சித்தர் பாடல் சித்த மருத்துவம்

**சிவா** · **சிவா** Sun Sep 28, 2008 2:35 pm

First topic message reminder :

கோடா சூரி

"கோடக சாலைக்கு கொடியவனல் மேகமொடு
போடகங்கிரந்தி குட்டம் புண்ணாலும் - நாடகஞ்செய்யப்
பித்த வாய்வு மலர்வாய் பிரணமும் போம்
பொற்பற்ற பொன்னே! புகழ்"

கோட சூரியை அரைத்துக் கொப்புளம், கிரந்தி, குட்டம், புண் இவைகளுக்கு பூச குணமாகும். இதனால் வாய்ப்புண் நீங்கும், பித்த வாயு மேகம் போகும்.

**சிவா** · **சிவா** Thu Feb 11, 2010 1:51 am

சின்னி

"கடிவிடமும் காணாக் கடிவிடமும் மாதர்
இருவிடமும் ஓடுமிதுவன்றி - நெடிய விழிக்
கன்னி கையே மேகங் கணக் காய்ச்சல் மாந்தமும் போஞ்
சின்னி யிலைக்குத் தெறித்து"

சின்னி இலைக்கு வண்டு கடி, நஞ்சு, காணாக்கடி, நஞ்சு, மந்தம் முதலியன் போகும். சின்னி வேரால் மூலநோய், குருதிக் கழிச்சல் நீங்கும். வெள்ளை, கணைச்சுரம், மாந்தம் முதலியன குணமாகும்!

http://eegaraisivi.blogspot.com/2010/02/blog-post.html

**சிவா** · **சிவா** Tue Feb 16, 2010 6:09 pm

தீம்பாலை

"மேக வெட்டை சந்நிவிட பாகம் நேத்திர நோய்
தாகமுந் தோடஞ்சர்த்தி சாரணலம் - வேகமோ
டேறு சலம் பீநிமிரத்த முந்தீம்பாலையெனுந்
தூறுவா திக்கறுஞ் சொல்"

தீம்பாலை மரத்தினால் வெள்ளை, கண்நோய், வாந்தி, பித்தம், நீறேற்றம், இரத்தக் கழிச்சல் இவை நீங்கும். பழம் சாப்பிட பசி உண்டாகும், வெப்பம் தணியும்!

http://eegaraisivi.blogspot.com/2010/02/blog-post_16.html

**சிவா** · **சிவா** Thu Apr 01, 2010 8:00 pm

காட்டுக் கடுகு

"வாதம் உடற்கடுப்பு வன்சூலை காதிரைச்சல்
ஓதமிகு பிநிசம் ஓடுங்காண் - போதெறிந்து
காய் வேளைக் காயும் விழிக் காரிகையே!
நாய் வேளையுண்ண நவில் வையமிதில்"

காட்டுக் கடுகின் இலையை வெந்நீர் விட்டுக் கசக்கிப் பிழிந்த சாற்றில்
இரண்டொரு துளி காதில்விட காது நோய் குணமாகும்.

வாதம், உடல் கடுப்பு, வன்சூலை, பீநிசம் ஆகிய நோயெல்லாம் இம்மூலிகையால்
குணமாகும்.

**சிவா** · **சிவா** Fri Apr 09, 2010 7:28 pm

இலவங்கப்பட்டை

"தாது நட்டம் பேதி சருவ விஷம் ஆகிய நோய்
பூத கிரகஞ் சிலந்திப் பூச்சி விடஞ் - சாதி விடம்
ஆட்டு மிரைப் போடிருமல் ஆகிய நோய்க்
கூட்டமற ஓட்டுமில வங்கதுரி"

பாம்புக்கடி, சிலந்திப் பூச்சிக்கடி, முதலிய நஞ்சை இது போக்கும். இரைப்பு இருமல், வயிற்றுக் கடுப்பு, உள் மூலப்புண் இவைகளைப் போக்கும். உடலுக்கு குளிர்ச்சி உண்டாக்கும்.

**சிவா** · **சிவா** Fri May 21, 2010 11:08 am

புளிச் சிறு கீரை

“தேக சித்தியாருஞ்சிறு காசம் மந்தமுறும்
யோகமுறும் விந்துவிநற்புஷ்டியுண்டாம் - வாகாம்
வெளிச்சிறுமான் நோக்கு விழிமென் கொடியே நாளும்
புளிச்சிறு கீரையிணும் போது”

புளிச்சிறு கீரையை காச்ச கீரையென்றும் கூறுவர். இக்கீரையால் சிறு இருமலும் மந்தமும் நீங்கும். காய சித்தியும் புணர்ச்சியில் விருப்பமும் உண்டாகும்.

இரத்த பித்த ரோகம், கரப்பான் வீக்கம், எலும்புச் சுரம் ஆகியன நீங்கும்.

**சிவா** · **சிவா** Sun Jan 29, 2012 6:02 pm

செம்பருத்தி

‘செம்பருத்திப் பூ அழலைத் தீய ரத்த பித்தத்தை
வெட்டி வயிற்றுக் கடுப்பை விந்துவை நீற்றம்
மேகத்தை வெட்டையை விடூசி முதற்பேதியையான
காகத்தை ஒட்டி விருந்தா’

செம்பருத்தியால் உடல் அழற்சி, வயிற்றுக் கடுப்பு, நீரழிவு, வெள்ளை, நீர் வேட்கை, குருதியிழல் நோய் ஆகியவை நீங்கும்.

இதன் இலை பிஞ்சுக்காயை குடிநீரிட்டு உள்ளுக்குக் கொடுத்தால் கழிச்சல் நிற்கும்.

இப்பூவின் இதழை தாய்ப்பாலில் ஊறவைத்துப் பிழிந்து குழந்தைகளின் கண் நோய்க்குக் கொடுக்கலாம்.

**சிவா** · **சிவா** Wed Feb 01, 2012 12:17 pm

செங்கீரைத் தண்டு

“தண்டு மெத்த வாய்வ தணியாத சீதனமாம்
விண்டு ரையாக்கில் சின்னோய் போம் வின்னவோ கொண்டக்கால்
நீர்க்கடுப்பு வெட்டையனல் நில்லாது நேரிடையே
போர்க்கடுப்பி ரத்தமும் போம் போம்”

செங்கீரைத் தண்டினால் சிறுநீர் எரிச்சல், வெள்ளை, வயிற்றுக் கடுப்பு ஆகியவை நீங்கும்.

செங்கீரைத் தண்டினால் வெளிமூல நோய் எரிச்சல் நீங்கும். தீராத அழல் நோய் மற்றும் பெண்களுக்கு உண்டாகும் பெரும்பாட்டையும் போக்கும்.

Sponsored content · Sponsored content

சித்தர் பாடல் சித்த மருத்துவம்

சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

Re: சித்தர் பாடல் சித்த மருத்துவம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக