும் என படக்குழு அறிவித்துள்ளது.

-தினத்தந்தி