முதல்வர் ஸ்டாலின் உடல்நிலை எப்படி உள்ளது?

**T.N.Balasubramanian** · **T.N.Balasubramanian** Thu Jul 14, 2022 4:29 pm

முதலமைச்சர் மு.க.ஸ்டாலினுக்கு 10 சதவீதம் நுரையீரல் தொற்று ஏற்பட்டுள்ளதாகவும் சளி, மற்றும் இருமல் இருப்பதாகவும் தகவல் வெளியாகியுள்ளது.

தமிழ்நாடு முதல்வர் மு.க.ஸ்டாலினுக்கு நேற்று முன் தினம் கொரோனா தொற்று உறுதி செய்யப்பட்டது. மாமல்லபுரம் பூஞ்சேரி கிராமத்தில் நடைபெற்ற சர்வதேச செஸ் ஒலிம்பியாட் போட்டிகளை சிறப்பாக நடத்துவது தொடர்பான சிறப்பு ஆய்வுக் கூட்டத்தில் பங்கேற்ற நிலையில், முதல்வர் ஸ்டாலினுக்கு உடல் சோர்வு ஏற்பட்டது.

இதையடுத்து, அவர் கொரோனா பரிசோதனை செய்து கொண்டார். அதில், அவருக்கு கொரோனா தொற்று இருப்பது உறுதியானது. தொடர்ந்து, மருத்துவர்களின் ஆலோசனைப்படி, அவர் தன்னை தனிமைப்படுத்திக் கொண்டார்.

முதல்வர் ஸ்டாலின் ஏற்கெனவே முதல் தவணை, இரண்டாவது மற்றும் பூஸ்டர் தவணை தடுப்பூசிகளை ஏற்கனவே செலுத்திக் கொண்டுள்ளார்.

இது தொடர்பாக முதல்வர் ஸ்டாலின் தனது ட்விட்டர் பக்கத்தில், “சற்று உடல் சோர்வு இருந்தது. பரிசோதித்ததில் கொரோனா தொற்று உறுதிசெய்யப்பட்டதால், தனிமைப்படுத்திக் கொண்டுள்ளேன். அனைவரும் முகக்கவசம் அணிவதுடன், தடுப்பூசி போட்டுக் கொண்டு, பாதுகாப்பாய் இருப்போம்” என்று தெரிவித்திருந்தார்.

இந்த நிலையில், கொரோனா தொற்றால் பாதிக்கப்பட்டுள்ள முதல்வர் ஸ்டாலின் சென்னை காவேரி மருத்துவமனையில் இன்று அனுமதிக்கப்பட்டார். பரிசோதனைக்காக காவேரி மருத்துவமனைக்கு சென்ற முதல்வர் ஸ்டாலின், சிடி ஸ்கேன் உள்ளிட்ட கொரோனா சம்பந்தமான பரிசோதனைகளுக்காக அனுமதிக்கப்பட்டார். 24 மணி நேரம் மருத்துவமனையில் அவர் சிகிச்சை பெறுவார் என தெரிவிக்கப்பட்டுள்ளது.
அவருக்கு 10 சதவீதம் வரை நுரையீரல் தொற்று ஏற்பட்டுள்ளதாகவும், சளி, இருமல் உள்ளதாகவும் தகவல் வெளியாகியுள்ளது.

நன்றி சமயம்

**T.N.Balasubramanian** · **T.N.Balasubramanian** Thu Jul 14, 2022 4:32 pm

உடல் நலம் சீராகி வீடு திரும்பி வருவார் என எதிர்பார்க்கலாம்.

முதல்வர் ஸ்டாலின் உடல்நிலை எப்படி உள்ளது?

முதல்வர் ஸ்டாலின் உடல்நிலை எப்படி உள்ளது?

Re: முதல்வர் ஸ்டாலின் உடல்நிலை எப்படி உள்ளது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக