ஊழல் வழக்கில் கைது செய்யப்பட்டு சிறைக்கு சென்ற 10 இந்திய அரசியல்வாதிகள்.. யார் யாருன்னு தெரியுமா? லிஸ்ட் இதோ..

by **T.N.Balasubramanian** Mon Sep 12, 2022 5:15 pm

1, லாலு பிரசாத் யாதவ் : பீகார் மாநிலத்தின் முன்னாள் முதலமைச்சரும்,ராஷ்ட்ரீய ஜனதா தளம் கட்சியின் தலைவருமான லாலு பிரசாத் யாதவ் 1990 ஆம் ஆண்டு மாடுத்தீவனம் வாங்கியதில் 900 கோடி ஊழல் செய்ததாக குற்றம் சாட்டப்பட்டார்,பின் 2019 ஆம் ஆண்டு குற்றம் நிரூபிக்கப்பட்டு சிறையில் அடைக்கப்பட்டார்..

2, ஜெயலலிதா : தமிழகத்தின் முன்னாள் முதலமைச்சரும்,அதிமுக கட்சியின் பொது செயலருமான ஜெயலலிதா 1991 முதல் 1996 வரை முதல்வராக பதவி வகித்த போது வருமானத்துக்கு அதிகமாக, 66.65 கோடி ரூபாய் அளவுக்கு, சொத்து குவித்ததாக, குற்றம்சாட்டப்பட்டது.பின் குற்றம் நிரூபிக்கப்பட்டு இவருக்குள் சுமார் 4 ஆண்டு சிறை தண்டனை மற்றும் 100 கோடி ரூபாய் அபராதம் விதித்து பெங்களூரு நீதிமன்றம் தீர்ப்பு வழங்கியது.

3.அமித்ஷா : பாஜக கட்சியின் தலைவர் அமித்ஷா போலி என்கவுண்டர் வழக்கு, கொலை வழக்கு மற்றும் ஊழல் வழக்கில் சிறைக்கு சென்றவர்.சிறை தண்டனை பெற்ற மூன்று மாதத்தில் ஜாமீனில் வெளிவந்துட்டார் அமித்ஷா. குற்றத்தின் காரணத்தால் குஜராத் மாநிலத்தில் இருந்து வெளியேற்றப்பட்டார்.

4கனிமொழி : திமுக கட்சியின் தலைவரும்,தமிழகத்தின் முன்னாள் முதல்வருமான மறைந்த கலைஞர் கருணாநிதியின் மகள் கனிமொழி.இவர் மீது 2ஜி ஸ்பெக்ட்ரம் வழக்கில் குற்றம்சாட்டப்பட்ட இவர் 2011 ஆம் ஆண்டு கைது செய்யப்பட்டார்,இவர் திஹார் சிறையில் அடைக்கப்பட்டு பின் ஜாமினில் வெளிவந்தார்.

5.ஆ. ராசா : திமுக கட்சியின் ஆ. ராசா மத்திய தகவல் தொடர்புதுறை அமைச்சராக பதவி வகித்தார். இவர் 2ஜி ஸ்பெக்ட்ரம் ஊழல் வழக்கில் குற்றம்சாட்டப்பட்ட 2011 ஆம் ஆண்டு கைது செய்யப்பட்டார்,பின் இவர் ஜாமினில் வெளிவந்தார்.

6.எடியூரப்பா : கர்நாடக மாநிலத்தின் முன்னாள் முதல்வரும்,பாஜக கட்சியை சேர்ந்த எடியூரப்பா சட்ட விரோத சுரங்க முறைக்கேடு ஊழலில் குற்றம்சாட்டப்பட்ட 2011 ஆம் ஆண்டு கைது செய்யப்பட்டார்.கைது செய்யப்பட்டு 23 நாட்கள் சிறையில் இருந்தார். பின், அவருக்கு ஜாமின் வழங்கப்பட்டது.

7.ஜெகன் மோகன் ரெட்டி : ஒய்.எஸ்.ஆர் காங்கிரஸ் கட்சியின் தலைவரும்,ஆந்திர மாநிலத்தின் முதல்வருமான ஜெகன் மோகன் ரெட்டி நில மோசடி, சொத்து குவிப்பு வழக்கில் குற்றம்சாட்டப்பட்டார்,பின் இவர் 16 மாதங்கள் சிறை இருந்து, பிறகு ஜாமீனில் வெளிவந்துவிட்டார்.

8.பங்காரு லக்ஷ்மணன் : பா.ஜ.க கட்சியை சேர்ந்த பங்காரு லக்ஷ்மணன் ஆயுத ஊழல் வழக்கில் குற்றம்சாட்டப்பட்டார்,பின் குற்றம் நிரூபிக்கப்பட்டு 4 ஆண்டுகள் சிறை தண்டனை விதிக்கப்பட்டு திஹார் சிறையில் அடைக்கப்பட்டார்,பின் ஜாமினில் விடுவிக்கப்பட்டார்.

9.சுரேஷ் கல்மாடி : மன்மோகன் சிங் பிரதமராக இருந்த பொழுது காங்கிரஸ் கட்சியை சேர்ந்த சுரேஷ் கல்மாடி,2010 ஆம் ஆண்டு காமன்வெல்த் விளையாட்டு-ல் 70,000 கோடி ஊழல் செய்ததாக குற்றம்சாட்டப்பட்டார்,பின் இவருக்கு ஐந்து லட்சம் அபராதம், பத்து மாதம் சிறை தண்டனை விதிக்கப்பட்டது.பின்னர் ஜாமீனில் வெளிவந்த சுரேஷ் கல்மாடி சிங்கர்ஸ் கட்சியில் இருந்து நீக்கப்பட்டார்.

10.மது கோடா : ஜார்கன்ட் மாநிலத்தின் முன்னாள் முதலமைச்சர் மது கோடா சுரங்க ஊழல் வழக்கில் சிறையில் அடைக்கப்பட்டார்.2.6 வருடம் சிறையில் இருந்த பின் இவருக்கு ஜாமின் வழங்கப்பட்டு வெளிவந்துவிட்டார்.

நன்றி --ஒன் இந்தியா ( மூல பதிவில் இருந்து புகைப்படங்கள் பதியவில்லை.--நமக்கு தெரியாத முகங்களா?)

( மூல பதிவிலிருந்து புகைப்படங்கள் நீக்கப்பட்டுள்ளன )

by **T.N.Balasubramanian** Mon Sep 12, 2022 5:21 pm

முறையாக --விஞ்ஞான முறை ஊழல் -கற்றறியாத கற்றுக்குட்டிகள்.--அய்யோப்பா ----

ஊழல் வழக்கில் கைது செய்யப்பட்டு சிறைக்கு சென்ற 10 இந்திய அரசியல்வாதிகள்.. யார் யாருன்னு தெரியுமா? லிஸ்ட் இதோ..

ஊழல் வழக்கில் கைது செய்யப்பட்டு சிறைக்கு சென்ற 10 இந்திய அரசியல்வாதிகள்.. யார் யாருன்னு தெரியுமா? லிஸ்ட் இதோ..

Re: ஊழல் வழக்கில் கைது செய்யப்பட்டு சிறைக்கு சென்ற 10 இந்திய அரசியல்வாதிகள்.. யார் யாருன்னு தெரியுமா? லிஸ்ட் இதோ..