கோவில்பட்டி கடலை மிட்டாயை இனிவீட்டில் இருந்தபடியே பெறலாம்.

**krishnaamma** · **krishnaamma** Thu Jun 23, 2022 10:26 pm

கோவில்பட்டி கடலை மிட்டாயை இனி நாடெங்கிலும் அஞ்சல்துறை மூலம் பெறலாம்.

கோவில்பட்டி கடலை மிட்டாயை இனிவீட்டில் இருந்தபடியே பெறலாம். 2TOi0qX

அஞ்சலகங்களில் பணம் செலுத்தி வீட்டில் இருந்தபடியே கோவில்பட்டி கடலை மிட்டாயை பெற்றுக் கொள்ளும் வசதி அறிமுகம்.

இந்தியாவின் எந்த ஒரு அஞ்சல் அலுவலகத்திலும் ரூ.390 செலுத்தி கடலை மிட்டாய் ஆர்டர் செய்யலாம். ஆர்டர் செய்யப்படும் கடலை மிட்டாய் ஓரிரு நாட்களில் விரைவு அஞ்சல் மூலம் வீட்டிற்கே அனுப்பி வைக்கப்படும்.

வாடிக்கையாளர்களின் வீட்டு வாசலிலேயே தபால்காரர் மூலம் கோவில்பட்டி கடலை மிட்டாய் கொண்டு சேர்க்கப்படும் என அறிவிப்பு. விரைவு அஞ்சலுக்கு என தனி கட்டணம் கிடையாது எனவும் அறிவிப்பு.

இது பிழைப்புக்காக ஊர் விட்டு வட இந்தியா சென்று செட்டில் ஆன தமிழர்களுக்கு மிகப்பெரிய நல்வாய்ப்பு. அவர்களின் மண் சார்ந்த சிறந்த உணவை, ஒரிஜினலான ஒன்றை ஏமாறும் வாய்ப்பின்றி பெறலாம். ஜங்க் உணவின் பிடியில் சிக்கியுள்ள குழந்தைகளுக்கு நல்ல சத்தான மாற்றாக பெற்றோர்கள் இதை கொறிக்கத் தரலாம்.

இதே போல புவிசார் குறியீட்டு எண் கொண்ட அனைத்து பொருட்களும் அஞ்சல் துறை மூலம் தங்கு தடையின்றி நாடு முழுதும் விற்பனை செய்ய முடியுமென்றால் மோடி சொன்ன தற்சார்பு மிக்க நிலையை இந்தியா வெகுவிரைவில் அடைந்துவிடும்.

தமிழகத்தில் இதுவரை பத்தமடை பாய், திண்டுக்கல் பூட்டு, நாச்சியார் கோவில் குத்துவிளக்கு, தஞ்சாவூர் வீணை, ஸ்ரீவில்லிபுத்தூர் பால்கோவா, கொடைக்கானல் மலைப்பூண்டு, ஈரோடு மஞ்சள், காஞ்சிப்பட்டு, கோவை கிரைண்டர் என இன்னும் பல பொருட்களுக்கு புவிசார் குறியீடு வழங்கப்பட்டு உள்ளது.

இதை விற்கும் வியாபாரிகள் "மோடி எதிர்ப்பு" "இந்தி ஒழிப்பு" "ஒன்றிய அரசு" போன்ற திராவிட மாயைகளில் சிக்கிக் கொள்ளாமல், மத்திய அரசை முறையாக அணுகி அஞ்சல் துறை சேவையினை சரியாக பயன்படுத்திக் கொண்டால் உற்பத்தியிலும் வியாபாரத்திலும் தன்னிறைவு அடையலாம். ஆத்ம நிர்பார் பாரத்தின் உண்மையான குறிக்கோளும் அதுதான்.

ராமச்சந்திரன் ------------------ சென்னை
இது ஒரு வாட்ஸப் பகிர்வு !