அறுபதைக் கடந்தபின் வாழ்வில்...

**krishnaamma** · **krishnaamma** Sat Jul 02, 2022 7:48 pm

அறுபதைக் கடந்தபின் வாழ்வில்...

LIFE AFTER 60 +...

முடிந்தவரை எவரையும் திருத்தவோ - அல்லது நீர் " கூடும் - கூடாது"- என்று வைத்திருக்கும் விஷயங்களுக்குள் கொண்டுவரவோ முயற்சிக்காதீர்கள்!

உங்கள் செயல்களுக்கு விளக்கம் கொடுப்பதை நிறுத்திக் கொள்ளுங்கள் - உம்மை நம்பாதவன் எந்த விளக்கத்தையும் ஏற்கப் போவதில்லை! நம்புபவனுக்கு எந்த விளக்கமும் தேவையில்லை!

News Paper ஐ புரட்டியவுடன் OBITUARY பகுதியை முதலில் படியுங்கள்! உங்களை விட வயதானவர் 'போயிருந்தால்' - அப்பாடா, நமக்கு இன்னும் நாள் இருக்கு என்ற நிம்மதி வரும்! உங்களை விட வயதில் குறைந்தவர் 'போயிருந்தால்'- ஏதோ இறைவன் நம்மை இந்த மட்டிலும் வைத்துள்ளானே என்ற நிம்மதி வரும்! (இது எழுத்தாளர் சுஜாதா சொன்னது)

முதல் 20 வருடம் - கல்லூரி வரை எப்படிக் கடந்தது என்பதை நினைவுக்கு எட்டிய வரை ரிவ்யூ செய்யுங்கள்! அவை எந்தவகை குடும்பப் பொறுப்போ சுமையோ இல்லாத விஸ்ராந்தியான வருடங்கள்!

அதைவிட அடுத்த 20 வருடம் வேகமாக ஓடி இருக்கும் - அதாவது 20 வயது முதல் 40 வரை! திருமணம், குழந்தைகள், அவர்களின் படிப்பு இப்படி!

40 முதல் 60 வரை இன்னும் படு ஸ்பீடாக ஓடி இருக்கும் - குழந்தைகளின் படிப்பு, வேலை வாய்ப்பு - அவை குறித்த பரபரப்பான எதிர்பார்ப்பு, பிறகு அவர்களின் திருமணம், பிறகு பேரனோ பேத்தியோ...

இப்போதுதான் என் மூத்தமகன் +2 முடித்து ரிசல்ட் - பிறகு என்ஜினீயரிங் கவுன்சிலிங் எல்லாம் 2002 ல் போன மாதிரி இருக்கிறது - இதோ 2022 ல் அவனுக்கே இரண்டு குழந்தைகள்! காலம் பறக்கிறது!

தொடரும்....

**krishnaamma** · **krishnaamma** Sat Jul 02, 2022 7:49 pm

60+ ல்...

இன்னும் என்ன? மிஞ்சிப் போனால் 15 வருடமா? 20 வருடமா? அல்லது 25 வருடமா?

ஓட எவ்வளவு நேரம்? திரும்பிப் பார்ப்பதற்குள் ஓடிவிடும்!

பணிக் காலத்தில் நீங்கள் வேலை பார்த்த இடத்தில் - உங்களுடன் பணிபுரிந்தவரோடு - அவர் உங்கள் மேலதிகாரியாகக் கூட இருக்கலாம் - அவருடன் சில மோதல்கள், கசப்பான அனுபவங்கள் பணியிடத்தில் ஏற்பட்டு இருக்கலாம்!

ஆனால் அந்த ஆத்திரத்தை "பென்ஷனர் அசோசியேஷன்"- போன்ற அமைப்புக்கள் நடத்தும் கூட்டங்களில் அவரை சந்திக்க நேர்ந்தால் வெளிக்காட்டாதீர்கள்!

அதே போல் ஏதேனும் உயர் பதவியில் இருந்து ஓய்வு பெற்றிருந்தால் அதே அந்தஸ்தை - "பென்ஷனர்கள் மீட்டிங்" கில் எதிர்பார்க்காதீர்கள்!

ஆட்டம் முடிந்து - CHESS BOARD ஐ மூடிய பிறகு - எல்லாக் காய்களும் - ராஜா, ராணி, சிப்பாய் என்ற பேதமில்லாமல் ஒரே பெட்டியில்தான் போட்டு மூடப்படும் என்பதை கவனத்தில் கொள்ளுங்கள்!

மிக முக்கியமான விஷயம் - ஆணோ, பெண்ணோ உமது இணையை இழந்து தனித்து வாழ இப்போதே தயார்படுத்திக் கொள்ளுங்கள்!

ஒருவேளை ஆண் 'முந்திக் கொண்டால்' மனைவிக்கு உரிய நிதிப் பாதுகாப்பு ஏற்பாடுகளை முன்னரே செய்து வைத்துவிடுங்கள்!

பெண்கள் உமது கணவருக்கு குறைந்தபட்சம் அடிப்படை சமையல் - இதர வீட்டு வேலைகள் - தன் துணியைத் தானே துவைத்தல் போன்றவற்றைப் பழக்குங்கள்! ஒருவேளை நீங்கள் 'முந்திக் கொண்டால்' அவர் சிரமப்படாமல் இருப்பார்!

ஆரோக்யமாக உள்ளவரை - வாய்ப்பு உள்ளவர்கள் எவ்வளவு ஊர்கள், புண்யத்தலங்கள், சுற்றுலா தலங்கள் என்று சுற்றிவர முடியுமோ சுற்றி வந்துவிடுங்கள்!

தொடரும்....

**krishnaamma** · **krishnaamma** Sat Jul 02, 2022 7:50 pm

கடைசியாக ஒரு "பிட்"டு:-

சுவரில் கண்ணில் படும்படி எழுதி வையுங்கள் -

"இறைவனின் அழைப்பு, வரும் வரை உழைப்பு!"

சும்மாவே இருக்காதீர்கள் - IDLE MIND IS OLD PERSON's DEVIL ITSELF! (Not Devil's workshop).

Learn something new,
Read something new,
Share atleast one good joke a day,
See interesting things on TV...

EVERYDAY COUNTS AFTER 60,
EVERY HOUR COUNTS AFTER 70,
EVERY MINUTE COUNTS AFTER 80,
EVERY SECOND COUNTS AFTER 90...

EVERYONE WILL START COUNTING WHEN YOU REACH - BY CHANCE - 100 !

முதுமை சாபமா? வரமா? - என்பது நீங்கள் அதை எதிர்கொள்வதையும், - இறுதிக் கட்டத்துக்கு "தயாராவதையும்" பொருத்தது! புன்னகை