விதி மீறி ஓய்வூதியம்

by **T.N.Balasubramanian** Wed Jul 20, 2022 9:05 am

தேனி: ஆதார் பதிவுகளை அடிப்படையாக வைத்து விதிமீறி முதியோர் உதவித்தொகை பெறும் 7700 பயனாளிகளை வீடு, வீடாக சென்று ஆய்வு செய்ய குழுக்கள் அமைக்கப்பட்டுள்ளது. முறைகேடாக முதியோர் உதவி பெறுவோரை கண்டறிந்து ஜூலை 25க்குள் அறிக்கை அளிக்க கலெக்டர் முரளீதரன் உத்தரவிட்டுள்ளார்.
வறுமைக்கோட்டிற்கு கீழ் உள்ள ஏழைகளுக்கு மத்திய, மாநில அரசின் முதியோர் ஒய்வூதிய திட்டத்தில் பயன்பெறுகின்றனர். வசதிபடைத்த பலரும் அரசுக்கு தவறான தகவல்களை தெரிவித்து பயன்பெற்று வருகின்றனர். தற்போது ஓய்வூதியம் பெறுவோர் தங்கள் ஆதார் எண்ணை பயன்படுத்தி கூட்டுறவு வேளாண் வங்கிகள், தேசிய வங்கிகளிலும் நகை அடகு வைத்து அதனை திருப்பி உள்ளனர். உஜ்வாலா திட்டத்தில் இரண்டு காஸ் சிலிண்டர் பெற்று பயனடைகின்றனர். பத்திரப்பதிவுத்துறை ஆவணங்களில் முதியோர் உதவி தொகை பெறுவோர் சொத்துக்கள் வாங்கியும், விற்றும் உள்ளது தெரியவந்துள்ளது.

இதுபோன்று விதிமீறி வசதி படைத்தவர்கள் முதியோர் உதவி தொகை பெறுகின்றனர். ஆதார் விபரங்களை ஒருங்கிணைத்து அந்த விபரங்களை இந்திய தனித்துவ அடையாள ஆணையம் தமிழக அரசுக்கு அனுப்பி ஆய்வு செய்ய பரிந்துரைத்தது.இதன்படி தேனி மாவட்டத்தில் 7700 பயனாளிகள் விதிமீறி பயன் பெறுவது கண்டறியப்பட்டுள்ளது. மாவட்டத்தில் 5 தாலுகாக்களில் தலா 1500 பேர் முறைகேடாக பயன்பெற்று வருகின்றனர். இதனால் கலெக்டர் ஒவ்வொறு தாலுகாவில் உதவி ஆணையர் (கலால்), தாலுகா வழங்கல் அலுவலர், வருவாய்த்துறை அதிகாரிகள் இணைந்த குழுக்களை அமைத்து நேரடியாக ஆய்வு செய்து, ஜூலை 25க்குள் அறிக்கை அளிக்க உத்தரவிட்டுள்ளார்.முறைகேடாக பயன்பெற்றோருக்கு ஆதரவு அளித்து ஆர்ப்பாட்டம், போராட்டத்தில் ஈடுபட்டால் சட்ட நடவடிக்கை எடுக்கப்படும் என தெரிவிக்கப்பட்டுள்ளது.

நன்றி தினமலர்.

by **T.N.Balasubramanian** Wed Jul 20, 2022 9:09 am

எனக்கு தெரிந்து லட்ச கணக்கில் சம்பாதிப்பவர்கள் வீட்டில்
இலவசங்கள் வாங்குவோர் தெரியும்.
ரேஷன் கார்டுடன் ஆதார் /பாண் கார்ட் இணைத்தால்
அரசு அதிகம் சலுகை செலவுகளை மிச்சப்படுத்தலாம்.

விதி மீறி ஓய்வூதியம்

விதி மீறி ஓய்வூதியம்

Re: விதி மீறி ஓய்வூதியம்