கண்ணதாசனின் குறும்பு

**T.N.Balasubramanian** · **T.N.Balasubramanian** Wed Jun 08, 2022 5:37 pm

கவிஞர் கண்ணதாசன்
ஒரு கல்லூரி
கவியரங்கத்தில் கலந்து கொண்டு கவிதையை
வாசிக்க ஆரம்பித்தார்.

அரங்கத்தில் உற்சாக ஆரவாரம் எழுந்தது.

அவர் கவிதை வாசிக்கும்போது, ஒவ்வொரு
வரிக்கும் பலத்த கைதட்டல் எழுந்தது.

வாசித்து முடிந்ததும் கரவொலி அடங்க
வெகுநேரம் பிடித்தது.

கைதட்டல்கள் முடிந்ததும்,
கண்ணதாசன் சொன்னார்.

இன்று நான் வாசித்த கவிதை நான்
எழுதியது அல்ல.

உங்கள் கல்லூரி மாணவர் ஒருவர் நேற்று
ஒரு கவிதை எடுத்துக்கொண்டு வந்து
என்னிடம் காண்பித்தார்.

அது மிக நன்றாக இருந்தது.

எனவே நான் எழுதிய கவிதையை அவரை
வாசிக்க சொல்லி விட்டு, அவர் எழுதிய
கவிதையை நான் வாசித்தேன்.

என் கவிதையை அவர் வாசிக்கும் போது,
எந்தவித ஆரவாரமும் இல்லை.

அவர் எழுதிய கவிதையை நான் வாசித்த போது
பலத்த வரவேற்பு.

சொல்பவன் யார் என்பதைத்தான் உலகம்
பார்க்கிறதே ஒழிய,

சொல்லும் பொருளைப் பற்றிக் கவலைப்படுவதில்லை.
என்பது தான் உண்மை என்று புரிகிறது.
ஒரு பிரபலமானவன் முயலுக்கு மூன்று கால்கள்
மட்டும் தான் என்று சொன்னாலும் ஆமாம் என்று சொல்லும்
சமுதாயத்தில் தான், நாம் வாழ்ந்து கொண்டிருக்கிறோம்!

நன்றி வாட்சப்

**krishnaamma** · **krishnaamma** Thu Jun 09, 2022 9:07 pm

அரங்கத்தில் இருந்தவர்களின் முகம் போன போக்கை பார்க்க வேண்டும் போல் உள்ளது ஐயா..... ஜாலி

.......

....

@T.N.Balasubramanian

கண்ணதாசனின் குறும்பு

கண்ணதாசனின் குறும்பு

Re: கண்ணதாசனின் குறும்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக