ஷாக்கிங் --அதிர்ச்சி செய்தி.

**T.N.Balasubramanian** · **T.N.Balasubramanian** Sat Sep 10, 2022 8:43 pm

சென்னை:தமிழகத்தில் புதிதாக உயர்த்தப்பட்ட மின்கட்டணம் இன்று முதல் அமலுக்கு வருவதாக தமிழ்நாடு மின்சார ஒழுங்குமுறை ஆணையம் அறிவித்துள்ளது.

ஷாக்கிங் --அதிர்ச்சி செய்தி. Tamil_News_large_3119463

ஷாக்கிங் --அதிர்ச்சி செய்தி. Tamil_News_large_3119463

தமிழகத்தில் நிதிச்சுமையை ஏற்பட்டுள்ளதால் வருவாயை ஈட்ட மின் கட்டணத்தை உயர்த்த தமிழக அரசு முடிவு செய்தது. இது மக்களை பாதிக்கும் என எதிர்கட்சியினர் குரல் கொடுத்தாலும் ஏனைய மாநிலங்களை விட தமிழக மின் கட்டணம் குறைவு தான், மேலும் 8 ஆண்டுகளாக உயர்த்தப்படாமல இருந்ததையும் அரசு மக்களுக்கு கூறியது.

இந்நிலையில் புதிய மின் கட்டண உயர்வு இன்று முதல் அமலுக்கு வந்தது. அதே நேரத்தில் 100 யூனிட் வரை இலவசம் என்பது தொடரும். 2027 வரை இந்த கட்டண உயர்வு அமலில் இருக்கும். குடிசை, விவசாயம், கைத்தறி, விசைத்தறி மற்றும் வழிப்பாட்டுதலங்கள் முதலிய மின் கட்டண பிரிவிற்கு வழங்கப்பட்டு வரும் மின்சார மானியம் தொடர்ந்து வழங்கப்படும்.

புதிய மின்கட்டண உயர்வு குறித்த விவரம் வருமாறு:

இரு மாதங்களுக்கு மொத்தம் 200 யூனிட் வரை பயன்படுத்தும் 63.35 இலட்சம் வீட்டு மின்நுகர்வோர்களுக்கு (26.73 சதவீதம்) மாதம் ஒன்றிற்கு ரூ.27.50 உயர்த்தப்படும்.

இரு மாதங்களுக்கு மொத்தம் 300 யூனிட்டுகள் வரை மின் நுகர்வு செய்யும் 36.25 இலட்சம் வீட்டு மின் நுகர்வோர்களுக்கு (15.30 சதவீதம்) மாதம் ஒன்றிற்கு ரூ.72.50 உயர்த்தப்படும்.

ஷாக்கிங் --அதிர்ச்சி செய்தி. Gallerye_084729470_3119463

ஷாக்கிங் --அதிர்ச்சி செய்தி. Gallerye_084729470_3119463

இரு மாதங்களுக்கு மொத்தம் 400 யூனிட்டுகள் வரை மின் நுகர்வு செய்யும் 18.82 இலட்சம் வீட்டு மின் நுகர்வோர்களுக்கு (7.94 சதவீதம்) மாதம் ஒன்றிற்கு ரூ.147.50 உயர்த்தப்படும்.

இரு மாதங்களுக்கு மொத்தம் 500 யூனிட்டுகள் வரை மின் நுகர்வு செய்யும் 10.56 இலட்சம் வீட்டு மின் நுகர்வோர்களுக்கு (4.46 சதவீதம்) மாதம் ஒன்றிற்கு ரூ.297.50 உயர்த்தப்படும்.

இரு மாதங்களுக்கு மொத்தம் 600 யூனிட்டுகள் வரை மின் நுகர்வு செய்யும் 3.14 இலட்சம் வீட்டு மின் நுகர்வோர்களுக்கு (1.32 சதவீதம்) மாதம் ஒன்றிற்கு ரூ.155 உயர்த்தப்படும்.

இரு மாதங்களுக்கு மொத்தம் 700 யூனிட்டுகள் வரை மின் நுகர்வு செய்யும் 1.96 இலட்சம் வீட்டுமின் நுகர்வோர்களுக்கு (0.83 சதவீதம்) மாதம் ஒன்றிற்கு ரூ.275 உயர்த்தப்படும்.

800 யூனிட் வரை பயன்படுத்துவோர் மாதம் ஒன்றிற்கு 395 வீதம் 2 மாதங்களுக்கு ரூ. 790 கூடுதலாக செலுத்த வேண்டும்.

900 யூனிட் வரை மாதம் ஒன்றுக்கு ரூ. 565. செலுத்த வேண்டும்.

நன்றி தினமலர்.

**T.N.Balasubramanian** · **T.N.Balasubramanian** Sat Sep 10, 2022 9:24 pm

மின் வாரிய வட்ட அதிகாரிகள் /சூப்பர்வைசர் /தொழிலாளிகள் எப்பிடி பணம் பண்ணுகிறார்கள்.
உதாரணமாக ஒரு அபார்ட்மெண்ட் --24 குடியிருப்புகள் என வைத்துக்கொள்வோம்.
15 / 20வருடம் ஆகிவிட்டது, கேபிள் மாற்றவேண்டிய அவசியம்.
24 குடும்ப தலைவர்களும் /தங்கள் மின் இணைப்பு கார்டு-நகல், எடுத்து, பழைய கேபிளை மாற்றவும் என்று மின் வாரியத்திற்கு எழுத்து பூர்வமாக கோரிக்கை கொடுக்கவேண்டும்.ஒரு வாரம் கழித்து ஒரு சூப்பர்வைசர் வந்து, அபார்ட்மெண்ட் முக்கியஸ்தர்களிடம் அய்யாமார்களே /அம்மாமார்களே XX மீட்டர் நீளத்திற்கு கேபிள் மாற்றவேண்டும். தற்சமயம் கேபிள் ஸ்டாக் இல்லை /மீண்டும் சப்பளை வர 6/8 மாதமாகும் என்பார். சரி என்று கூறிவிட்டால் அவ்வளவுதான் கதை முடிந்தது.மறக்கவேண்டியதுதான்.

அதற்கு மாறாக --ஏதாவது பண்ணுங்க சார் என்றால் , ரெண்டு நாள் கழித்து வருகிறேன் யோசித்து வையுங்கள் என்பர் . ரெண்டு கழித்து வருவார். என்ன பண்ணலாம் என்பார். எப்பிடியாவது முடித்துக்கொடுங்கள் என்றால் ,
சரி சார் ,அதிகாரிகளிடம் கூறி வேண்டுமளவு கேபிள் ,அபார்ட்மெண்டில் சொந்தமாக வாங்கி தருகிறேன் என்கிறார்கள் எனக்கூறி காரியத்தை முடித்துவிடலாம் ஆனால், கேபிள் 24 X 2 ***** செலவாகும் .என்பார் . நம் அவசியம்தான் தெரியுமே. ஓகே தான்.

காரியம் இனிதே முடியும் . கொடுத்தப்பணம் சேரவேண்டியவர்களுக்கு போய் சேரும் .

நம் கோரிக்கை அங்கீகரிக்கப்பட்டு ---கேபிள் அளவு மின்வாரியம் கொடுத்ததாக அவர்கள் ஸ்டாக் /கணக்கில் குறைக்கப்பட்டு ----------

யாவரும் மகிழ்ச்சியாக --------ஒளிமயமான காலம்தான்.

காதில் விழுந்தது.