உலக உணவு பாதுகாப்பு தினம் !

by **krishnaamma** Thu Jun 09, 2022 9:35 pm

அஞ்சறைப்பெட்டி சமையலை மறந்த இன்றைய சமூகம் : இன்று உலக உணவு பாதுகாப்பு தினம் !

உலக உணவு பாதுகாப்பு தினம் ! RRqNDiA

திருப்பரங்குன்றம் : துரித உணவு, பதப்படுத்தப்பட்ட உணவுகளை அதிகம் பயன்படுத்தி வருகின்ற இன்றைய சமூகத்தை அஞ்சறைப்பெட்டி சமையல் முறைக்கு அழைத்துச் செல்ல வேண்டியது காலத்தின் கட்டாயம்.
இன்று(ஜூன் 7) உலக உணவு பாதுகாப்பு தினத்தை முன்னிட்டு மதுரை மன்னர் திருமலை நாயக்கர் கல்லுாரி உணவு, பால்வள தொழில்நுட்ப துறை தலைவர் கோபி மணிவண்ணன் கூறியதாவது: உடல் நலம், ஆரோக்கியத்திற்கு நாம் உட்கொள்ளும் உணவின் பங்கு மிக முக்கியமானது.
தனி ஒரு மனிதனுக்கு உணவில்லை எனில் ஜகத்தினை அழித்திடுவோம் என்றார் பாரதியார். உணவின் பாதுகாப்பை உறுதி செய்வது அவசியம். துரித உணவு, பதப்படுத்தப்பட்ட உணவுகளை அதிகம் பயன்படுத்தி வருகின்ற இன்றைய சமூகத்தை அஞ்சறைப்பெட்டி சமையல் முறைக்கு அழைத்துச் செல்ல வேண்டியது காலத்தின் கட்டாயம்.
மக்கள் தொகையை கருத்தில் கொண்டால் உணவு பாதுகாப்பு என்பது மிகுந்த சவாலான ஒன்றுதான்.
உணவுப்பொருள் உற்பத்தியாளர், பதப்படுத்தும் தொழிற்சாலைகள், சந்தை படுத்துவோர் மற்றும் வியாபாரிகள் என உணவுச் சங்கிலியின் அனைத்து நிலைகளிலும் கையாளுவோர் மத்திய, மாநில அரசின் உணவு பாதுகாப்பு மற்றும்
தர நிர்ணய ஆணையம் வழங்கும் சான்றிதழ், உரிமம் போன்றவை பெற்றிருக்க வேண்டியது அவசியம்.
உலகளாவிய சமூக பொருளாதார கட்டமைப்பில் உணவுப் பொருட்களின் உற்பத்தி, தயாரிப்பு, விற்பனை, பயன்பாடு என அனைத்து நிலைகளிலும் கலப்பட பகுப்பாய்வு மற்றும் தண்டனை முறைகள் என புதிய வகை கண்காணிப்பு வழிமுறைகள் பின்பற்றப்பட வேண்டியது அவசியம். தானியங்கள், காய்கறி, கீரை வகைகள், பால் பொருட்கள், மீன் உள்ளிட்ட பிற வகை இறைச்சி வகைகளில் பதப்படுத்தும் முறைகள், குளூரூட்டிகளில் சேமிக்கப்படும் வெப்பநிலை, பேக்கேஜிங் பொருட்களின் தன்மை, உணவிலுள்ள பகுதிப்பொருட்கள் மற்றும் பயன்பாட்டுக்கு உட்படுத்தப்படும் தேதி போன்றவற்றை நுகர்வோர் கவனிக்க வேண்டும்.
உணவு பாதுகாப்பு குறித்து பேசப்படும் இந்த நேரத்தில் உணவு வீணாவது குறித்தும் அறியப்பட வேண்டும். குழந்தைகள் முதல் அனைவருக்கும் உணவை வீணாக்காமல் பயன்படுத்தும் முறைகளை கற்பிக்க வேண்
டும்.இவ்வாறு கூறினார்.

நன்றி : தினமலர்