டிக்கெட் பரிசோதகரால் தள்ளி விடப்பட்ட பயணிக்குரூ.10.60 லட்சம் இழப்பீடு வழங்க உத்தரவு

**T.N.Balasubramanian** · **T.N.Balasubramanian** Sat May 21, 2022 8:47 am

சென்னை : டிக்கெட் பரிசோதகரால் பாதிக்கப்பட்ட பயணிக்கு, தெற்கு ரயில்வே 10.60 லட்சம் ரூபாய் இழப்பீடு வழங்க, மாநில நுகர்வோர் நீதிமன்றம் உத்தரவிட்டுஉள்ளது.

டிக்கெட் பரிசோதகரால் தள்ளி விடப்பட்ட பயணிக்குரூ.10.60 லட்சம் இழப்பீடு வழங்க உத்தரவு Tamil_News_large_303426220220520221530

டிக்கெட் பரிசோதகரால் தள்ளி விடப்பட்ட பயணிக்குரூ.10.60 லட்சம் இழப்பீடு வழங்க உத்தரவு Tamil_News_large_303426220220520221530

விருதுநகர் மாவட்டம், ராஜபாளையத்தை சேர்ந்தவர் மாரியப்பன், 45. கடந்த 1998ல் நெல்லை எக்ஸ்பிரஸ் ரயிலில் சென்னைக்கு பயணிக்க, முன்பதிவில்லா இரண்டாம் வகுப்பு டிக்கெட் எடுத்தார். இரண்டாம் வகுப்பு பெட்டியில் கூட்டம் அதிகமாக இருந்தது.இதனால், இரண்டாம் வகுப்பு முன்பதிவு பெட்டியில் பயணிக்க, டிக்கெட் பரிசோதகரிடம் அனுமதி கோரினார்;

அதற்கான கூடுதல் கட்டணத்தை செலுத்தி விடுவதாகவும் தெரிவித்துள்ளார்.மறுத்த டிக்கெட் பரிசோதகர், முன்பதிவு பெட்டியில் ஏறிய மாரியப்பனை ஓடும் ரயிலில் இருந்து கீழே தள்ளி விட்டார். ரயிலுக்கும், நடை மேடைக்கும் இடையில் சிக்கி, அவர் பலத்த காயமடைந்தார்.

சம்பவம் குறித்து, தெற்கு ரயில்வேயில் புகார் செய்தும் நடவடிக்கை எடுக்காததால், சென்னை மாவட்ட வடக்கு நுகர்வோர் நீதிமன்றத்தில் வழக்கு தொடர்ந்தார். வழக்கில், மாரியப்பனுக்கு தெற்கு ரயில்வே, 10.60 லட்சம் ரூபாய் இழப்பீடு வழங்கும்படி, 2014ல் உத்தரவிட்டது.இந்த உத்தரவை எதிர்த்து, தெற்கு ரயில்வே பொது மேலாளரால், சென்னையில் உள்ள மாநில நுகர்வோர் நீதிமன்றத்தில் மேல்முறையீடு செய்யப்பட்டது.

மேல் முறையீட்டு மனுவை விசாரித்த நீதிபதி சுப்பையா, நீதித்துறை உறுப்பினர் வெங்கடேச பெருமாள் ஆகியோர், மாரியப்பனுக்கு 10.60 லட்சம் ரூபாய் இழப்பீடு வழங்க, மாவட்ட நுகர்வோர் நீதிமன்றம் உத்தரவிட்டிருப்பது சரிதான் என, உத்தரவிட்டனர். தெற்கு ரயில்வே பொது மேலாளரின் மேல்முறையீட்டு மனுவை தள்ளுபடி செய்தனர்.

நன்றி தினமலர்

டிக்கெட் பரிசோதகரால் தள்ளி விடப்பட்ட பயணிக்குரூ.10.60 லட்சம் இழப்பீடு வழங்க உத்தரவு

டிக்கெட் பரிசோதகரால் தள்ளி விடப்பட்ட பயணிக்குரூ.10.60 லட்சம் இழப்பீடு வழங்க உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக