Latest topics

சீனாவில் ஒரே நாளில் 37 ஆயிரம் பேருக்கு கொரோனா பாதிப்பு உறுதி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

சீனாவில் ஒரே நாளில் 37 ஆயிரம் பேருக்கு கொரோனா பாதிப்பு உறுதி

Post by ayyasamy ram Thu Dec 01, 2022 2:26 am

-
பெய்ஜிங்,
உலகின் முதல் கொரோனா வைரஸ் தொற்று சீனாவின் உகான்
நகரில் ஏற்பட்டதாக கூறப்படுகிறது. அங்கிருந்து உலகம்
முழுவதும் பரவி வரலாறு காணாத தாக்கத்தை கொரோனா வைரஸ்
தொற்று நோய் ஏற்படுத்தி விட்டது.

கொரோனா தடுப்பூசி உள்ளிட்ட பல்வேறு தடுப்பு நடவடிக்கைகள்
காரணமாக உலக நாடுகள் தற்போது படிப்படையாக கொரோனா
தொற்றில் இருந்து மீண்டு வருகின்றன.

இந்த நிலையில் சீனாவில் கடந்த சில நாட்களாக கொரோனா
பாதிப்பு எண்ணிக்கை திடீரென அதிகரித்து வருகிறது. நேற்று
முன்தினம் அங்கு 38,645 பேருக்கு கொரோனா தொற்று உறுதி
செய்யப்பட்டது.

இந்நிலையில், கடந்த 24 மணி நேரத்தில் பாதிப்பு எண்ணிக்கை
சற்று குறைந்துள்ளது. அதன்படி கடந்த 24 மணி நேரத்தில் சீனாவின்
உள்ளூர் நகரங்களில் 37,828 பேருக்கு கொரோனா தொற்று பாதிப்பு
உறுதி செய்யப்பட்டுள்ளது.

இதில் 33,540 பேருக்கு அறிகுறி இல்லாத கொரோனா தொற்று
உறுதியாகி இருப்பதாகவும், 4,288 பேருக்கு மட்டுமே கொரோனா
அறிகுறி இருப்பதாகவும் சீன சுகாதாரத்துறை தெரிவித்துள்ளது.

கடந்த 24 மணி நேரத்தில் அங்கு கொரோனாவால் புதிதாக
உயிரிழப்புகள் ஏற்படவில்லை. சீனாவில் இதுவரை கொரோனா
பாதிப்பால் உயிரிழந்தவர்களின் எண்ணிக்கை 5,233 ஆக உள்ளது.
மேலும் சீனாவில் இதுவரை உறுதி செய்யப்பட்ட கொரோனா
பாதிப்புகளின் எண்ணிக்கை 3,19,536 ஆக அதிகரித்துள்ளது குறிப்பிடத்தக்கது.

-தினத்தந்தி

ayyasamy ram: வழிநடத்துனர்; பதிவுகள் : 82613
இணைந்தது : 30/09/2013