'ஆம் ஆத்மிக்கு எதிராக சிபிஐ விசாரணை' - டெல்லி ஆளுநருக்கு சுகேஷ் சந்திரசேகர் மீண்டும் கடிதம்!

**T.N.Balasubramanian** · **T.N.Balasubramanian** Tue 8 Nov 2022 - 19:04

ஆம் ஆத்மி கட்சிக்கு எதிரான புகாரை சிபிஐ அமைப்பு விசாரிக்கக் கோரி, டெல்லி துணை நிலை ஆளுநர் வினய் குமார் சக்சேனாவுக்கு, திகார் சிறையில் அடைக்கப்பட்டுள்ள இடைத்தரகர் சுகேஷ் சந்திரசேகர் மீண்டும் கடிதம் எழுதி உள்ளார்.

தேர்தல் ஆணைய அதிகாரிகளிடம் பேசி அதிமுகவின் இரட்டை இலை சின்னத்தை மீட்டுத் தருவதாகக் கூறி, அமமுக பொதுச் செயலாளர் டிடிவி தினகரனை லஞ்சம் கொடுக்க வைத்ததாக, இடைத்தரகர் சுகேஷ் சந்திரசேகர் என்பவர், கடந்த 2017 ஆம் ஆண்டு கைது செய்யப்பட்டார். இவர், தற்போது டெல்லியில் உள்ள திகார் சிறையில் அடைக்கப்பட்டு உள்ளார். இவருக்கு, பிரபல பாலிவுட் நடிகை ஜாக்குலின் பெர்னாண்டஸ் உள்ளிட்ட பிரபலங்களுடன் தொடர்பு இருப்பது விசாரணையில் தெரிய வந்தது.

இதற்கிடையே, நாடாளுமன்ற மாநிலங்களை சீட் தருவதாகக் கூறி ஆம் ஆத்மி கட்சித் தலைவர் அரவிந்த் கெஜ்ரிவால் தன்னிடம் 50 கோடி ரூபாய் வாங்கியதாகவும், சிறையில் வசதிகள் கிடைக்க, அமைச்சர் சத்யேந்திர ஜெயின் 10 கோடி ரூபாய் பெற்றதாகவும், இடைத்தரகர் சுகேஷ் சந்திரசேகர் குற்றம் சாட்டினார். மேலும், டெல்லி முதலமைச்சர் அரவிந்த் கெஜ்ரிவால் மீதும் பல்வேறு குற்றச்சாட்டுகளை தெரிவித்து இருந்தார்.

இந்த விவகாரம் தொடர்பாக, டெல்லி துணை நிலை ஆளுநர் வினய் குமார் சக்சேனாவுக்கு இடைத்தரகர் சுகேஷ் சந்திரசேகர் கடிதமும் எழுதி இருந்தார். இந்த விவகாரம் டெல்லி அரசியலில் புயலைக் கிளப்பி உள்ளது. எனினும், சுகேஷ் சந்திரசேகரின் குற்றச்சாட்டை ஆம் ஆத்மி கட்சி திட்டவட்டமாக மறுத்துள்ளது.

இந்நிலையில், ஆம் ஆத்மி கட்சிக்கு எதிராக புகாரை, சிபிஐ விசாரிக்கக் கோரி, டெல்லி துணை நிலை ஆளுநர் வினய் குமார் சக்சேனாவுக்கு, இடைத்தரகர் சுகேஷ் சந்திரசேகர் மீண்டும் கடிதம் எழுதி உள்ளார்.

அதில் கூறப்பட்டு உள்ளதாவது:
நான் தங்களுக்கு எழுதிய முதல் கடிதம் வெளியான பிறகு, அமைச்சர் சத்யேந்திர ஜெயின், சிறைத் துறை டிஜி சந்தீப் கோயல் ஆகியோர் மூலம் சிறையில் எனக்கு நெருக்கடி அதிகரித்து உள்ளது. ஆம் ஆத்மி கட்சிக்கு எதிரான உண்மைகள் வெளி வராமல் தடுப்பதற்கான முயற்சிகள் வெற்றி பெறுவதற்கு முன்பாக, அக்கட்சி எதிரான புகாரை விசாரிக்க, சிபிஐ விசாரணைக்கு உடனடியாக உத்தரவிட வேண்டும்.

இந்த விவகாரம் அமைச்சர் சத்யேந்திர ஜெயின் பற்றியது மட்டுமல்ல; முதலமைச்சர் அரவிந்த் கெஜ்ரிவால் மற்றும் அமைச்சர் கைலாஷ் கெலாட் ஆகியோர் சம்பந்தப்பட்டதும் கூட. சிபிஐ விசாரணை நடந்தால், ஆம் ஆத்மி தலைவர்களை சந்தித்ததற்கான ஆதாரங்கள், பணப் பரிவர்த்தனை நடைபெற்றதற்கான ஆதாரங்களை சமர்ப்பிக்க தயாராக உள்ளேன். மேலும், இந்த வழக்கில் விசாரணைக்கு முழு ஒத்துழைப்பு அளிப்பேன்.

இவ்வாறு கடிதத்தில் தெரிவிக்கப்பட்டு உள்ளது.
நன்றி சமயம்.

**T.N.Balasubramanian** · **T.N.Balasubramanian** Tue 8 Nov 2022 - 19:13

இதை படிக்கும் போது, சார்லஸ் சோப்ராஜ் நினைவுக்கு வருகிறது.

**T.N.Balasubramanian** · **T.N.Balasubramanian** Tue 8 Nov 2022 - 19:28

சுகேஷ் சந்திரசேகர் --சிறையில் இருந்து கொண்டே விளையாட்டை தொடருகிறார்.

ஆச்சர்யம் மக்கள் இவர் பேச்சில் மயங்குவதுதான்.

Sponsored content · Sponsored content

'ஆம் ஆத்மிக்கு எதிராக சிபிஐ விசாரணை' - டெல்லி ஆளுநருக்கு சுகேஷ் சந்திரசேகர் மீண்டும் கடிதம்!

'ஆம் ஆத்மிக்கு எதிராக சிபிஐ விசாரணை' - டெல்லி ஆளுநருக்கு சுகேஷ் சந்திரசேகர் மீண்டும் கடிதம்!

Re: 'ஆம் ஆத்மிக்கு எதிராக சிபிஐ விசாரணை' - டெல்லி ஆளுநருக்கு சுகேஷ் சந்திரசேகர் மீண்டும் கடிதம்!

Re: 'ஆம் ஆத்மிக்கு எதிராக சிபிஐ விசாரணை' - டெல்லி ஆளுநருக்கு சுகேஷ் சந்திரசேகர் மீண்டும் கடிதம்!

Re: 'ஆம் ஆத்மிக்கு எதிராக சிபிஐ விசாரணை' - டெல்லி ஆளுநருக்கு சுகேஷ் சந்திரசேகர் மீண்டும் கடிதம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக