உரைக்கல்

by சரவிபி ரோசிசந்திரா Mon Jun 06, 2022 5:07 pm

வெளிச்சத்தில் தொலைகிறேன்
இரவு வேளை(லை)யில்
நீ மூழ்கி இருப்பதால்

நீ கொஞ்சம் நேரம் பேசினாலும் நெடுந்தொலைவு வருகிறது உன் தீந்தமிழ் வாசம்...

பிரிவின் மொழியில்
புரிந்து விடுகிறது
உண்மை நேசத்தின்
வெளிப்பாடு...

வேலை நேரம்
சீக்கிரம் முடிகிறது
வார இறுதிநாள்

சரவிபி ரோசிசந்திரா

by **T.N.Balasubramanian** Mon Jun 06, 2022 6:03 pm

சரவிபி ரோசிசந்திரா wrote:வெளிச்சத்தில் தொலைகிறேன்
இரவு வேளை(லை)யில்
நீ மூழ்கி இருப்பதால்

சரவிபி ரோசிசந்திரா

மேற்கோள் செய்த பதிவு: 1363328

புதியவர் நீங்கள் .

உங்களை ஈகரையின் விதிமுறைகளை பார்த்து, படித்து அதை அனுசரிக்கவும் என்று கூறி இருந்தேன்.
விதிமுறைகளின் படி, கவிதைகள் 5 வரிகளுக்கு குறைவாக இருந்தால்,அதை ஒரு பதிவாக போடவேண்டாம்.
ரெண்டோ அல்லது மூன்று கவிதைகளை, அதற்குரிய தலைப்புகளுடன் இணைத்து ஒரு பதிவாக போடலாம்.

மேலும் ஈகரை விதிமுறைகளை படிக்கவும். அனுசரிக்கவும்.

@சரவிபி ரோசிசந்திரா

தலைமை நடத்துனர்.

by சரவிபி ரோசிசந்திரா Mon Jun 06, 2022 6:33 pm

மன்னிக்கவும். பதிவுகள் சேர்த்து விட்டேன். இனிமேல் இவ்வாறு பதிவிடமாட்டேன் ஐயா.

by **T.N.Balasubramanian** Mon Jun 06, 2022 7:04 pm

சரவிபி ரோசிசந்திரா wrote:மன்னிக்கவும். பதிவுகள் சேர்த்து விட்டேன். இனிமேல் இவ்வாறு பதிவிடமாட்டேன் ஐயா.

மேற்கோள் செய்த பதிவு: 1363334

பரவாயில்லை ,ரோஸி சந்திரா அவர்களே.

வழிநடத்துனர்கள் கடமையே, புதியவர்களை நெறிப்படுத்துதல்தான்.

நன்றி.

by சரவிபி ரோசிசந்திரா Mon Jun 06, 2022 7:08 pm

மிக்க மகிழ்ச்சி ஐயா

by சரவிபி ரோசிசந்திரா Fri Sep 30, 2022 9:31 pm

அப்பா
மகளுக்காய் பிறந்த ஆருயிர் தெய்வம்
மகனுக்குப் புரிய கொஞ்சம் காலம் விரியும்
கருவறையில் சுமந்த அம்மாவிற்கு
காவியங்கள் பல,
மனவறையில் சுமந்திடும் அப்பாவிற்கு
மனவலிகள் பல,
அகராதியால் அப்பாவிற்கு
பொருள் தர இயலாது;
பிள்ளைகளுக்காய் அவர் சுமந்த வலிக்கு
எதுவுமே இணையாகாது.
அழுக்குச் சட்டையிலே
ஆணிக்கால் நடையிலே
தோள் மீது தூக்கி வரும்
அம்பாரி அவரே!
மார்பில் தூளியிட்ட
அன்னையும் அவரே!
கண்கள் பொத்திக் குளிக்க வைக்கும்
கருணை உள்ளம்
கண்ணசைவில் உணர்வை அறியும் உன்னத தெய்வம்.
காலம் பல ஆனாலும்
காத்திருக்கேன் வாசலோரம்
அப்பா நீங்கள் வருவீர்கள் என....
அப்பா நீங்கள் வருவீர்கள் என....

சரவிபி ரோசிசந்திரா