பைரவரை வணங்குவோம்....பயமின்றி வாழ்வோம்....

**krishnaamma** · **krishnaamma** Wed Nov 16, 2022 11:17 am

நாளை ஐப்பசி மாத தேய்பிறை அஷ்டமி நாளில் பைரவரை வணங்குவோம். பயமின்றி வாழ்வோம். தடைகள் அனைத்தையும் தகர்த்து அருளுவார் பைரவர்.

ஐப்பசி மாதம் நாளை ஈஸ்வராஷ்டமி,நாளைய தினம் புதாஷ்டமி சதாசிவாஷ்டமியாக கடைபிடிக்கப்படுகிறது

கார்த்திகை மாதம் 29 ம் தேதி இரவு 10-28 மணிக்கு அஷ்டமி திதி ஆரம்பம்.மார்கழி மாதம் 1ஆம் தேதி ருத்ராஷ்டமி,காலபைரவாஷ்டமி, அனுசரிக்கப்படுகிறதுர

மார்கழி மாதம் 30 ஆம் தேதி சங்கராஷ்டமி தினம்

சிவபெருமான் ஆதியும் அந்தமும் இல்லாதவர். பஞ்சபூத வடிவமாகி, இந்தப் பிரபஞ்சம் முழுவதும் வியாபித்திருப்பவர். மூவுலகிலும் அதர்மம் பெருகி நல்லவர்கள் துன்புறும்போது, பல்வேறு அவதாரங்களை எடுத்து, அதர்மத்தை அழித்து நல்லவர்களைக் காப்பவர். துஷ்ட நிக்ரஹமும் பக்த பரிபாலனமும் செய்ய அவ்வாறு அவர் கொண்ட 64 திருவடிவங்களுள் முக்கியமானது காலபைரவ அவதாரம்.

துன்பம் ஒரு வெள்ளம்போல சூழும்போது, அதிலிருந்து தப்ப வழியின்றித் தவிப்பவர்கள், பற்றிக்கொள்ள உகந்த வழிபாடு 'பைரவர் வழிபாடு'. பைரவர், காவல் தெய்வம் போன்றவர். கூப்பிட்ட குரலுக்கு ஓடிவந்து காப்பவர். நவகிரகங்களில் சனியின் குருவாகக் கருதப்படுபவர். குருவை வணங்கினால் சீடன் மகிழ்வார் என்பது இயல்பு இல்லையா... பைரவரை வழிபடுவதன் மூலம் சனியைக் குளிர்வித்து, அவர் பார்வையால் ஏற்படும் கெடுபலன்களை நற்பலன்களாக மாற்றிவிட முடியும்...

#ஓம்பைரவாசரணம்.