ர‌க்‍ஷா ப‌ந்த‌ன்

பெ‌ண்க‌ள் த‌ங்களது சகோதர‌ர்களு‌க்கு ம‌ற்று‌ம் சகோதர‌ர்களாக பா‌வி‌ப்ப‌வ‌ர்களு‌க்கு ரா‌க்‌கி அ‌ணி‌வி‌க்கு‌ம் ‌இ‌ந்த ‌தினமே ர‌க்‍ஷா ப‌ந்த‌ன் ‌விழாவாகு‌ம்.

‌இ‌ந்த ர‌க்‍ஷா ப‌ந்த‌ன், ஒ‌வ்வொரு ஆ‌ண்டு‌ம் ஆவணி மாதப் பௌர்ணமி நாளி‌ல் கொண்டாடப்படும் பண்டிகையாகும். பெண்கள் பூஜை‌யி‌ல் ம‌ஞ்ச‌ள் நூலை வை‌த்து பூ‌ஜி‌த்து, த‌ங்களது சகோதர‌ர்க‌ள் பல ஆ‌ண்டுகால‌ம் நலமாக வாழ வே‌ண்டி அ‌ந்த க‌யிறை தமது சகோதரர்கள், மற்றும் சகோதரர்களாகக் பா‌வி‌ப்பவ‌ர்க‌ளி‌ன் கை மணிக்கட்டில் கட்டுவது தா‌ன் இப்பண்டிகையின் முக்கிய நிகழ்ச்சி.

இ‌ந்த ம‌ஞ்ச‌ள் க‌யிறை க‌‌ட்டி‌க் கொ‌ள்வத‌ன் மூல‌ம் ஒரு ஆ‌ண், அந்தச் சகோதரியின் வாழ்க்கை நலத்திற்கும், பாதுகா‌ப்‌பி‌ற்கு‌ம் உறுதுணையாக இருப்பேன் என்று உறுதி கூறுவதாகக் கருதப்படுகிறது.

சகோத‌ரி, தனது சகோதரனு‌க்கு ராக்கி கட்டியவுடன் சகோதரன், சகோதரிக்கு ஒரு பரிசு அல்லது பண‌த்தை அ‌ன்புட‌ன் அளிப்பது வழக்கம். இது பொதுவாக இ‌ந்து‌க்க‌ளி‌ல் ‌சில கு‌றி‌ப்‌பி‌ட்ட மத‌த்‌தின‌ர் ம‌ட்டுமே இ‌ந்த ப‌ண்டிகையை‌க் கொ‌ண்டாடி வ‌ந்தன‌ர். ஆனா‌ல் த‌ற்போது பல மத‌த்தை சே‌ர்‌ந்த பெ‌ண்க‌ள் த‌ங்களது சகோதர‌ர்களு‌க்கு‌ம், சகோதர‌ர்களாக‌ப் பழகுபவ‌ர்களு‌க்கு‌ம் ரா‌க்‌கி‌க் க‌ட்டி‌க் கொ‌ண்டாடுவதா‌ல், இது இ‌ந்து‌க்க‌ள் ப‌ண்டிகை எ‌ன்பது மா‌றி சமுதாயப் பண்டிகை என்ற அடையாள‌த்தை‌ப் பெ‌ற்று வரு‌கிறது.

ர‌க்‍ஷா ப‌ந்த‌ன் ப‌ண்டிகையை மு‌ன்‌னி‌ட்டு எ‌ல்லா‌க் கடைக‌ளிலு‌ம் வ‌ண்ணமயமான ரா‌க்‌கிகளு‌ம், இ‌னி‌ப்புகளு‌ம் ‌வி‌ற்பனை‌க்கு வ‌ந்து‌ள்ளன.

வட இ‌ந்‌தியா‌வி‌ல் ம‌ட்டுமே ‌சிற‌ப்பாக கொ‌ண்டாட‌ப்ப‌ட்டு வ‌ந்த இ‌ந்த ப‌ண்டிகை ‌த‌ற்போது தெ‌ன்‌னி‌ந்‌திய பகு‌திக‌ளிலு‌ம் ‌பிரபலமடை‌ந்து
வரு‌கிறது. ந‌ல்ல ‌விஷய‌ங்க‌ள் பரவுவது ந‌ல்லதுதானே.

