அரசு ஊழியர் அகவிலைப்படி ஓபிஎஸ் வலியுறுத்தல்

சென்னை:
அரசு ஊழியர்கள், ஆசிரியர்களுக்கு 4 சதவீத அகவிலைப்படி
உயர்வை 1-7-2022 முதல் வழங்க வேண்டும் என்று ஓ.பன்னீர்செல்வம்
வலியுறுத்தியுள்ளார்.

இதுகுறித்து அதிமுக ஒருங்கிணைப்பாளர் ஓ.பன்னீர்செல்வம்
நேற்று வெளியிட்டுள்ள அறிக்கை: மத்திய அரசு ஊழியர்களுக்கான
அகவிலைப்படி உயர்வை 3 சதவீதம் உயர்த்தி, அதாவது 31 சதவீதத்தில்
இருந்து 34 சதவீதமாக உயர்த்தி அதனை 1-1-2022 முதல் ரொக்கமாக
ஒன்றிய அரசு வழங்கியது.

இதனையொட்டி, மாநில அரசு ஊழியர்களுக்கும் 34 சதவீதம்
அகவிலைப்படி உயர்வு 1-1-2022 முதல் வழங்கப்பட்டிருக்க வேண்டும்.
ஆனால், மேற்படி உயர்வு 1-7-2022 முதல்தான் வழங்கப்பட்டது.

தற்போது, 1-7-2022 முதல் மேலும் 4 சதவீத அகவிலைப்படி உயர்வை
ஒன்றியஅரசு அறிவித்து ஒரு மாதத்திற்கு மேலாகியுள்ளது.

ஏற்கனவே, இரண்டு முறை அகவிலைப்படியை 6 மாத காலத்திற்கு
தள்ளி வைத்துள்ளதன் மூலம் பாதிக்கப்பட்டுள்ள அரசு ஊழியர்கள்
மற்றும் ஓய்வூதியதாரர்கள், தீபாவளி பண்டிகையை முன்னிட்டு,
இந்த முறையாவது 4 சதவீதம் அகவிலைப்படி உயர்வை 1-7-2022 முதல்
ரொக்கமாக அரசு வழங்கும் என்று எதிர்பார்த்தார்கள்.
ஆனால் வழங்கப்படவில்லை. எ

னவே, முதலமைச்சர் இதில் உடனடியாக தலையிட்டு அரசு ஊழியர்கள்,
ஆசிரியர்கள் மற்றும் ஓய்வூதியதாரர்களுக்கான 4 சதவீத அகவிலைப்படி
உயர்வை வழங்க வேண்டும். இவ்வாறு அவர் கூறியுள்ளார்.
-
-தினகரன்