“இன்று இரவு கரையை கடக்கும் அசானி புயல்” - இந்திய வானிலை ஆய்வு மையம்

by **ayyasamy ram** Tue May 10, 2022 12:28 pm

புதுடெல்லி,

தென்கிழக்கு வங்கக்கடல் பகுதியில் கடந்த வார இறுதியில்
காற்றழுத்த தாழ்வு மண்டலம் உருவானது. அது மேலும்
வலுப்பெற்று காற்றழுத்த ஆழ்ந்த தாழ்வு மண்டலமாக மாறியது.
நேற்று முன்தினம் காலை அந்த குறைந்த காற்றழுத்தம் புயலாக
மாறியது.

அசானி புயல் காரணமாக தமிழ்நாட்டில் 33 மாவட்டங்களில்
அடுத்த 3 மணி நேரத்தில் இடியுடன் கூடிய மிதமான மழை பெய்ய
வாய்ப்பு உள்ளதாக வானிலை ஆய்வு மையம் தெரிவித்துள்ளது.
புதுவை காரைக்கால் பகுதிகளில் கனமழை பெய்யக்கூடும் என
வானிலை மையம் தெரிவித்துள்ளது.

இந்நிலையில், ஒடிசா மாநிலத்தில் உள்ள பூரி பகுதியில் இருந்து
590 கி.மீ தொலைவில் நிலை கொண்டுள்ள அசானி புயல் இன்று
இரவு வடமேற்கு திசையை நோக்கி நகர்ந்து வடக்கு
ஆந்திரப் பிரதேசம் மற்றும் ஒடிசா கடற்கரையை ஒட்டி
மேற்கு-மத்திய வங்காள விரிகுடாவை அடைய வாய்ப்பு உள்ளதாக
இந்திய வானிலை ஆய்வு மையம் தெரிவித்துள்ளது.

மேலும் தற்போது தீவிர புயலாக இருக்கும் அசானி அடுத்த 24 மணி
நேரத்தில் வலுவிழந்து புயலாக மாறக்கூடும் என வானிலை ஆய்வு
மையம் தெரிவித்துள்ளது.

தினத்தந்தி

by **ayyasamy ram** Tue May 10, 2022 2:11 pm

அசானி புயல்... காற்றுடன் கனமழை... சென்னையில் விமான சேவை பாதிப்பு - 10 விமானங்கள் இன்று ரத்து
-
சென்னை:
சென்னையில் இருந்து ஐதராபாத், மும்பை, விசாகப்பட்டினம், ஜெய்ப்பூர்
உள்ளிட்ட நகரங்களுக்கு இயக்கப்படும் 10 விமானங்கள் ரத்து
செய்யப்பட்டுள்ளது.

அசானி புயல் எச்சரிக்கை காரணமாக விமானங்கள் இன்று ரத்து
செய்யப்பட்டுள்ளதாக தெரிவிக்கப்பட்டுள்ளது.

அசானி புயல் வங்கக் கடலில் நிலை கொண்டு தீவிர புயலாக
உருமாறியுள்ளது. இது ஆந்திராவில் காக்கிநாடாவில் இருந்து
தென்கிழக்கில் 130 கிலோ மீட்டர் தொலைவில் மையம் கொண்டிருப்பதால்
வடமேற்கு திசையில் நகர்ந்து இன்று இரவு வடக்கு ஆந்திரா ஒடிசா
கடற்கரையை ஒட்டி சென்றடையும் என்று வானிலை ஆய்வு மையம்
தெரிவித்துள்ளது.

வடக்கு, வடகிழக்கு திசையிலிருந்து மாறி வடக்கு ஆந்திரா மற்றும்
ஒடிசா கடலோரப் பகுதியை நோக்கி நகரும் என்றும் 24 மணி நேரத்தில்
புயலாக வலு குறையும் என்றும் வானிலை ஆய்வு மையம் தெரிவித்துள்ளது.

இதனால் ஒடிசாவில் பூரி, ஜகத்சிங்பூர் மற்றும் கேந்திரபாரா ஆகிய நான்கு
மாவட்டங்களில் கனமழை பெய்யக்கூடும் என வானிலை ஆய்வு மையம்
தெரிவித்துள்ளது. குறிப்பாக அசானி புயல் காரணமாக வட தமிழகம் புதுச்சேரி
மற்றும் காரைக்கால் பகுதிகளில் இன்று முதல் 3 நாட்களுக்கு மழை பெய்யும்
என்று வானிலை ஆய்வு மையம் தெரிவித்துள்ளது.

தமிழ் ஒன் இந்தியா

by **ayyasamy ram** Tue May 10, 2022 2:11 pm

by Sponsored content

“இன்று இரவு கரையை கடக்கும் அசானி புயல்” - இந்திய வானிலை ஆய்வு மையம்

“இன்று இரவு கரையை கடக்கும் அசானி புயல்” - இந்திய வானிலை ஆய்வு மையம்

Re: “இன்று இரவு கரையை கடக்கும் அசானி புயல்” - இந்திய வானிலை ஆய்வு மையம்

Re: “இன்று இரவு கரையை கடக்கும் அசானி புயல்” - இந்திய வானிலை ஆய்வு மையம்

Re: “இன்று இரவு கரையை கடக்கும் அசானி புயல்” - இந்திய வானிலை ஆய்வு மையம்