பிளாஸ்டிக்கிற்கு மாற்றாக கடற்பாசி கண்டுபிடிப்பு !

by **krishnaamma** Sun Sep 11, 2022 2:12 pm

பிளாஸ்டிக்கிற்கு மாற்றாக கடற்பாசி கண்டுபிடிப்பு !

ஒரு முறை பயன்படுத்தி துாக்கி எறியும் பிளாஸ்டிக் குப்பைதான் நம் கண் முன்னே இருக்கும் பயங்கரங்களில் ஒன்றாகும். நமது சவுகரியத்தை பார்த்து உலகத்தை மூச்சு திணற வைக்கிறோம். பிளாஸ்டிக் பயன்பாடு மற்றும் உற்பத்தி 1970களில் இருந்து மட்டுமே அதிகரித்துள்ளது.

2050ம் ஆண்டில், உலகளாவிய உற்பத்தி, முதன்மை பிளாஸ்டிக் உற்பத்தி, 11 ஆயிரம் கோடி டன் என கூறப்படுகிறது. பிளாஸ்டிக் உற்பத்தியில் சரிபாதி ஒரு முறை பயன்படுத்தும் வண்ணம் வடிவமைக்கப்பட்டுள்ளது. ஒரு முறை பயன்படுத்தும் பிளாஸ்டிக்கையும் மறுசுழற்சி செய்யலாம் என்றாலும், அதிக செலவானதாக இருப்பதால் பெரும்பாலும் துாக்கி எறியப்படுகிறது.

இது, 85 சதவீதம் நிலப்பரப்பு அல்லது கடல்களில் துாக்கி எறியப்படுகிறது.நுண்ணிய பிளாஸ்டிக் துகள், கடல், காற்று மற்றும் நம் உடலை மாசுபடுத்துகின்றன. எந்த முன்னெச்சரிக்கை நடவடிக்கையும் எடுக்கப்படாவிட்டால், 2050ல் கடலில் மீன்களை விட பிளாஸ்டிக் அதிகமாக இருக்கும் என்று 'எலன் மெக்ஆர்தர்' அறக்கட்டளை என்ற ஆராய்ச்சி நிறுவனம் எச்சரிக்கை விடுத்துள்ளது.

இந்த சிக்கலை நாம் எவ்வாறு சமாளிப்பது? சிதைக்கக்கூடிய பிளாஸ்டிக்கை பயன்படுத்துவது ஒரு தீர்வு. இதற்கு மாற்று யோசித்துள்ளார் நேகா ஜெயின்.மும்பையிலுள்ள 'ஜீரோ சர்க்கிள்' என்ற ஸ்டார்ட் அப் நிறுவனம், ஒருமுறை மட்டுமே பயன்படுத்தக்கூடிய பிளாஸ்டிக்கிற்கு மாற்று தேடும் முயற்சியில் கடற்பாசியை கண்டுபிடித்தது. இந்நிறுவனம், 10 கோடி ரூபாய் மதிப்புள்ள 'டாம் போர்டு பிளாஸ்டிக்கு' மாற்று கண்டுபிடிப்புக்கான பரிசுக்கு பட்டியலிடப்பட்டுள்ளது.

தொடரும்....

by **krishnaamma** Sun Sep 11, 2022 2:13 pm

பிளாஸ்டிக்கிற்கு மாற்றாக கடற்பாசி கண்டுபிடிப்பு ! AAVeFaO

கடற்பாசி ஏன்?

கடல் மேற்பரப்பில், 9 சதவீதம் கடற்பாசி காடுகளாக இருந்தால், அது ஒவ்வொரு ஆண்டும் வளிமண்டலத்தில் இருந்து, 5,300 கோடி டன் எடையுள்ள கார்பன்-டை- ஆக்ஸைடை அகற்றும். கடல்களின் அமிலமயமாக்கலை, 10 ஆண்டுகளில் மாற்றியமைக்க முடியும்.கடற்பாசியை பயோபிளாஸ்டிக் தயாரிக்கவும் பயன்படுத்தலாம்.

மேலும், சோளம் மற்றும் கரும்பு போன்ற விவசாய ஆதாரங்களுடன் ஒப்பிடும்போது இது மிகவும் நிலையானது. விவசாய பொருட்களிலிருந்து பயோபிளாஸ்டிக்கை உருவாக்க விரும்பினால், விளை நிலத்தில் ஏழு சதவீதம்(அவற்றைப் பயிரிட) தேவைப்படும்.இயற்கையாக வளரும் கடற்பாசி(கடலில் இருந்து) பறிக்கப்படுவதில்லை. சாகுபடி நுட்பத்தை சரியாக செய்தால், தண்ணீரை சுத்தமாக்கும். அது பெருங்கடலில் உள்ள அதிகப்படியான நைட்ரஜன், பாஸ்பரஸ் மற்றும் கார்பன் டை ஆக்சைடை உறிஞ்சுகிறது. மீனவ குடும்பங்களுக்கு கூடுதல் வருமான ஆதாரமாகிறது.இவர்களது நிறுவனம் வெயிலில் உலர்த்தப்பட்ட கடற்பாசியை பயன்படுத்துகிறது.-

சிகப்பு, பச்சை மற்றும் பழுப்பு பாசிகள், மற்ற வகைகளில் தமிழ்நாடு, குஜராத் மற்றும் மகாராஷ்டிராவில் இருந்து பெறப்படுகிறது. அறுவடை செய்தபின் உலர்த்தி பொடியாக்கப்படுகிறது. பின்னர் கார்போஹைட்ரேட்டுகள் பிரித்தெடுக்கப்பட்டு, ஜெலட்டினைஸ் செய்யப்பட்டு, நெகிழ்வான பிளாஸ்டிக் பிலிம் ரோல் உருவாக்கப்படுகிறது.

இது பிளாஸ்டிக்குக்கும் மாற்றாக இருப்பதுடன், உபயோகப்படுத்தியவுடன் வீட்டு உரமாகவும் இருக்கும். இவை கடலில் துாக்கியெறியப்பட்டால் சில மணிநேரங்களில் உடைந்து விடும்; கடல்வாழ் உயிரினங்களுக்கு பாதிப்பில்லாதவை.

நன்றி தினமலர் புன்னகை

பிளாஸ்டிக்கிற்கு மாற்றாக கடற்பாசி கண்டுபிடிப்பு !

பிளாஸ்டிக்கிற்கு மாற்றாக கடற்பாசி கண்டுபிடிப்பு !

Re: பிளாஸ்டிக்கிற்கு மாற்றாக கடற்பாசி கண்டுபிடிப்பு !