ஓஷோவின் முக்கியமான போதனை என்ன?

-
வெற்றி என்பதில் எந்தத்
தகுதியும் கிடையாது..
உண்மையைச் சொன்னால்
அது மிகவும் அருவருப்பானது..
-
ஒருவனைத் தோற்கடிப்பது
என்பது அர்த்தம் இல்லாதது..
ஆனால் அதைத் தான் மனம்
விரும்புகிறது.. வெற்றி என்பது
நம் பழைய மிருக வாழ்வின் மிச்சம்..!
-
இன்னொருவரைப் போல
இருக்க நினைப்பது
இன்னொருவர் பொருளை
அபகரிப்பது போன்ற
திருட்டுத் தன்மை கொண்டதாகும்..
இன்னொருவரைப் போல நடப்பது
என்பதே ஒரு போலித்தனம்..!
-
நம் உறவுகள் எல்லாம் உள்ளே
விஷத் தன்மை
கொண்டவர்களாகவும் வெளியே
இனிப்பு பூசப்பட்டவர்களாகவும்
இருக்கிறார்கள்..!
-
நெருப்பில் கை வைக்க அஞ்சும்
மனிதன் கோபம் எனும்
நெருப்பில் மட்டும் தைரியமாக
கை வைக்கிறான்..!
வேலையை வெறுத்துச் செய்பவன்
அடிமை.. வேலையே
விரும்பிச் செய்பவன்
அரசன்..!
-
உன்னை தவிர வேறு எவராலும்
உன்னை தடுக்க முடியாது..
உன் வழியில்
நீ குறுக்கே நிற்காதே..!
மற்றவர்களுக்கு அறிவுரை
சொல்லுவதில் கிடைக்கும்
ஆனந்தம் மிகவும் நுட்பமானது..
கர்வம் கலந்த ஆனந்தம் அது.
உன் அறிவுரையைக் கேட்பவன்
அறியாதவன் ஆகிறான்.. நீயோ
அறிவாளி ஆகிவிடுகிறாய்..
-
இந்த உலகில் எல்லோருமே
கொடுக்க கூடிய.. யாருமே
பெற்றுக்கொள்ளாத ஒரே விஷயம்
அறிவுரை மட்டுமே.. யாருமே
அதைப் பெற்றுக் கொள்ளாமலிருப்பதும்
நல்லது தான்..!
-
சட்டம் என்பது தவறான
மனிதனுக்கு உரியது..
சரியான மனிதனுக்கு அல்ல..
ஏனென்றால் இந்த முழு
உலகமும் தவறான மனநிலையில்
செயல்படுகிறது.. எப்போதாவது
ஒரு சரியான மனிதன் வந்தால்..
அவனை ஒரு அயலவன்
போல தான் பார்க்கிறது..!
-
ஒரு பசித்த மனிதனின் வாழ்வுக்கு
அர்த்தமுண்டா.. இல்லையா
என்று எப்படி நினைத்துப்
பார்க்க முடியும்..? ஒரு மலரின்
அழகைக் கூட அவனால்
ரசிக்க முடியாது.. பசி..!
இசையைப் பற்றியோ..
கவிதை பற்றியோ..
ஓவியம் பற்றியோ..
பசித்தவனிடம் பேச முடியாது..
அப்படிப் பேசினால் அவனை
அவமானப்படுத்துவது ஆகும்..!
-
கோடிக்கணக்கில் மக்கள்
ஒருவருக்கொருவர் தீர்ப்பு
சொல்லிக் கொண்டும்..
சண்டை போட்டுக் கொண்டும்
இருக்கிறார்கள்..!
Pic: DNA India
-
நன்றி: தமிழ்-கோரா