நீயும் இயற்கையும் - தமிழ்க் கவிதை

சண்முகம்.ப · சண்முகம்.ப Thu Oct 20, 2022 9:56 am

அந்த மானுக் கருகினிலென்
அன்பே புயலாய் மாறியதோ?
எந்தன் காதல் நீராகி
எங்கும் மழையாய்ப் பொழிகிறதோ?
சிந்திய கண்ணீர் துளிகள்தான்
சாலையில் தேங்கிக் கிடக்கிறதோ?
எந்தன் இதயம் பிழிந்ததனால்
ஈரம் நாட்டை நனைக்கிறதோ?

காற்றில் ஆடும் கிளையுந்தன்
கலையை ரசித்தே வீசியதோ?
சேற்றில் பூக்கும் தாமரையுன்
செவ்விதழ் சாயம் பூசியதோ?
ஊற்றில் ஓடும் நீரோசை
உன்னிடம் ஏதோ பேசியதோ?
சீற்றம் கொண்டவுன் விழிபார்த்து
சூரிய னின்கண் கூசியதோ?

நிலவுன் யோசனை கேட்டுத்தான்
நித்தம் ஒப்பனை செய்கிறதோ?
செலவாய்ப் போகும் ஒளிசேர்க்க
சூரியனும் கடன் கேட்கிறதோ?
உலவும் தென்றல் குளிர்சேர்க்க
உந்தன் உதவியை நாடியதோ?
சிலநாள் உன்னிடம் கற்றுத்தான்
சோலைக் குயிலும் கூவியதோ?

காட்டு மயிலுன் அசைவுகளைக்
கவனித் தேதினம் ஆடியதோ?
தீட்டிய வாளுன் பார்வையினைத்
திருடிக் கூர்மை சேர்க்கிறதோ?
தோட்டத் தின்பூ உன்வண்ணம்
தேடி எடுத்துப் பூக்கிறதோ?
நாட்டின் பட்டாம் பூச்சியெல்லாம்
நீதேன் என்று குழம்பியதோ?

**Dr.S.Soundarapandian** · **Dr.S.Soundarapandian** Tue Jan 24, 2023 12:12 pm

நீயும் இயற்கையும் - தமிழ்க் கவிதை 3838410834

**சிவா** · **சிவா** Tue Jan 24, 2023 1:53 pm

மொத்தத்தில் இயற்கைகளுக்கெல்லாம் அன்னையாகத் திகழ்கிறார் உங்கள் கவிதைப் பெண்..

அருமை...

Anthony raj · Anthony raj Tue Nov 14, 2023 12:30 am

இயற்கை என்னும் இளைய கன்னி பாடல் நினைவுக்கு வருகிறது அருமையிருக்கு

Sponsored content · Sponsored content

நீயும் இயற்கையும் - தமிழ்க் கவிதை

நீயும் இயற்கையும் - தமிழ்க் கவிதை

Re: நீயும் இயற்கையும் - தமிழ்க் கவிதை

Re: நீயும் இயற்கையும் - தமிழ்க் கவிதை

Re: நீயும் இயற்கையும் - தமிழ்க் கவிதை

Re: நீயும் இயற்கையும் - தமிழ்க் கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக