வாக்குப்பதிவு எண்ணிக்கை -ஜனாதிபதி தேர்தல்.

**T.N.Balasubramanian** · **T.N.Balasubramanian** Thu Jul 21, 2022 4:50 pm

புதுடில்லி: நாட்டின் 15வது ஜனாதிபதி தேர்தலுக்கான ஓட்டு எண்ணிக்கை இன்று (ஜூலை 21) துவங்கியது. தற்போதைய நிலவரப்படி தேசிய ஜனநாயக கூட்டணி சார்பில் களமிறங்கிய திரவுபதி முர்மு முன்னிலையில் உள்ளார்.

இந்தியாவின் ஜனாதிபதியான ராம்நாத் கோவிந்த் பதவிக்காலம் வரும் 24ம் தேதியுடன் முடிவடைகிறது. இதனையடுத்து 15வது ஜனாதிபதியை தேர்வு செய்வதற்கான ஓட்டு எண்ணிக்கை கடந்த 18ல் நடந்து முடிந்தது. இதில் தே.ஜ., கூட்டணியின் ஜனாதிபதி திரவுபதி முர்மு மற்றும் எதிர்க்கட்சிகள் சார்பில் நின்ற யஷ்வந்த் சின்ஹா போட்டியின்னர். இதில் மொத்தமுள்ள 771 எம்.பி.,க்களில் 763 பேரும், 4,025 எம்எல்ஏ.,க்களில் 3,991 பேரும் ஓட்டளித்திருந்தனர்.
பார்லிமென்ட் வளாகத்தில் இன்று (ஜூலை 21) காலை 11 மணிக்கு ஓட்டு எண்ணிக்கை துவங்கியது. எம்.பி.,க்களின் ஓட்டுக்கு தலா 700 புள்ளியும், எம்.எல்.ஏ.,க்களின் ஓட்டுக்கு மாநிலத்தின் மக்கள் தொகையின் அடிப்படையில் புள்ளிகள் அளிக்கப்படும். அதன் அடிப்படையில் கூடுதல் ஓட்டு பெறும் வேட்பாளர் ஜனாதிபதியாக தேர்வு செய்யப்படுவார். இன்று மாலைக்குள் முடிவு அறிவிக்கப்பட உள்ளது.
ஓட்டு எண்ணிக்கை தொடர்பாக ராஜ்யசபா செயலாளர் பிசி மோடி கூறுகையில், மொத்தமுள்ள 748 எம்.பி., ஓட்டுகளில், திரவுபதி முர்முவுக்கு 540 ஓட்டுகள் கிடைத்தது. இதன் மதிப்பு 3,78,000 ஆகும். யஷ்வந்த் சின்ஹாவுக்கு 208 ஓட்டுகள் கிடைத்தது. இதன் மதிப்பு 1,45,600 ஆகும். 15 ஓட்டுகள் செல்லாது என்றார்.

தினமலர் நன்றி.

**T.N.Balasubramanian** · **T.N.Balasubramanian** Thu Jul 21, 2022 4:53 pm

எதிர்பார்த்த ஒன்று தான்.

செல்லாத 15 வாக்குகளில் ஒருவருக்கு எப்பிடி ஒட்டு போடுவது என்பது தெரியவில்லையாம். ஆம், இது மாதிரி ஆட்களைத்தான் நாம் தேர்ந்து எடுத்து அனுப்புகிறோம்.

முழு விவரம் வருமென எதிர்பார்க்கலாம்.

வாக்குப்பதிவு எண்ணிக்கை -ஜனாதிபதி தேர்தல்.

வாக்குப்பதிவு எண்ணிக்கை -ஜனாதிபதி தேர்தல்.

Re: வாக்குப்பதிவு எண்ணிக்கை -ஜனாதிபதி தேர்தல்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக