சென்னையில் ஒரே மாதத்தில் 20 கொலை? போலீஸ் கமிஷனர் சங்கர் ஜிவால் விளக்கம்!

-
சென்னை
:''சென்னையில் மே மாதத்தில், முன்விரோதம் காரணமாக நடந்த மூன்று
கொலைகள் உட்பட, 10 கொலைகள் நடந்துள்ளன; 20 பேர் கொலை என்பது
தவறான தகவல்,'' என, போலீஸ் கமிஷனர் சங்கர் ஜிவால் விளக்கமளித்தார்.

போலி கப்பல் ஏற்றுமதி நிறுவனம் நடத்தி, கோடிக்கணக்கில் மோசடி
செய்த துாத்துக்குடி மாவட்டத்தைச் சேர்ந்த சகோதரர் களான பொன்ராஜ்,
கெவிராஜ், டேனியல், புதுச்சேரியைச் சேர்ந்த விஜயமுருகப்பா ஆகிய நான்கு
பேரை, மத்திய குற்றப்பிரிவு ஆவணங்கள் மோசடி புலனாய்வு பிரிவு போலீசார்
கைது செய்தனர்.

அவர்களிடமிருந்து 188 சவரன் நகைகள், 58 லட்சம் ரூபாய்; இரண்டு
கார்கள், கணினி உள்ளிட்டவை பறிமுதல் செய்யப்பட்டன.மேலும்,
அரசு வேலை வாங்கி தருவதாக கூறி, 100க்கும் மேற்பட்டோரிடம்
5 கோடி ரூபாய்க்கு மேல் பண மோசடி செய்த, நன்மங்கலத்தைச்
சேர்ந்த ரேணுகா, அவரது கணவர் ரஞ்சித் உட்பட 11 பேரை, மத்திய
குற்றப்பிரிவு வேலைவாய்ப்பு மோசடி புலனாய்வு பிரிவு போலீசார்
கைது செய்தனர்.

இது போன்ற பல்வேறு சம்பவங்களில் சிறப்பாக செயல்பட்டு,
குற்றவாளிகளை கைது செய்த மத்திய குற்றப்பிரிவு போலீசாருக்கு
சான்றிதழ் வழங்கி, கமிஷனர் சங்கர் ஜிவால் நேற்று பாராட்டினார்.

பின், போலீஸ் கமிஷனர் சங்கர் ஜிவால் அளித்த பேட்டி:

அரசு வேலைவாய்ப்பு மோசடி விவகாரத்தில், அரசு அலுவலக
உதவியாளர்களுக்கு தொடர்பு இருக்கலாம் என்ற சந்தேகம் எழுந்துள்ளது;
விசாரணை நடக்கிறது.சென்னையில் ஒரே மாதத்தில் 18 முதல் 20 கொலைகள்
நடந்துள்ளன என்பது தவறான தகவல்.

மே மாதத்தில் 10 கொலைகள் நடந்துள்ளன. அதில், முன்விரோதம் காரணமாக
மூன்று கொலைகள்நடந்துள்ளன.சென்னையில் ஒவ்வொரு ஆண்டும்,
சராசரியாக 140 கொலைகள் நடக்கின்றன. அவற்றை குறைப்பதற்கான
முயற்சிகள் எடுக்கப்பட்டுள்ளன.

சென்னை காவல் துறை, எந்தவித அரசியல் அழுத்தமும் இல்லாமல் சுதந்திரமாக
பணியாற்றுகிறோம். சட்டம் - ஒழுங்கு தொடர்பாக, முதல்வர் தலைமையில்
நடந்த ஆலோசனை கூட்டத்தில் எடுக்கப்பட்ட முடிவுகள், அறிவுரைகள்
குறித்து, போலீஸ்டி.ஜி.பி., தெளிவுபடுத்துவார்.

சட்டம் - ஒழுங்கு குறித்த புள்ளி விபரங்களை ஒப்பிட்டு பார்த்தால், நாட்டிலேயே
சிறந்த மாநகரமாக சென்னை இருக்கிறது.
இவ்வாறு அவர் கூறினார்.

தினமலர்

Code:

சட்டம் - ஒழுங்கு குறித்த புள்ளி விபரங்களை ஒப்பிட்டு பார்த்தால், நாட்டிலேயே[size=14][/size]
சிறந்த மாநகரமாக சென்னை இருக்கிறது.[size=14][/size]
இவ்வாறு அவர் கூறினார்.[size=14][/size]

சென்னை நாட்டிலேயே சிறந்த மாநகரம் என்றால், தமிழகம் சிறந்த மாநிலம் இல்லையா?