Latest topics

அனைத்து வீடுகளுக்கும் 100 யூனிட் இலவச மின்சாரம் தொடரும்!

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

அனைத்து வீடுகளுக்கும் 100 யூனிட் இலவச மின்சாரம் தொடரும்!

Post by ayyasamy ram Mon Oct 24, 2022 9:57 pm

சென்னை :
'அனைத்து வீடுகளுக்கும் 100 யூனிட் இலவச மின்சாரம்
தொடர்ந்து வழங்கப்படும்' என, தமிழக மின் வாரியம்
தெரிவித்துள்ளது.

தமிழகத்தில் உள்ள, 2.34 கோடி வீடுகளுக்கும், மின் வாரியம்
100 யூனிட் வரை இலவசமாகவும்; 500 யூனிட் வரை மானிய
விலையிலும் மின்சாரம் வழங்குகிறது. இதற்காக ஏற்படும்
செலவை, தமிழக அரசு மானியமாக வழங்குகிறது.
கடந்த செப்., 10 முதல் மின் கட்டணம் உயர்த்தப்பட்டது.

இதனால், வீடுகளுக்கு இலவச, மானிய விலையில் வழங்கப்படும்
மின்சாரத்திற்காக, 2021 - 22ல், 3,469 கோடி ரூபாயாக இருந்த
அரசின் மானிய செலவு, நடப்பாண்டில், 5,284 கோடி ரூபாயாக
அதிகரித்துள்ளது.

இந்நிலையில், 'வீட்டு உபயோகத்திற்கு இரு மாதங்களுக்கு
500 யூனிட்களுக்கு மேல் ஆனால் 100 யூனிட் இலவசம் இல்லை'
என்று, பலரின் மொபைல் போன்களுக்கு எஸ்.எம்.எஸ்.,
அனுப்பப்பட்டு வருகிறது. இது, போலியானது என, மின் வாரியம்
தெரிவித்துள்ளது.

இதுகுறித்து, மின் வாரியம் விடுத்த செய்தி குறிப்பில்,
'எஸ்.எம்.எஸ்., வாயிலாக பரவி வரும் தகவல் முற்றிலும்
போலியானது. 'அனைத்து வீட்டு மின் நுகர்வோர்களுக்கும்,
100 யூனிட் இலவச மின்சாரம் தொடர்ந்து வழங்கப்படும்' என,
தெரிவிக்கப்பட்டுஉள்ளது.
-
-தினமலர்

ayyasamy ram: வழிநடத்துனர்; பதிவுகள் : 84108
இணைந்தது : 30/09/2013