வாழைக்காய் Vs வாழைப்பழம் எது பெஸ்ட்டு?

by **T.N.Balasubramanian** Mon Jan 02, 2023 5:02 pm

வாழைக்காய் Vs வாழைப்பழம் எது பெஸ்ட்டு? வாழைக்காய் சாப்பிடுவதால் ஏற்படும் 4 நன்மைகள்!

பொதுவாக இரவு உணவுக்கு பின் வாழைப்பழம் சாப்பிட்டு படுத்தால் காலையில் சிக்கலே இல்லாமல் மலம் கழிக்க முடியும் என்று பெரியவர்கள் சொல்வதை கேட்டிருப்பீர்கள். அதிக நார்ச்சத்து கொண்ட உணவுகள் சுலபமான மலம் வெளியேறுவதற்கு உதவும் என்பது உண்மையே. இப்படிப்பட்ட வாழைப்பழத்திற்கு மேலும் சில ஆரோக்கிய பண்புகள் இருப்பதை ஆய்வாளர்கள் கண்டறிந்துள்ளனர். பழுக்காத பச்சை வாழையை சாப்பிடுவதால் தீர்க்க முடியாத நோயின் தீவிரத்தை கூட குறைக்க முடியும் என ஆய்வுகள் கண்டறிந்துள்ளன.

வாழைக்காய் Vs வாழைப்பழம் எது பெஸ்ட்டு? 96676145

பழுக்காத பச்சை வாழைக்காயில் வைட்டமின் B6, பொட்டாசியம், நார்ச்சத்து, வைட்டமின் சி, மெக்னீசியம்,காப்பர், மாங்கனீஸ் உள்ளிட்ட எண்ணற்ற ஊட்டச்சத்து கூறுகள் உள்ளன. தற்போது ஆய்வு ஒன்றில் பச்சை வாழைக்காயை உண்பதால் பலவிதமான புற்றுநோய்கள் பாதியாக குறைவதாகவும், அதன் பாதிப்பு அபாயம் குறைவதாகவும் கண்டறியப்பட்டுள்ளது. இந்த புதிய ஆய்வு என்ன சொல்கிறது? அப்படி பச்சை வாழைக்காயில் என்னதான் இருக்கிறது என்பதை பார்த்து விடுவோம்.

ஆய்வுகள் என்ன சொல்கிறது?

வாழைக்காய் Vs வாழைப்பழம் எது பெஸ்ட்டு? 96676173

CAPP2 என்று சொல்லக்கூடிய ஆய்வு ஒன்று உலகம் முழுவதும் உள்ள பலரை வைத்து நடத்தப்பட்டது. இந்த ஆய்வில் மரபுரீதியாக அல்லது வேறு வழியாக எளிதில் புற்றுநோய் தாக்கும் அபாயம் கொண்ட ஆயிரத்திற்கும் மேற்பட்டோரை இந்த ஆய்வுக்கு உட்படுத்தி தொடர்ந்து அவர்களுக்கு புளிக்கக்கூடிய நார்ச்சத்தை கொடுத்ததில் குறிப்பிட்ட புற்றுநோய்கள் மீது அவை தாக்கம் செலுத்துவது கண்டறியப்பட்டுள்ளது.

தொடர்ந்து இரண்டாண்டுகள் இவர்கள் இதை எடுத்து கொண்ட பிறகு இது அவர்களின் குடல்பகுதியில் ஏற்படும் புற்றுநோயில் எந்த தாக்கத்தையும் ஏற்படுத்தவில்லை. ஆனால், உடலின் மற்ற பாகங்களில் ஏற்படும் புற்றுநோய்களை இது பாதியாக குறைத்து விட்டதாக கண்டறிந்துள்ளனர் ஆய்வாளர்கள்.

குறிப்பாக மேல் இரைப்பை புற்றுநோய்கள், உணவுக்குழல் புற்றுநோய், பித்தநீர்பாதை, கணையம் மற்றும் சிறுகுடல் ஆகிய பகுதிகளில் ஏற்படும் புற்றுபோய்களை பாதியாக குறைந்ததாக அமெரிக்க புற்றுநோய் ஆய்வு கழகத்தின் சார்பில் வெளியாகியுள்ள ஆய்வு கட்டுரையில் தெரிவிக்கப்பட்டுள்ளது. இதன் வீரியம் இதை சாப்பிடுவதை நிறுத்தி அடுத்த 10 வருடங்கள் வரையும் நீடிப்பதையும் ஆய்வாளர்கள் கண்டறிந்துள்ளனர்.

ரெஸிஸ்டண்ட் ஸ்டார்ச்

வாழைக்காய் Vs வாழைப்பழம் எது பெஸ்ட்டு? 96676172

ரெஸிஸ்டண்ட் ஸ்டார்ச் அல்லது புளிக்கக்கூடிய நார்ச்சத்து என்று சொல்லப்படும் இந்த சத்து வாழைக்காயில் அதிகமாக காணப்படுகிறது. மேலும் இதை பவுடர் வழியாகவோ அல்லது இயற்கை உணவுகள் வழியாகவோ பெற முடியும். குறிப்பாக, பட்டாணி, பீன்ஸ், ஓட்ஸ் உள்ளிட்ட இதர ஸ்டார்ச் நிறைந்த உணவுகள் மூலமும் பெறலாம்.

இந்த ஆய்வில் நாம் தினசரி உட்கொள்ளும் வாழைப்பழத்தின் அளவுக்கு இணையாக இந்த சத்து கொடுக்கப்பட்டு ஆய்வு செய்யப்பட்டது. அதில் 60% இது கேன்சருக்கு எதிராக செயல்படுவது கண்டறியப்பட்டுள்ளது. ஆனால், இந்த ஆய்வு குழுவினர் இது குறித்து மேலும் ஆய்வுகள் செய்யப்பட வேண்டும் என்று கூறியுள்ளனர்.

வாழைக்காயின் நன்மைகள்

வாழைக்காய் Vs வாழைப்பழம் எது பெஸ்ட்டு? 96676171

மஞ்சள் வாழைப்பழத்தை விட அதிகமான ஆரோக்கிய நலன்களை கொண்டுள்ளது பழுக்காத பச்சை வாழை.வாழைக்காயில் உள்ள பெக்டின் மற்றும் ரெஸிஸ்டண்ட் ஸ்டார்ச் ரத்த சர்க்கரை அளவை கட்டுக்குள் வைக்க உதவுகிறது.

அதிலும், இவை குறைந்த இனிப்பு தன்மையே கொண்டுள்ளதால் சர்க்கரை நோயாளிகளை தாராளமாக சாப்பிடலாம். மேலும், இதில் அதிகமாக ஸ்டார்ச் காணப்படுவதால் உங்களில் குடல் பகுதி, ஜீரண மண்டலம் உள்ளிட்டவற்றிக்கு உதவிகரமாக இருக்கிறது.