நெல் மூட்டைகள் மழையால் நாசம்--அரசுகள் மெத்தனம்.

**T.N.Balasubramanian** · **T.N.Balasubramanian** Sun Jul 24, 2022 4:30 pm

தஞ்சாவூர்:தஞ்சாவூர் அருகே, இரண்டு நாட்களாக பெய்த மழையால், திறந்தவெளி சேமிப்பு கிடங்கில் அடுக்கி வைக்கப்பட்டிருந்த நுாற்றுக்கணக்கான நெல் மூட்டைகள் சேதமடைந்தன.தஞ்சாவூர் மாவட்டம், முன்னையம்பட்டியில், தமிழ்நாடு நுகர்பொருள் வாணிபக் கழகத்தின் திறந்த வெளி சேமிப்பு கிடங்கில், ஆயிரக்கணக்கான நெல் மூட்டைகள் சேமித்து வைக்கப்பட்டுள்ளன.இந்த நெல் மூட்டைகளை, லாரிகள் மூலம் தனியார் அரவை ஆலைக்கும், வெளி மாவட்டங்களுக்கு ரயில் மூலம் அனுப்பும் பணி நடந்து வருகிறது.இந்நிலையில், இரண்டு நாட்களாக பெய்த மழையால், தரையில் சவுக்கு கட்டைகள் அடுக்கி, அதன் மீது வைக்கப்பட்டிருந்த நெல் மூட்டைகள், கீழ் பகுதியில் மழை நீர் தேங்கியதால், மூட்டைகள் கிழிந்து சேதமடைந்தன.சேதமடைந்த நெல் மூட்டைகளை, வேறு சாக்குகளில் மாற்றும் பணியில் நுகர் பொருள் வாணிபக் கழக ஊழியர்கள் மேற்கொண்டனர். இந்த நெல் மூட்டைகளை, லாரியில் ஏற்றி அரவை ஆலைகளுக்கு அனுப்பும் பணி மும்முரமாக நடந்து வருகிறது. இது குறித்து, தமிழ்நாடு நுகர்பொருள் வாணிப கழக அதிகாரிகள் கூறியதாவது: சேமிப்பு கிடங்கில் மழை நீர் தேங்கியிருப்பதால், நெல் மூட்டைகள் சேதமடைந்துள்ளதாக புகார் வந்தது. ஆய்வு செய்த போது, நெல் மூட்டைகள் பெரிய அளவில் சேதமடையவில்லை. குறைவான மூட்டைகளே சேதமடைந்தது. அந்த நெல்லையும் காய வைத்து, வேறு மூட்டைகளில் அடைத்து, ஆலைக்கு அனுப்பி, அரிசி யாக அரைத்து விடலாம். இழப்போ, சேதமோ ஏற்பட வாய்ப்பில்லை.இவ்வாறு, அவர்கள் தெரிவித்தனர்.

நன்றி தினமலர்

**T.N.Balasubramanian** · **T.N.Balasubramanian** Sun Jul 24, 2022 4:39 pm

எந்த கட்சி அரசாட்சி செய்தாலும்
வருடாவருடம் நாம் காண்கின்ற காட்சிகள்தான்.
இதற்கு அரசு அதிகாரிகளின் சப்பைக்கட்டு வேறு.
இதற்கு விடிவாக நிரந்தர கோடவுன்கள் அல்லது
GI கூரைகள் போட்ட ஷெட்கள் கட்டி தரமுடியாதா?
விளம்பரத்திற்காக பேனாக்களும்/நினைவிடங்களும்
கட்டும் கழக கலாச்சாரங்கள் என்று முடியுமோ அன்றுதான்
தமிழகம் விடியும்.