ர‌க்‍ஷா ப‌ந்த‌ன் வரலாறு

சகோதர‌த்துவ‌த்தை வெளிக்காட்டும் ப‌ண்டிகையாக ர‌க்‍ஷா ப‌ந்த‌ன் பழங்காலந்தொட்டு கொ‌ண்டாட‌ப்ப‌ட்டு வருகிறது. கி.பி. 1303ம் ஆண்டு சித்தூர்கரை (ராஜஸ்தான்) டெல்லி சுல்தான் அலாவுதீன் கில்ஜி படைகளுட‌ன் தாக்க வரும் போது, ‌சி‌த்தூ‌ர்க‌ர் ராணி பத்மினி அண்டை நாட்டு மன்னர்களுக்கு ராக்கி அனுப்பியதாக சரித்திரக் குறிப்புகள் உள்ளன.

ரா‌ணி ப‌த்‌மி‌னி ரா‌க்‌கி அனு‌ப்‌பியத‌ன் மூல‌ம் அ‌ண்டை நா‌ட்டு ம‌‌ன்ன‌‌ர்க‌ள், தன் சகோதரியையு‌ம், அவ‌ர்களது ஆ‌ட்‌சி‌ப் பகு‌தியையு‌ம் காக்க வே‌ண்டிய கடைமை ஏ‌ற்ப‌ட்டது. அதனா‌ல் அந்த மன்னர்கள் தங்கள் படைகளை அனுப்‌‌பி சு‌ல்தா‌ன் அலாவு‌தீனுட‌ன் போ‌ர் பு‌ரிய ஏ‌ற்பாடு செ‌ய்தது‌ம் கு‌றி‌ப்‌பிட‌த்த‌க்கது.

‌விளையா‌ட்ட‌ல்ல ர‌க்‍ஷா ப‌ந்த‌ன்

‌சில பெ‌ண்க‌ள் த‌ங்களை சு‌ற்‌றி சு‌ற்‌றி வ‌ந்து காத‌லி‌க்கு‌ம் ஆ‌ண்களு‌க்கு ரா‌க்‌கி க‌ட்டி ‌விடுவதாக‌க் கூ‌றி பயமுறு‌த்துவா‌ர்க‌ள். ‌இது ‌மிக‌ப்பெ‌ரிய தவறு. ஏ‌ன் எ‌னி‌ல், சகோதர அ‌ன்பையு‌ம், அவ‌ர்களது நலனையு‌ம் வே‌ண்டி, சகோத‌ரி கடவு‌ளிட‌ம் பூ‌ஜி‌த்து‌த்தா‌ன் இ‌ந்த ரா‌க்‌கியை தனது சகோதரனு‌க்கு க‌ட்டுவா‌ர்க‌ள்.

அதே‌ப்போல க‌யிறு க‌ட்டி‌க் கொ‌ண்ட சகோதரனு‌ம், தனது சகோத‌ரி‌யி‌ன் நல‌னிலு‌ம், பாதுகா‌ப்‌பிலு‌ம் அ‌க்கறை கொ‌ண்டவராக இரு‌ப்பா‌ர். இ‌ப்படி‌ப்ப‌ட்ட ஒரு பு‌னிதமான இ‌ந்த ப‌ண்டிகையை பெ‌ண்க‌ள் ‌விளையா‌ட்டாக செ‌ய்யாம‌ல் தா‌ங்க‌ள் உ‌ண்மை‌யிலேயே சகோதரனாக பா‌வி‌க்கு‌ம் ஆ‌ண்களு‌க்கு இ‌ந்த ரா‌க்‌கியை‌க் க‌ட்டி உ‌ங்களது உறவை இ‌ன்னு‌ம் பல‌ப்படு‌த்‌தி‌க் கொ‌ள்ள ம‌ட்டு‌ம் ரா‌க்‌கி க‌ட்டலா‌ம்.

நன்றி -தட்ஸ்தமிழ்