மிகவும் வருத்தமான செய்தி.

by **T.N.Balasubramanian** Wed Sep 21, 2022 5:29 pm

Code:: ரெண்டு மூன்று நாட்களாக தினசரிகளில் அதிகம் கண்களில் தென்படுவது. பெங்களுருவில் ஒரு டாக்டரின் கொலை. உக்ரைனில் மருத்துவ படிப்பு படித்து சென்னையில் 2 வருடம் மருத்துவம் பார்த்த பெங்களூருகாரர். கொலை செய்தது இரெண்டு வருடம் தொடர்பில் இருந்து -- பெரியவர்கள் அனுமதியுடன் கல்யாணம் செய்ய முடிவு செய்யப்பட்ட -தீர்மானிக்கப்பட்ட பெண் --கட்டிட வடிவமைப்பு பட்ட படிப்பு படிக்கும் பெண். ஒன்றாக ஒரே வீடு எடுத்து குடும்பம் நடத்தியவர்கள். டாக்டர் அப்பெண்ணுடன் அந்தரங்கமாக இருந்த சமயங்களில் அவர் எடுத்த அந்தரங்க புகைப்படங்களை இன்ஸ்டாகிராமில் பதிவு செய்து வெளியிட்டதுதான் அவர் கொலைக்கு காரணம்.

தற்போதைய இளைய தலைமுறை எங்கு செல்கின்றனர்?

"கட்டுப்பாடு " என்பதற்கு புதிதாக ஒரு வரைமுறை உண்டாக்கி உள்ளனரா?

ஆண்களின் கண்களுக்கு பெண் என்பவள் ஒரு போகப் பொருளா?

பெண்களுக்கும் --நவீன கருத்தடை சாதனங்கள் --கிளுகிளுப்பு மூட்டும் வீடியோக்கள் --தவறு செய்வது தவறில்லை என்ற மனோபாவமா?

முகநூல் /யூ ட்யூப் போன்ற ஊடகங்களில் கிளுகிளுப்பு ஆடை அணிந்து அங்க அசைவுகள் செய்து பலர் பார்க்க
பணம் டாலர்களில் வருவதால் ,கோடானுகோடி ஜனத்தொகையில் , நம்மை யாரும் கண்டுபிடிக்கமுடியாது என்றோ அல்லது நாய் விற்ற பணம் குரைக்காது என்ற எண்ணமா ?

இதை படிக்கும் உயர்திரு Guestஅவர்களே , உங்கள் மனதில் இது விஷயம் என்ன நினைக்கின்றீர்கள்?
பகிர்ந்து கொள்ளலாமே?

by **mohamed nizamudeen** Wed Sep 21, 2022 7:34 pm

பெண்களுக்கு ஆடை சுதந்திரம் என்பது வேறு! அதே நேரம் அவர்கள் கண்ணியமான உடைகளை அணிவது அவசியம்!

ஆண்களுக்கு கால்சட்டை மட்டுமே போதும்; அதற்காக அதே உடையுடன் பொதுவெளியில் வருவதைத் தவிர்க்க வேண்டும்!

ஆண்களைப்போலவே பெண்களும் தற்போது சமூக வலைதளங்களில் பணம் மற்றும் புகழ் (இன்னும் லைக்) ஆகியவற்றிற்காக அரை குறை ஆடைகளில் தோன்றுவது வருத்தம்கொள்ள வைக்கிறது!

பெண்களே, தங்களுக்குள் கட்டுப்பாடுகள் வைத்து, அதை பின்பற்ற வேண்டும்!

by **Dr.S.Soundarapandian** Wed Sep 21, 2022 11:19 pm

இதெல்லாம் ‘பெரியவர்களின்’ ஆசியோடுதான் நடக்கிறது!
‘பேஷன் டெக்னாலஜி’ என்று ஒரு பெயரைக்கொடுத்து நிறுவனங்கள் நடக்கின்றனவே அதில் என்றாவது ஆடைமுறையைப் பற்றிக் கூறுகிறார்களா? அவர்கள் போக்கில் போகிறார்கள்! அதில் நல்ல வர்த்தகம் நடப்பதால் , யாரும் வாயைத் திறப்பதில்லை! இப்படியாக இன்று எல்லாம் வர்த்தகம் ஆகிவிட்டபடியால், ‘டிக்டோக்’ முதலியன கௌரவமாக ஆகியுள்ளது! மாதம் ஒன்றரை லட்சம் சம்பளம் வாங்கும் அதிகாரிகள் , பொறுப்பு இருந்தும் , வாயைத் திறப்பது இல்லை! முதலில் திருந்தவேண்டியது ‘பெரிய ஆட்கள்’தான்! ‘நேர்மை’ என்பது எங்கும் இல்லை எனும்போது , இப்படித்தான் நாடுபோகும்! இன்னொரு காந்தி வரவேண்டும்!

by shruthi Thu Sep 22, 2022 7:07 am

சமூகம் அதை ஏன் விளம்பரம் செய்ய வேண்டும். ஊடங்கங்கள் தேவையற்ற படங்களை வெளியிடுவதை நிறுத்தலாமே. ஊடங்கங்களை நிறுத்த சொல்லி கேளுங்களேன்.ஊடகங்கள் குழந்தையையும் கிள்ளி விட்டு தொட்டிலையும் ஆட்டிவிட்டுக் கொண்டுள்ளதே அதை கேட்பவர் யார்? பணதிற்காக தான் எல்லாமே. தனி மனிதனை யார் கேட்பது? கண்ணுக்கு தெரியாததை நாம் சிந்தை பெரிது படுத்தாது. சட்டமியற்ற சமூகம் ஏன் கேட்பதில்லை? அப்படி செய்தால் ஓரளவு தடுத்து விடலாமே? பின்பு ஒடுக்குவது சுலபமாயிற்றே. அப்படி செய்பவர்களை சமூகம் ஏன் கேள்வி கேட்பதில்லை. இரும்பை விடுத்து ஈயை அடிபதென்ன. பார்க்கும் நபர்களை கேள்வி கேட்கும் சமூகம் அப்படி நடிப் பவர்களை கேள்வி கேட்டுள்ளதா? ஏன் அவர்களுக்கு சமூகப் பொறுப்பு இல்லையா?