சொகுசு கப்பல் புதுச்சேரிக்கு வர அனுமதி அளிக்கவில்லை: கவர்னர் தமிழிசை

புதுச்சேரி : 'சொகுசு கப்பலுக்கு புதுச்சேரி அரசு எந்த அனுமதியும் அளிக்கவில்லை' என கவர்னர் தமிழிசை கூறினார்.

புதுச்சேரி மற்றும் தமிழகத்தை சேர்ந்த என்.சி.சி., கடற்படைப்பிரிவில் தேர்வு செய்யப்பட்ட 35 மாணவர்கள், 25 மாணவிகள், 300 கி.மீ., துாரத்திற்கு கடலில் பாய்மரப் படகில் சாகசப் பயணம் மேற்கொள்ள உள்ளனர்.சாகசப் பயணம் மேற்கொள்ளும் மாணவ, மாணவிகள் வழியில் கடலுார், பரங்கிப்பேட்டை, பூம்புகார் பகுதிகளில் ரத்ததானம், கடற்கரை துாய்மைப்பணி், மரக்கன்று நடுதல், பிளாஸ்டிக் ஒழிப்பு விழிப்புணர்வு ஏற்படுத்துதல் ஆகிய பணிகளில் ஈடுபட உள்ளனர்.

புதுச்சேரி என்.சி.சி., தலைமையம் சார்பில் நடைபெறும் இந்த சாகசப் பயணத்தின் துவக்க விழா, நேற்று புதுச்சேரி, தேங்காய்திட்டு துறைமுகத்தில் நடந்தது. பாஸ்கர் எம்.எல்.ஏ., மற்றும் என்.சி.சி., அதிகாரிகள் முன்னிலை வகித்தனர். கவர்னர் தமிழிசை, மாணவர்களின் கடல் சாகச பயணத்தை கொடியசைத்து துவக்கி வைத்தார். பின்னர் அவர் நிருபர்களிடம் கூறியதாவது:கடல் சாகசப் பயணத்தில் மாணவிகள் பங்கேற்பது மிகவும் சவாலானது.





இப்பயணம் அவர்களுக்கு ஊக்கம், தன்னம்பிக்கையை அளிக்கும்.பிளாஸ்டிக் பூமிக்கு மிகவும் பாரமாக உள்ளது. சுற்றுச்சூழல் தினத்தை கொண்டாடும் சூழலில், பிளாஸ்டிக் இல்லாத உலகமே வருங்கால சந்ததியினருக்கு நாம் அளிக்கும் ஆரோக்கியமான பரிசாக இருக்கும். இதுதொடர்பாக என்.சி.சி., மாணவர்கள் மக்களிடம் விழிப்புணர்வு ஏற்படுத்த வேண்டும். விழாவிற்கு வரும்போது, முகத்துவாரத்தை துார் வாரவில்லை என மீனவர்கள் கூறினர். இதுகுறித்து முதல்வர் மற்றும் அதிகாரிகளுடன் கலந்து பேசி உரிய நடவடிக்கை எடுக்கப்படும். காரைக்கால் அம்மையார் கோவில் விழாவிற்கு செல்ல உள்ளேன்.

அப்போது, அரசு மருத்துவமனை மற்றும் வளர்ச்சி திட்டங்களை ஆய்வு செய்ய உள்ளேன். காரைக்கால் எவ்வகையிலும் புறக்கணிக்கப்படாது. மாநிலத்தில் கொரோனா பரவல் தொடர்ந்து கண்காணிக்கப்பட்டு வருகிறது. புதிய வைரஸ் பாதிப்பு இதுவரை இல்லை. தொற்று பரவல் அதிகரித்தால், தேவையான படுக்கை, ஆக்சிஜன் வசதிகள் உள்ளது. கொரோனாவை தடுப்பதில் எச்சரிக்கையாக உள்ளோம்.



தமிழகத்தில் இருந்து புதுச்சேரிக்கு வரும் சொகுசு கப்பலுக்கு, புதுச்சேரி அரசு எந்த அனுமதியும் அளிக்கவில்லை. அது தொடர்பான எந்த கோப்பும் எனக்கு வரவில்லை. சொகுசு கப்பல் தொடர்பான அதிகாரப்பூர்வ தகவல் எதுவும் வரவில்லை. புதுச்சேரியில் சுற்றுலாவை மேம்படுத்துவது அரசின் எண்ணம். அதே நேரத்தில் வருமானத்திற்காக, கலாசாரத்தை சீரழிக்கும் வகையிலான சுற்றுலாவிற்கு அனுமதி அளிக்க மாட்டோம்.இவ்வாறு அவர் கூறினார்

தினமலர்.

மும்பையில் 4/5 மாதங்களாக அடிபட்ட --சொகுசு கப்பல்களில் ,போதை பொருள்கள் அகப்பட்ட பெரிய புள்ளிகளின்   சிறிய புள்ளிகள் --இது மாதிரி கப்பல்களில்தான் போதை பொருட்கள் கிடைப்பதாகவும்  ஒரு முறை உள்ளே ஏறிவிட்டால், கடலில் காவல் துறை ஒன்றும் பண்ணமுடியாது  என்கின்ற தவறான எண்ணங்களில் தவறுகள் பல நடப்பதாக  கேள்வி.

அதெல்லாம் சரி!
ஆனால், ‘பாண்டிச்சேரி’ எதற்குப் பெயர்போனது! அதுபற்றி .......

அந்த காலங்களில் .அதாவது காமராஜ் அரசு செய்த காலத்தே 
மதுவிலக்கு அமலில் இருந்த போது,சனி/ஞாயிறு தினங்களில் 
சென்னைவாசிகள் புதுவை போவார்கள். மது அருந்த.

இந்த காலங்களில் பெட்ரோல் போடுவதற்கு பாண்டி போகிறார்கள்.
 சென்னை 102/63 & பாண்டி  96/22 லிட்டருக்கு 6-50 ரூபா மிச்சம்.

அது ஒரு புறம் இருக்க--போதை பொருட்கள் எனப்படும் கஞ்ஜா /அபின் 
அங்கே அதிகம் கிடையாதே!  

பாண்டிக்கு பக்கத்துக்கு ஊர்வாசி --சிதம்பரம் ராம் அவர்களுக்கு 
தெரிந்து இருக்கலாம்.



@Dr.S.Soundarapandian

@ayyasamy ram