கை மாறியது --நீட் விலக்கு

தமிழக கவர்னர் அனுப்பி வைத்த 'நீட்' தேர்வு விலக்கு மசோதா, மத்திய உள்துறை அமைச்சகத்தில் இருந்து, மத்திய சட்ட அமைச்சகத்துக்கு கை மாறியது. இதையடுத்து, சட்ட அமைச்சகம் சார்பில், உச்ச நீதிமன்ற நீதிபதிகள், சட்ட வல்லுனர்களிடம் கருத்துக்கள் கேட்கப்பட்டு, ௯௦ நாட்களுக்குள் அதன் பரிந்துரை, மீண்டும் உள்துறை அமைச்சகத்துக்கு அளிக்கப்படும்.



அதன் பின்னரே இந்த மசோதா, ஜனாதிபதியின் ஒப்புதலுக்கு செல்லுமா என்ற கேள்விக்கு விடை தெரியவரும்.மருத்துவக் கல்லுாரி மாணவர் சேர்க்கைக்கான, 'நீட்' தேர்வில் இருந்து விலக்கு அளிக்கக் கோரி, தமிழக சட்டசபையில், 2021 செப்., 13ல் மசோதா நிறைவேற்றப்பட்டது. இதை மறுபரிசீலனை செய்யும்படி கூறி, மசோதாவை கவர்னர் ரவி, பிப்ரவரியில் சபாநாயகருக்கு திருப்பி அனுப்பிவைத்தார்.இதையடுத்து, நீட் தேர்வுக்கு விலக்கு அளிக்க கோரும் மசோதா, பிப்., ௧௦ல் சட்டசபையில் இரண்டாவது முறையாக நிறைவேற்றப்பட்டது. இந்த மசோதாவை, சபாநாயகர் அப்பாவு, கவர்னர் ரவிக்கு உடனடியாக அனுப்பி வைத்தார்.
எட்டு பக்க கடிதம்
இரண்டாவது முறையாக நிறைவேற்றப்பட்ட மசோதாவை, கவர்னரால் திருப்பி அனுப்ப முடியாது. மாறாக, அவர் ஜனாதிபதியின் ஒப்புதலுக்கு அனுப்பி வைக்க வேண்டும். ஆனால், கவர்னர் ரவி, மசோதாவை ஜனாதிபதியின் ஒப்புதலுக்கு உடனடியாக அனுப்பி வைக்கவில்லை.
இதையடுத்து, தமிழக அரசுக்கும், கவர்னர் ரவிக்கும் மோதல் ஏற்பட்டது. கவர்னரை கண்டித்து, தி.மு.க.,வினர் போராட்டங்கள் நடத்தினர். இந்நிலையில், 'நீட் தேர்வுக்கு விலக்கு அளிக்க கோரும் மசோதாவை, ஜனாதிபதியின் ஒப்புதலுக்காக, கவர்னர் ரவி, மத்திய உள்துறை அமைச்சகத்துக்கு அனுப்பி வைத்துள்ளார்' என, சட்டசபையில் முதல்வர் ஸ்டாலின் நேற்று முன்தினம்
தெரிவித்தார்.இதையடுத்து, மத்திய உள்துறை அமைச்சக வட்டாரங்கள் தெரிவித்ததாவது:மத்திய உள்துறை இணைச் செயலருக்கு, தமிழக கவர்னர் ரவி, எட்டு பக்க கடிதம் ஒன்றை அனுப்பினார். அதில், 'தமிழக சட்டசபையில் நிறைவேற்றப்பட்ட நீட் தேர்வுக்கு விலக்கு அளிக்க கோரும் மசோதாவுக்கு ஜனாதிபதியின் ஒப்புதலை பெற வேண்டும்' என கூறியிருந்தார்.

தொடருகிறது
நன்றி தினமலர்.

தொடர்ச்சி------2---

90 நாட்களுக்குள்

இது பற்றி, உள்துறை அமைச்சர் அமித் ஷாவிடம் தெரிவிக்கப்பட்டது. உடனே அவர், இந்த மசோதா குறித்து ஆய்வு செய்து பரிந்துரைக்குமாறு, மத்திய சட்ட அமைச்சர் கிரண் ரிஜிஜுவை கேட்டுக் கொண்டார். இதையடுத்து, நீட் தேர்வுக்கு விலக்கு கோரும் மசோதா, மத்திய சட்ட அமைச்சகத்துக்கு அனுப்பி வைக்கப்பட்டு உள்ளது.இந்த மசோதா குறித்து, சட்ட அமைச்சகம் தரப்பில், உச்ச நீதிமன்ற நீதிபதிகள், சட்ட வல்லுனர்களிடம் கருத்துக்கள் கேட்கப்படும்.
பின், அதன் பரிந்துரையை, ௯௦ நாட்களுக்குள் உள்துறை அமைச்சகத்துக்கு அனுப்பி வைக்கும். இதையடுத்தே இந்த மசோதாவை, மத்திய உள்துறை அமைச்சகம், ஜனாதிபதியின் ஒப்புதலுக்கு அனுப்பி வைக்கும்.இவ்வாறு உள்துறை அமைச்சக வட்டாரங்கள் தெரிவித்தன.ஜனாதிபதி ராம்நாத் கோவிந்தின் பதவி காலம் ஜூலை ௨௫ம் தேதியுடன் முடிகிறது. இந்நிலையில், மத்திய உள்துறை அமைச்சகம், நீட் தேர்வுக்கு விலக்கு கோரும் மசோதாவை, ஜனாதிபதிக்கு அனுப்புவதற்குள், புதிய ஜனாதிபதி தேர்தல் நடக்க அதிக வாய்ப்பு உள்ளது.
காலதாமதமாகும்
அதனால், இந்த மசோதாவுக்கு ஒப்புதல் அளிப்பது பற்றி, புதிய ஜனாதிபதி தான் முடிவு செய்ய வேண்டும் என, ஜனாதிபதி ராம்நாத் கோவிந்த் தெரிவிக்க அதிக வாய்ப்புகள் உள்ளதாக, டில்லி அரசியல் வட்டாரங்கள் தெரிவித்தன.அதனால், புதிய ஜனாதிபதி பதவியேற்ற பின், இந்த மசோதா அவருக்கு அனுப்பி வைக்கப்படலாம். அவரும் மசோதா பற்றி சட்ட வல்லுனர்களிடம் ஆலோசித்து, ஒப்புதல் அளிப்பது பற்றி முடிவு செய்வார் என்றும் டில்லி வட்டாரங்கள்
தெரிவித்தன. அதனால், நீட் தேர்வுக்கு விலக்கு கோரும் மசோதா மீது முடிவெடுக்க காலதாமதமாகும் என தெரிய வந்துள்ளது.-

புதுடில்லி நிருபர் -தினமலர்

என்னவென்று சொல்வதம்மா? வஞ்சியிவள் பேரழகை!

Dr.S.Soundarapandian wrote:என்னவென்று சொல்வதம்மா? வஞ்சியிவள் பேரழகை!

மேற்கோள் செய்த பதிவு: 1362018

அரசியல் சதுரங்கத்தில்
மாணவ மாணவிகள் பலிகடா !

"அரசியல் சதுரங்கத்தில்
மாணவ மாணவிகள் பலிகடா !"-
இரமணியன் சூப்பர்!