கனடாவில் பூத்தது காதல் வங்கதேச பெண்ணை மணந்தார் தமிழக பெண்

சென்னை:தமிழகத்தை சேர்ந்த பெண்ணுக்கும், வங்க தேச நாட்டை சேர்ந்த பெண்ணுக்கும், சென்னையில் பாரம்பரிய முறையில் நடந்த திருமணம் பரபரப்பை ஏற்படுத்தியுள்ளது.
திருமணம் என்றால் ஆணுக்கும், பெண்ணுக்கும் நடப்பது தான். ஆனால், ஆகஸ்ட் 31ல் சென்னையில் பெண்ணுக்கும் பெண்ணுக்கு இடையே நடந்த திருமணம், அனைவரையும் ஆச்சரியத்துடன் திரும்பி பார்க்க வைத்துள்ளது.
உலகம் முழுதும் தன்பாலின ஈர்ப்பாளர்கள் திருமணம் செய்து கொள்வது அதிகரித்து வருகிறது. அதுபோன்ற திருமணங்கள், பெற்றோரின் ஆசீர்வாதத்துடன், நம் நாட்டிலும் நடக்க துவங்கியுள்ளன.
தமிழகத்தை பூர்வீகமாக கொண்ட சுபிக் ஷா சுப்பிரமணி, கனடா நாட்டின் கல்கரி நகரில் வசித்து வருகிறார். ஆடிட்டரான இவருக்கும், கனடாவில் வசிக்கும் வங்கதேச நாட்டை சேர்ந்த ஹிந்து பெண் டினா தாசுக்கும் இடையே, ஆறு ஆண்டுகளுக்கு முன்பு நட்பு ஏற்பட்டுள்ளது. இருவரும் தன்பாலின ஈர்ப்பு பெண்கள் என்பதால், நட்பு, காதலாக மாறியுள்ளது.
இருவரும் திருமணம் செய்து கொள்ள முடிவு செய்தனர். அதற்கு அவர்களின் பெற்றோரும் சம்மதம் தெரிவிக்க, கடந்த புதன் கிழமை, சென்னையில் பாரம்பரிய ஹிந்து முறைப்படி, அவர்களின் திருமணம் நடந்தது.சுபிக் ஷா, மணப்பெண் போல பட்டு சேலை அணிந்து, தன் தந்தையின் மடியில் அமர்ந்திருக்க, டினா தாஸ், மணமகன் கோலத்தில் இருக்க, வேதமந்திரங்கள் முழங்க, திருமணம் நடந்தேறியது.
ஒரு பெண்ணை திருமணம் செய்து கொண்டது குறித்து சுபிக் ஷா கூறியதாவது:எங்களின் திருமணம், சென்னையில் பாரம்பரிய முறைப்படி நடக்கும்; எங்களின் கனவு நனவாகும் என்று, நாங்கள் இருவரும் எதிர்பார்க்கவில்லை. ஆறு ஆண்டு போராட்டம், பெற்றோரின் ஆதரவு, ஒத்துழைப்பால் சாத்தியமாகியுள்ளது. நாங்கள் ஆசீர்வதிக்கப்பட்டதாக உணர்கிறோம்.இவ்வாறு கூறினார்.
மகளின் திருமணம் குறித்து சுபிக் ஷாவின் தாய் பூர்ண புஷ்கலா கூறியதாவது: நான் மதுரையில் வளர்ந்தேன். மகள் ஒரு பெண்ணை திருமணம் செய்ய முடிவு செய்ததை அறிந்ததும், தமிழகத்தில் உள்ள எங்கள் குடும்பத்தினர் உறவை துண்டித்து விடுவர் என்று பயந்தோம்.ஒரு பெண்ணுடன் இந்த சமூகத்தில் எப்படி வாழ்வார் என்று பயம் ஏற்பட்டது. கடைசியில் மகளின் மகிழ்ச்சி தான் முக்கியம் என்பதால், சம்மதம் தெரிவித்து விட்டோம்.
இவ்வாறு கூறினார்.சுபிக் ஷா திருமணம் செய்து கொண்ட டினா தாஸ், ஏற்கனவே, ஆண் ஒருவரை திருமணம் செய்து, விவாகரத்து பெற்றவர். பெண்ணுக்கும், பெண்ணுக்கும் இடையே நடந்த இந்த திருமணத்தை, சமஸ்கிருத பேராசிரியர் சவுரவ் போன்ட்ரே நடத்தி வைத்துள்ளார்.


நன்றி தினமலர்

கலிகாலம்..!
-

சமூக அமைதிக்காக , முறையற்ற தன்மைகளைக் தடுத்தவர்கள் நம் முன்னோர்!
ஆனால் இன்று பெரியவர்களே , மனச்சாட்சி இல்லாமல், எல்லாக் கேடுகளையும் செய்து, சமூக அமைதியைக் கெடுப்பதால், நம் வாழ்க்கைத் தத்துவங்களும் மாறத்தான் செய்யும்!

"கன்னியின் காதலி " என்ற பழைய சினிமா நினைவுக்கு வருகிறது.