வன ராஜா - இன்று ஆக.10 உலக சிங்க தினம்

by **ayyasamy ram** Wed Aug 10, 2022 4:23 am

ஒவ்வொரு ஆண்டும்

ஆகஸ்ட் 10 ஆம் தேதி உலக சிங்கங்கள் தினம்

கொண்டாடப்பட்டு வருகிறது. வன விலங்குகளின் வாழ்வாதாரம் குறித்து
குறைந்து வரும் விழிப்புணர்வு மற்றும் சிங்கங்களின் குறைந்து வரும்
எண்ணிக்கை மற்றும் அவற்றின் பாதுகாப்பிற்கான ஆதரவை சேகரிக்கும்
நோக்கில் இந்த தினம் கொண்டாடப்படுகிறது.

தற்போது, இயற்கையின் பாதுகாப்புக்கான சர்வதேச ஒன்றியத்தின் (IUCN)
சிவப்பு பட்டியலில் சிங்க இனங்கள் ஆபத்தான உயிரினங்களாக பட்டியலிடப்
பட்டுள்ளன.

ஆசிய சிங்கமானது இந்தியாவில் காணப்படும் ஐந்து பெரிய பூனைகளில்
ஒன்றாகும்.

கடந்த ஆண்டு ஜூன் மாதம் குஜராத் அரசால் நடத்தப்பட்ட கம்பீரமான
தோற்றமுடைய சிங்கங்களின் கணக்கெடுப்பின்படி, அவற்றின்
எண்ணிக்கையில் சிறிது உயர்வைக் காட்டியது. 2015 ஆம் ஆண்டில் 523-ஆக
இருந்த சிங்கங்களின் எண்ணிக்கை 2020 ல் 674 ஆக உயர்ந்தது.

சிங்கங்களின் எண்ணிக்கையில் இந்தியா இதுவரை இல்லாத அளவுக்கு
29 சதவிகித அதிகரிப்பைப் பதிவு செய்தது. அவற்றின் வாழ்விடம் 2015 இல்
22,000 சதுர கிலோமீட்டரில் இருந்து 2020 இல் 30,000 சதுர கிமீ வரை
விரிவடைந்துள்ளது.

"சிங்கம் கம்பீரம் மற்றும் தைரியமானது. ஆசிய சிங்கங்களின் தாயகமாக
இந்தியா இருப்பதில் இந்தியா பெருமை கொள்கிறது. இன்று(ஆக.-10) உலக
சிங்க தினம், சிங்கங்களை பாதுகாக்க வேண்டும் என்ற உணர்வுடையோருக்கு
எனது பாராட்டுகளை தெரிவித்து கொள்கிறேன் என கடந்தாண்டு பிரதமர் மோடி
தனது டுவிட்டரில் தெரிவித்திருந்தார்.

இந்தியாவில் காணப்படும் ஆசிய சிங்கங்கள் பெரும்பாலும் தடைசெய்யப்பட்ட
கிர் காடு, தேசிய பூங்கா மற்றும் அதை சுற்றியுள்ள பகுதிகளில் காணப்படுகின்றன.

-தினமலர்