மகாபாரதத்தில் ஒரு கட்டம்.

by **ayyasamy ram** Wed Jun 01, 2022 2:25 pm

உணவருந்தி, ஓய்வெடுத்துக் கொண்டிருந்தார், கர்ணன்.
அப்போது, ஓர் ஏழை அந்தணர், அவர் பக்கம் வந்து நின்று
தர்மம் கேட்டார்.

அவருக்கு தர்மமாக கொடுக்க, தன்னிடம் எதுவும் இல்லையே
என்று வருந்திய கர்ணனின் கண்களில், தான் இடப்பக்கம்
வைத்திருந்த தங்கக் கோப்பை பட்டது.

உடனே, இடக்கையால் அதை எடுத்து, அந்த அந்தணருக்குக்
கொடுத்தார்.

தங்கக் கோப்பையைப் பெற்றுக் கொண்ட அந்தணர், கர்ணனை
வணங்கிச் சென்றார்.

அப்போது, கர்ணனின் அருகே இருந்த பணியாள், ‘அரசே…
தர்மத்தை இடக்கையால் செய்வது ஆகாது அல்லவா…’ என்று,
கேட்டான்.

அதற்குக் கர்ணன், ‘தர்மம் என்றால் சிறிது கூட யோசிக்காமல்
உடனே கொடுத்து விட வேண்டும். நான் இருந்த சூழ்நிலையில்,
உடனே வலக்கையால் தங்கக் கோப்பையை எடுக்க
முடியவில்லை. இடக்கையால் எடுத்து வலக்கைக்கு மாற்றுவதற்குள்
ஒருவேளை, என் மனது மாறினாலும் மாறிவிடும்.
அதனால் தான், அதை இடது கையால் உடனே கொடுத்து விட்டேன்…’
என்றார்.
–
நடுத்தெரு நாராயணன்
திண்ணை-வாரமலர்

by **Dr.S.Soundarapandian** Wed Jun 01, 2022 9:38 pm

மகாபாரதத்தில் ஒரு கட்டம்.

மகாபாரதத்தில் ஒரு கட்டம்.

Re: மகாபாரதத்தில் ஒரு கட்டம்.