பால் எப்படி இருக்கும்?

**சிவா** · **சிவா** Fri Jan 22, 2010 4:53 pm

ஒருநாள், ஆசிரியர் ஒருவர் மிகவும் கஷ்டப்பட்டு பாடத்தை விளக்கிக் கொண்டிருந்தார். ஆனால், ஒரு மாணவனுக்கு ஆசிரியர் கூறியது புரியவே இல்லை.

""எல்லாவற்றையும் பிறருக்கு விளக்கிச் சொல்ல முடியுமா?'' என்று கேள்வி வேறு கேட்டான்.

""கேட்பவர்களுக்கு விளங்கிக் கொள்ளும் ஆற்றல் இருக்க வேண்டும். இல்லாவிட்டால் எப்படி விளக்கிச் சொன்னாலும் பயன்படாது. பார்வையற்ற ஒருவனுக்கு என்ன முயன்றாலும் பாலின் தன்மையை உணர்த்த முடியாது. இதை விளக்க ஒரு கதை,'' என்றார் ஆசிரியர்.

""என்ன கதை?'' என்று ஆர்வத்துடன் கேட்டான் அவன்.

""ஒரு வீட்டில் பார்வையற்ற ஒருவன் தங்கி இருந்தான். அங்கே பெண் ஒருத்தி தன் குழந்தைக்குப் பால் கொடுத்துக் கொண்டிருந்தாள். விக்கல் எடுத்த குழந்தை அழத் தொடங்கியது.

""குழந்தை ஏன் அழுகிறது?'' என்று கேட்டான் அவன்.

""பால் குடித்த குழந்தை விக்கிக் கொண்டதால் அழுகிறது,'' என்றாள் அவள்.

""பாலா? அது எப்படி இருக்கும்?'' என்று கேட்டான்.

""பால் கொக்குக் போல வெண்மையாக இருக்கும்.''

கொக்கை பாத்திராத அவன், ""கொக்கு எப்படி இருக்கும்?'' என்று கேட்டான்.

தன் கையை கோணலாக வளைத்துக் காட்டிய அவள், ""தொட்டுப்பார் - இதைப் போலக் கொக்கு இருக்கும்,'' என்றாள். அதைத் தடவிப் பார்த்த அவன், ""இவ்வளவு பெரிய முரட்டுப் பொருள் குழந்தையின் தொண்டையில் சிக்கினால் ஏன் விக்கல் எடுக்காது என்று கேட்டான்!'' என்றார் ஆசிரியர்.

பாடத்தை தன்னால் புரிந்துகொள்ள முடியவில்லை என்றாலும் எதிர் கேள்வி கேட்டு தன்னை மேதாவியாக காட்டிக்கொள்ள நினைத்த மாணவன் வெட்கி தலைகுனிந்தான்.

***

srinivasan · srinivasan Fri Jan 22, 2010 5:01 pm

சிவா சார் நன்றி பால் எப்படி இருக்கும்? 154550

சம்சுதீன் · சம்சுதீன் Fri Jan 22, 2010 7:20 pm

நன்றி

சொரூபன் · சொரூபன் Fri Jan 22, 2010 7:26 pm

kirupairajah · kirupairajah Fri Jan 22, 2010 8:44 pm

சிவா wrote:

""எல்லாவற்றையும் பிறருக்கு விளக்கிச் சொல்ல முடியுமா?'' என்று கேள்வி வேறு கேட்டான்.

""கேட்பவர்களுக்கு விளங்கிக் கொள்ளும் ஆற்றல் இருக்க வேண்டும். இல்லாவிட்டால் எப்படி விளக்கிச் சொன்னாலும் பயன்படாது.